Je 8:9 - Sơ̆p Hlabơar Nơ̆r 'Bok Kei-Dei

⁹ Lu bơngai hơgei gô mơlâu, hli tơrơ păng đe gô rôp lu sư; 'Nâu, lu sư sơngah boih kơ nơ̆r Kră Yang, lei lu sư wă đei hơgei liơ dơ̆ng?

Je 8:9 Iomraidhean Croise

II Pot 17:15

Lu sư sơngah achăng lê̆ dôm tơdrong juăt păng tơdrong Kră Yang pơgơ̆p pơkă hăm lu yă 'bok lu sư păng dôm lu nơ̆r tơbăt wă kơ lu sư kơchăng. Lu sư năm kiơ̆ lu yang ưh kơ tơpă păng jing bơngai ưh kơ yua kiơ, lu sư rok adrĕch adrung lu bơngai tăp dăr kơ lu sư, mă Kră Yang đei khă kuă ăn rok kiơ̆ lu đe noh.

Jop 5:12

Sư pơrăm lê̆ tơdrong lu bơngai kơnê̆ chă đon wă pơm. Ăn kơ tơdrong kiơ ti lu sư wă pơm ưh kơ jing.

Jop 5:13

Sư rôp lu bơngai hơgei 'bơ̆r đon huŏng lăm tơdrong kơnê̆ lu sư wă pơm. Sư kư̆m pơtôch lê̆ 'bônh đĕch tơdrong lu bơngai kơnê̆ wă pơm.

Horiso 19:7

Khôi juăt đơ̆ng Kră Yang jơ̆ 'lơ̆ng tơpăt, pơrih ăn bơhngol inh, c Kră Yang khan sĭt tơpă, pơm ăn kơ bơngai kơtul jing hơgei.

Êsai 19:11

Lu kră pơlei Sôan ngăl kơtul, lu bơngai hơgei oei jang hăm Pharaôn lu sư chă đon kơhlôh kơwao, liơ iĕm gơh khan kơ Pharaôn khan: “Inh jơ̆ minh lăm lu bơngai hơgei, kon sâu lu đe pơtao adrol sơ̆?”

Êsai 29:14

Thoi noh Inh gô pơm tơdrong hlĭch chrơp kơ kon pơlei âu, đơ̆ng tơdrong hlĭch âu truh tơdrong hlĭch nai. Tơdrong hlôh băt lu bơngai hlôh băt ưh pă yua kiơ, tơdrong hơgei lu bơngai hơgei gô hiong tôch.

Êsai 43:27

'Bok tơm lu iĕm sơ̆ pơm yoch bơih, bơngai pơtruh nơ̆r lăm lu iĕm pơm glăi blah Inh bơih.

Êsai 8:20

Kiơ̆ kơ khôi juăt păng nơ̆r tơbăt âu! Tơdah kon pơlei ưh kơ pơma thoi noh lei lu sư ưh kơ đei tơdrong hơdah ôh.

Je 15:6

Kră Yang khan: “Ih sơngah achăng lê̆ Inh boih. Ih kư̆m oei kơdŭn tơ rŏng, Na Inh gô yơ̆r ti pơrăm ih; Inh ưh pă đei mơnat boih kơ ih.

Je 19:7

Lăm anih âu Inh gô tơhiong lê̆ dôm tơdrong lu bơngai Juđa hăm lu bơngai pơlei Jêrusalem chă đon wă pơm. Inh gô ăn kơ kon pơlei lu sư lôch kơ đao 'bơ̆t anăp lu bơngai ayăt kơ lu sư đơ̆ng ti lu bơngai 'maih pơrăm tơdrong arih lu sư; Inh gô jao ăn kơ kon sem bri sem păr sa akâu lôch lu sư.

Je 2:8

Lu 'bok soi ưh pă jet: ‘Tơ yơ Kră Yang?’ Lu 'bok bơtho khôi juăt ưh pă băt kơ Inh dơ̆ng. Lu bơngai pơgơ̆r blah Inh. Lu 'bok khan lê̆ adrol yua anăn yang Baal na khan lê̆ adrol, kiơ̆ lu yang nai ưh kơ đei yua kiơ.

Je 49:7

Gah dêh char Eđôm: 'Nâu Kră Yang Tih Hloh khan: “Lăm pơlei Têman ưh pă đei bơngai gơh hơgei boih hă? Lu bơngai gơh hơgei ưh pă đei đon pơđâu boih hă? Tơdrong hơgei sư hiong đĭ boih hă?

Je 6:15

Lu sư pơm yoch kơnê̆ dêh hăm mơlâu ưh? Lu sư ưh kơ đei mơlâu ôh, muh măt lu sư ưh kơ đei layơ đum rak mơlâu. Kŭm ưh kơ băt mơlâu noh kiơ. Lei na lu sư gô pơ̆k hơdai hăm lu bơngai mă pơ̆k huŏng; truh năr Inh phak pơmat lu sư, lu sư gô hraih đang.” Kră Yang khan thoi noh.

Je 6:19

Mơ̆ng bĕ ơ đĭ-đăng teh đak. Âu Inh ba tơdrong răm truh kơ lu kon pơlei pơla âu, noh boih lĕch đơ̆ng tơdrong lu sư đei pơm boih, Yua kơ lu sư ưh kơ wă pơgling đon mơ̆ng nơ̆r Inh, păng sơngah boih kơ khôi juăt Inh.

Êsêkiên 7:26

Tơdrong gleh răm âu truh kư̆m đei dơ̆ng tơdrong gleh răm nai truh; kơtơ̆ng ang đei tơdrong âu kư̆m đei kơtơ̆ng ang tơdrong nai hai dơ̆ng. Lu sư chă tơdrong tơ'bôh đơ̆ng lu bơngai khan lê̆ adrol; tơdrong bơtho tơ'bôh khôi juăt đơ̆ng 'bok soi hăm đơ̆ng lu kră tă kơ hiong tôch đĭ bơih.

Am 2:4

Kră Yang khan: Yua kơ đơ̆ng kon pơlei Juđa rai pơm yoch hloh kơ adrol, na inh ưh kơ lê̆ ôh wă phak lu sư; Yua kơ lu sư achăng lê̆ boih khôi juăt Kră Yang păng ưh pă pơm kiơ̆ dôm nơ̆r Sư tơtă, dôm lu yang hơlĕnh pơdăr mă đơ̆ng 'bok yă lu sư kiơ̆, pơm kơ lu sư wơ̆l jrok.

Sa 13:4

Kŭm lăm năr noh, dah lu 'bok khan lê̆ adrol, wă pơma lê̆ adrol lu sư gô mơlâu gah tơdrong mă đei tơ'bôh kơ lu sư; lu sư kư̆m ưh pă đei hrŭk ao tai đe tanh păng sŏk kon sem brem wă pơma hơlĕnh dơ̆ng.

Both 4:6

Lu iĕm athei wei răk pơm kiơ̆ bĕ dôm lu nơ̆r tơtă păng khôi juăt âu; yua kơ noh jơ̆ tơdrong hơgei păng tơdrong hlôh wao lu iĕm 'bơ̆t anăp lu adrĕch adrung đe nai. Lu sư kơtơ̆ng gah khôi juăt âu, na lu sư khan: Lu kon pơlei âu jơ̆ minh adrĕch hơgei păng hlôh wao!

II Tim 3:15

Đơ̆ng ih oei iĕ sơ̆ ih pơhrăm sơ̆p hla bơar tơdrong 'Bok Kei-Dei. Sơ̆p hla bơar Sư boih ăn kơ bơ̆n băt tơdrong Sư pơklaih bơ̆n đơ̆ng tơdrong yoch yua kơ bơ̆n lui kơ Kră Yang Yêsu Krist.