Je 9:6 - Sơ̆p Hlabơar Nơ̆r 'Bok Kei-Dei

⁶ Ih oei lăm tơdrong hơlĕnh pơdăr. Đơ̆ng tơdrong hơlĕnh pơdăr noh na lu sư sơngah kuă kơ băt kơ Inh,” Kră Yang khan.

Je 9:6 Iomraidhean Croise

Tơdrông Pơđơk 1:24

Yua kơ Inh krao, mă-lei lu iĕm sơngah, Inh yơ̆r ti, kư̆m ưh kơ đei bơngai bu wă lăng;

Tơdrông Pơđơk 1:29

Yua kơ đơ̆ng lu sư areh kơ tơdrong hlôh wao, Ưh kơ wă rơih chă tơdrong hli yom kơ Kră Yang.

Êsai 1:25

Inh gô yơ̆r ti pơm tơwih, inh gô pơgoh lê̆ 'bruih 'brăm đơ̆ng ih, păng iŏk hŭt lu rơ̆m rĕk ih.

Êsai 1:3

Rơmo băt kơ tơ'ngla, aseh băt kơ bơng 'nhĕt tơ'ngla sư, mă-lei bơngai Isơrael ưh kơ băt, kon pơlei Inh ưh kơ hlôh ôh.”

Êsai 4:4

Kră Yang gô ôp hơrao tơdrong pơm 'mê̆-'mach lu bơngai lăm Siôn, sek tơlang chhut rơgoh đĭ pham lăm pơlei Jêrusalem hăm Tơdrong Mơsêh Sư.

Je 11:10

Lu sư wơ̆t kiơ̆ pơm tơdrong kơnê̆ thoi lu 'bok yă lu sư sơ̆, lu bơngai mă sơngah kuă kơ kiơ̆ nơ̆r Inh tơtă. Lu sư kiơ̆ păng kơkuh kơ yang nai. Adrĕch Isơrael păng adrĕch Juđa pơm glăi boih kơ nơ̆r Inh pơgơ̆p hăm 'bok yă lu sư sơ̆.

Je 11:19

Gah inh, thoi minh pôm kon triu rơmơ̆n đe ba wă pơlôch, inh ưh kơ băt lu sư pơđâu wă pơlôch inh, khan: “Pơrăm bĕ đơ̆ng tơm truh tơ plei sư. Kăl klơ̆m hŭt lê̆ sư đơ̆ng teh đak lu bơngai arih, Wă kơ huay pă đei bu 'blŏk kơ anăn sư dơ̆ng.”

Je 13:10

Kon pơlei kơnê̆ âu sơngah boih kuă kơ mơ̆ng nơ̆r Inh athei, arih pơm kiơ̆ kơ jơhngơ̆m arăng lu sư kơdih wă, kơkuh awih awăn kơ yang nai; na lu sư jing thoi che tơ̆n kơiĕng âu, ưh pă gơh wă yua pơm kiơ dơ̆ng.

Je 18:18

Na lu sư khan: “Năm bĕ, chă đon blah Jêrêmi. Yua kơ bơ̆n oei đei 'bok soi bơtho khôi juăt oei đei lu bơngai hơgei, chă pơđâu, oei đei lu bơngai khan lê̆ adrol bơtho nơ̆r Kră Yang kơ lu bơ̆n. Bĕ bơ̆n chă sư pơma glăi păng 'nĕ pă mơ̆ng nơ̆r sư pơma kiơ kiơ.”

Je 20:10

Inh kơtơ̆ng đei nơ̆r đơ̆ng lơ bơngai pơma mơmơnh, “Tơdrong tơhli tăp tang. Roi tơbăt bĕ lu bơ̆n athei roi tơbăt tơdrong glăi sư!” Đĭ-đăng buăl juăt inh chang rŏ kơ inh jah pơ̆k huŏng, na khan: “Rŏ lăng đe gô pơhlŭ sư, lu bơ̆n gơh pơm kơ sư, na gô jei bơ̆n.

Je 5:27

Hnam lu sư 'bĕnh kơ tơmam hơlĕnh, kư̆m thoi hơdrŭng 'bĕnh kơ sem. Thoi noh na lu sư jing mơdrŏng tih, kĕ pran.

Je 8:5

Lei liơ kon pơlei âu jrok hloi? Liơ kon pơlei Jêrusalem wơ̆l jrok ling-lang? Lu sư rôp kơjăp tơdrong hơlĕnh, sơngah kuă kơ wih brŏk.

Hôsia 11:8

Ơ Êphraim, liơ Inh gơh achăng ih, Ơ Isơrael, liơ Inh gơh jao lê̆ lu iĕm kơ đe? Liơ Inh gơh ăn pơm kơ lu iĕm jing thoi pơlei Atma, dah liơ Inh gơh pơm kơ lu iĕm thoi pơlei Sêbôim? Jơhngơ̆m Inh sơngah ưh kơ wă pơm tơdrong noh păng jơhngơ̆m Inh 'mêm kơeng đĭ tơtŏ dêh boih.

Hôsia 4:6

Kon pơlei Inh răm boih yua kơ lu sư ưh kơ hlôh wao. Yua kơ ih sơngah boih kơ tơdrong băt hlôh, Inh kư̆m lei-lăi gô sơngah kơ ih na ih ưh pă jing bơngai khan lê̆ adrol dơ̆ng. Yua kơ ih hiơt boih tơdrong juăt Inh Kră Yang 'Bok Kei-Dei ih, kư̆m lei-lăi thoi noh mơ̆n Inh kư̆m gô hiơt kơ kon sâu ih.

Sa 13:9

Inh gô tah minh puăt lăm pêng noh tơ lăm ŭnh Inh, 'buh lu sư thoi đe 'buh hu, pơlong lăng lu sư thoi đe 'buh maih; lu sư gô ôr krao anăn Inh păng Inh gô tơl tơwih nơ̆r sư; Inh gô khan thoi âu: ‘Noh boih kon pơlei Inh âu.’ Lu sư gô khan: ‘Kră Yang noh Kră Yang 'Bok Kei-Dei inh.’ ”

Rom 1:28

Yua kơ bơ̆n kuă kơ kơkuh kơ 'Bok Kei-Dei Kră Yang tih-tin na 'Bok Kei-Dei achăng lê̆ bơ̆n ăn kơ bơ̆n jing kơtul pơm yoch ling-lang.

I Kor 15:34

Iĕm athei tơbral tơdrong yoch na jing 'lơ̆ng 'nĕ pă pơm tơdrong yoch đơ̆ng âu tơ anăp. Lu iĕm mơ'nah ưh kơ hlôh wao tơdrong 'Bok Kei-Dei thoi yơ na iĕm mơlâu ưh?

I Sam 2:12

'Bar 'nu kon drŏ-nglo Hêli jing bơngai kơnê̆ tơpă, bre sư ưh kơ băt hli yom kơ Kră Yang.