Jêphania 1:4 - Sơ̆p Hlabơar Nơ̆r 'Bok Kei-Dei

⁴ “Inh gô yơ̆r ti pơm kơ Juđa păng đĭ-đăng kon pơlei oei lăm Jêrusalem; Inh gô tơhiong pơgoh lu yang Baal mă oei oei, dôm lu thây tơm păng 'bok soi lu sư đơ̆ng anih 'nâu.

Jêphania 1:4 Iomraidhean Croise

II Pot 21:13

Inh gô iŏk tơlei đơ̆ng pơtŏ dêh Samari păng tơlei đơ̆ng pơtŏ adrĕch Ahap, dăng lăm pơlei Jêrusalem dơ̆ng, inh gô sŭt pơgoh lê̆ pơlei Jêrusalem thoi đe ôp sŭt pơnhan, đơ̆ng noh gơsŭp lê̆ sư.

II Pot 23:12

Pơtao Jôsia kư̆m teng lê̆ lu chơnang soi mă lu pơtao đe Juđa pơm kơpal bơbŭng hnam kơjung, hnam pơtao Ahas; na gah lu chơnang soi mă Manase đei pơdơ̆ng 'bơ̆t 'bar tŏ cham hnam akŭm kơkuh kơ Kră Yang, sư tơlơ̆ păng teh pơchah lê̆, na chĕp ba săi lê̆ kơcheh sư lăm thŭng Kidrôn.

II Ho 34:4

Đe teh pơchah lê̆ đĭ lu chơnang soi kơ lu rup yang Baal 'bơ̆t anăp sư, teh pơchah pơhĕch lu chơnang soh 'long 'bâu phu kơpal chơnang soi noh; lu rup yang Asêria, rup yang đe traih păng rup yang đe hling tuh, teh tơgơ̆ tơpơ̆k lê̆, teh pơhĕch, na iŏk prôi tơ kơpal bơsat lu bơngai lôch mă đêl soi sơn ah kơ sư păng pơm rup yang noh.

Le 15:12

Ih yơ̆r ti 'ma Ih, Teh 'bŭ klơ̆p lê̆ lu sư.

Je 15:6

Kră Yang khan: “Ih sơngah achăng lê̆ Inh boih. Ih kư̆m oei kơdŭn tơ rŏng, Na Inh gô yơ̆r ti pơrăm ih; Inh ưh pă đei mơnat boih kơ ih.

Je 6:12

Hnam lu sư gô jao kơ đe nai; Hơdai hăm mir pơgar păng akăn lu sư hai. Kơplah Inh gô yơ̆r ti, phak lu kon pơlei lăm dêh 'nâu,” Kră Yang khan thoi noh.

Êsêkiên 25:7

na âu, Inh gô hiŏng ti phak ih, Inh gô pơjao ih kơ lu teh đak thoi tơmam đe tơtông tơgar, Inh gô puh tơweh ih đơ̆ng lu kon pơlei; inh gô pơlôch ih đơ̆ng lu teh đak. Inh gô pơrăm ih păng ih gô băt Inh boih Kră Yang.’ ”

Êsêkiên 6:14

Inh gô yơ̆r ti Inh wă blah lu sư; Inh gô pơm kơ teh đak, anih lu sư oei gô jing juơ; Inh gô pơrăm đơ̆ng char glă truh tơ pơlei Dibla. Thoi noh na lu sư gô băt Inh boih Kră Yang.”

Hôsia 10:5

Lu kon pơlei oei lăm char Kon pơlei Samari hli, yua kơ rup yang kon rơmo Bêt Awen hiong boih, kon pơlei ơh sơ'ngon yua rup yang noh, păng lu 'bok soi kư̆m nhơ̆m ơh 'mêm kơ rup kon rơmo 'lơ̆ng rŏ noh, yua kơ rup yang noh ưh pă đei boih.

Mi 5:13

Inh gô toh hŭt lê̆ rup yang Aserim đơ̆ng lu iĕm. Đơ̆ng noh Inh gô pơrăm lê̆ đĭ dôm lu pơlei tih lu iĕm.

Jêphania 2:11

Kră Yang gô tơ'bôh kơ lu sư hli krưp tơpă; yua kơ Sư gô pơlôch lu yang kơpal teh âu hăm tơdrong pơngot rơwĕt na rim 'nu bơngai lăm teh đak gô kơkuh kơ Kră Yang, lăm dêh char sư kơdih. Mă đĭ-đăng kơ bŏl đak păng dêh lei-lăi.

Jêphania 2:13

Đơ̆ng noh Kră Yang gô yơ̆r ti Sư tơ gah yă-nơ̆m, gô pơlôch pơrăm char Asiri, pơm ăn kơ pơlei Niniwe jing juơ, jing hrĕng kro thoi char 'blach.