Jêphania 1:10 - Sơ̆p Hlabơar Nơ̆r 'Bok Kei-Dei

¹⁰ Kră Yang khan: “Năr noh kơnh, gô đei nơ̆r krao ôr đơ̆ng 'măng jang ka, đei nơ̆r nhơ̆m hmoi tơ lăm pơlei tih anih tăl mă 'bar, nơ̆r jơwa re dêh đơ̆ng lu kông groi hơlih.

Jêphania 1:10 Iomraidhean Croise

II Sam 5:7

Mă-lei Đawit kư̆m blah iŏk kơđông Siôn, đe krao plei Đawit.

II Sam 5:9

Đawit oei lăm kơđông anăn kơđông pơlei Đawit. Sư man dur puăn pah đơ̆ng groi Milô năm tơ gah lăm.

II Pot 22:14

Thoi noh, lu đe 'bok soi Hilkia, Ahikam, Akbôr, Saphan păng Asaia, lu sư năm tơ bơngai khan lê̆ adrol drŏ-kăn, anăn sư Hulda, akăn Sallum, bơngai wei ao kơ̆m giĕng, kon drŏ-nglo Tikwa, sâu Harhas; sư oei tơ lăm pơlei Jêrusalem, lăm tơring mă 'Bar, lu sư pơma dơnuh hăm duch ei,

II Ho 3:1

Sôlômôn pơtơm pơm hnam akŭm kơ Kră Yang lăm pơlei Jêrusalem, kơpal kông Môria, anih mă Kră Yang đei jur tơ'bôh kơ Đawit, 'bă sư, tơ anih mă Đawit đei rơ̆ng hơmet, 'bơ̆t anih pơjuă 'ba Arauna, bơngai Jêbus.

II Ho 32:22

Thoi noh Kră Yang pơklaih Hesekia păng kon pơlei lăm Jêrusalem đơ̆ng ti Senacherip pơtao Asiri păng đơ̆ng ti lu bơngai ayăt nai, ăn kơ lu sư hiôk-hian đơ̆ng puăn pah.

II Ho 33:14

Đơ̆ng rŏng kơ lu tơdrong noh, sư man tơiung ming dur đaih Pơlei Đawit, gah bơmơ̆t kơ tu đak Gihôn lăm Thŭng truh tơ 'Măng Jang Ka, dăr kơ Ôphel, sư man dur kơjung hloh, ăn kơ lu yŏng linh wei tơ lăm rim pơlei kơjăp lăm char Juđa.

II Ho 34:22

Hilkia păng lu bơngai mă pơtao đei wơh năm tơ'bơ̆p Hulda yă khan lê̆ adrol, akăn Sallum bơngai wei-lăng ao giĕng, Sư kon drŏ-nglo Tôkhat, Sâu Hasra; yă Hulda sư oei lăm Tơring mă 'bar lăm pơlei tih Jêrusalem; lu sư khan kơ yă ei kiơ̆ thoi nơ̆r pơtao đei tơtă.

Ne 12:39

Năm kơpơ̆ng kơ 'măng jang Êphraim, jê̆ 'măng jang So 'măng jang Ka, hnam thôt Hananêl păng hnam thôt Minh-hrĕng truh tơ 'măng jang Triu lu sư pơdơh 'bơ̆t 'măng jang Gak.

Ne 3:3

Kon sâu Hasêna man 'măng jang Ka, lu sư pơm jrăng păng tơnang 'măng păng chơkăl.

Êsai 59:11

Lu bơ̆n ling-lang grĕnh ôr thoi chơgơu, păng tơngưih thoi sem kơtơp; lu bơ̆n chang hơmĕng tơdrong tơpăt hơnơ̆ng mă-lei ưh kơ đei, chang tơdrong dŏng pơklaih mă-lei sư rai ataih đơ̆ng bơ̆n!

Je 39:2

Lăm năr tơsĭn khei puăn sơnăm mơjĭt-mônh chăl Sêđekia pơgơ̆r dur pơchah tơblŭt.

Je 4:31

Inh kơtơ̆ng nơ̆r ôr thoi drŏ-kăn tơpŭ, ôr hơdrăi thoi bơngai adruh tơpŭ kon blŭng-a. Noh nơ̆r ôr lu kon Adruh Siôn, ôr tơngưih plaih ti na khan răm dêh kơ inh, “inh lôch hơngơ̆t bơih, 'bơ̆t anăp lu bơngai chă pơlôch inh!”

Êsêkiên 6:13

Đĭ lu iĕm gô băt, Inh boih Kră Yang, kơplah lu bơngai lăm lu iĕm lôch tơ'bĭch 'bơ̆t hơdai rup yang lu iĕm, jum dăr kơ chơnang soi, tơ kơpal kông groi, kơpal kơ̆l kông, ala hơmŭl 'long hơdrih păng lăm rơ̆m 'long kôih, jơ̆p kơ anih mă lu sư pơyơ̆r pơgang 'bâu phu 'bơ̆t anih kơkuh kơ lu rup yang lu sư.

Am 8:3

Lăm năr noh, dôm lu tơdrong hơri lăm hnam pơtao gô jing nơ̆r nhơ̆m hmoi Kră Yang khan. Gô đei lơ akâu bơngai lôch đe gô klơ̆m hŭt lê̆ tơ jơ̆p anih hreh tơthĕng.

Jêphania 1:15

Năr noh năr tơdrong hil, năr pơmat-tat ơh sơ'ngon, năr noh năr đe pơlôch pơrăm, năr măng mu păng năr ưh kơ đei hơdah năr hơmơ̆l păng tŭk gom,

Jêphania 1:7

Hreh bĕ 'bơ̆t anăp Kră Yang 'Bok Kei-Dei! Yua kơ năr Kră Yang wă jê̆ boih. Kră Yang đei hơmet boih tơmam soi, Sư đei 'măn klah lê̆ pha boih lu bơngai tơmoi mă Sư krao.