Je 8:2 - Sơ̆p Hlabơar Nơ̆r 'Bok Kei-Dei

² Đe gô sơ̆k kơting noh tơ tŏ măt 'năr măt khei păng lu sơnglŏng đơ̆ng plĕnh ti, noh tơmam mă lu sư 'mêm kơeng, chơchă kơkuh awih awăn, kiơ̆. Lu kơting noh đe ưh pă đei dônh pơpôi, ưh pă 'bŭ dơ̆ng; gô jing thoi mơ̆r kơpal teh.

Je 8:2 Iomraidhean Croise

II Pot 17:16

Lu sư achăng hŭt lê̆ đĭ-đăng dôm nơ̆r Kră Yang 'Bok Kei-Dei lu sư tơtă, lu sư man kơdih 'bar tŏ rup rơmo kon păng pơm rup yang Asêra păng kơkuh kơ đĭ-đăng lu yang kơpal rơwơ̆ng, păng kơkuh kơ yang Baal.

II Pot 21:3

Sư hơmet ming lu hnam kơkuh kơ rup yang tơ kơpal kông đêl 'bă sư Hesekia yuih pơrăm lê̆ bơih; sư pơm ming chơnang soi kơkuh kơ yang Baal, pơdơ̆ng pơm ming rup Asêra lei-lăi thoi Ahap, pơtao đe Isơrael hlôi pơm bơih sơ̆, Sư soi sơmah kơ đĭ-đăng lu yang kơpal plĕnh păng bơ̆jang ăn kơ lu sư.

II Pot 21:5

Sư pơm lu chơnang soi kơkuh kơ đĭ-đăng yang kơpal plĕnh 'bơ̆t 'bar tŏ anih lăm cham hnam akŭm.

II Pot 23:5

Sư kư̆m puh tơweh lê̆ lu 'bok soi jang kơ lu rup yang, mă đêl pơtao đe Juđa hlôi pơkă wă pôk lu sư soh 'long 'bâu phu tơ anih kơjung, pơm jơ̆p-jang kơ dêh char Juđa păng pơm tơ anih tăp dăr Pơlei Jêrusalem. Sư kư̆m puh tơweh lê̆ lu 'bok soi soh 'long 'bâu phu ăn kơ yang Baal, măt 'năr, măt khei păng đĭ-đăng lu sơnglŏng kơpal plĕnh.

Horiso 53:5

To lu sư hli tơrơ. Mă tơ anih noh ưh kơ đei kiơ hli ră. Yua kơ Kră Yang 'Bok Kei-Dei hŭt lê̆ kơting bơngai blah ih. Ih pơm kơ lu sư mơlâu, yua kơ Kră Yang Kră Yang 'Bok Kei-Dei achăng lê̆ lu sư boih.

Horiso 83:10

Đe pơlôch lu sư tơ Endôr, jing pơm mơ̆r kơ teh.

Horiso 83:11

Pơm kơ yŏng lu sư thoi Ih pơm kơ Ôrep păng Sêep. Păng đĭ-đăng kơ kon pơtao kră pơgơ̆r lu sư thoi Sêba păng Salmuna;

Bôk Bơthô 6:3

Dah minh 'nu bơngai pơjing đei minh-hrĕng 'nu kon hơ'lơ̆p păng sư arih sot đunh sơnăm, mă-lei lăm jơhngơ̆m sư 'nhŏ mă đei tơdrong hiôk chơt păng sư lôch ưh kơ đei bơngai 'bŭ; Inh khan kon nge rơngăt sư oei păi 'biơ̆ kơ bơngai noh 'mơ̆i.

Je 14:16

Lu kon pơlei mă mơ̆ng lu sư khan lê̆ adrol noh kư̆m lôch kơ đao gưm, pơngot rơwĕt hơdai hăm akăn, hăm kon drŏ-nglo kon drŏ-kăn lu sư. Akâu lu sư đe gô klơ̆m lê̆ hnơ̆k hnăk tơ rok trong pơlei Jêrusalem, ưh kơ đei bu 'bŭ. Inh gô tuh tơdrong kơnê̆ đêl lu sư pơm tơ kơ̆l lu sư.”

Je 16:11

Ih athei khan kơ lu sư: ‘Kră Yang khan. Yua kơ yă 'bok lu iĕm achăng lê̆ Inh boih, na kiơ̆ lu yang nai, jang ăn păng drap kơkuh kơ lu yang noh. Lu sư achăng lê̆ Inh ưh pă wei răk dôm khôi juăt Inh.

Je 16:4

“Lu sư gô lôch hơbuh krưp dêh; ưh kơ đei bu hmoi ưh kơ đei bu 'bŭ lu sư, akâu bơngai lôch jing mơ̆r kơ teh. Lu sư gô lôch kơ đao gưm păng lôch kơ pơngot rơwĕt. Akâu lôch lu sư gô ăn kơ sem păr păng sem bri sa.”

Je 16:6

“Đĭ bơngai pơm tih păng bơngai hmă gô lôch lăm teh đak âu. Ưh kơ đei bu 'bŭ păng kư̆m ưh kơ đei bu nhơ̆m hmoi kơ lu sư. Ưh kơ đei bu raih akâu dah yuă sŏk yua kơ lu sư.

Je 19:13

Đĭ-đăng hnam lăm pơlei Jêrusalem păng hnam pơtao Juđa, đĭ-đăng lu hnam ayơ mă tơ kơpal bơbŭng hnam noh đei soh tơmam 'bâu phu kơ lu sơnglŏng tơ kơpal plĕnh păng kư̆m đei tuh ăn tơmam huch sa pơyơ̆r kơ lu yang nai, kư̆m 'mê̆-'mach thoi Tôphet.”

Je 22:19

Đe gô 'bŭ sư thoi đe 'bŭ aseh iĕ, đe gô hor sư tơ 'nguaih, păng klơ̆m lê̆ sư tơ ataih kơ 'măng jang pơlei Jêrusalem.

Je 25:33

Lăm năr noh akâu atâu bơngai mă Kră Yang pơlôch 'bĕnh-'bang jơ̆p kơ teh đơ̆ng gah âu truh tơ gah to, ưh kơ đei bu hmoi, ưh kơ đei bu 'bŭ hơmet, gô pơm mơ̆r kơ teh!

Je 31:40

Jơ̆p lăm thŭng atâu đe lôch păng rơnok kơting, đĭ-đăng chŭn dĭng truh tơ thong đak Kidrôn păng truh tơ mum 'Măng Jang Aseh gah hơlĕch, dôm lu 'noh gô klah 'măn lê̆ pha 'lơ̆ng rơgoh ăn kơ Kră Yang păng pơlei oei oei ling-lang ưh kơ đei bu buch lê̆ păng pơrăm dơ̆ng.”

Je 36:30

Thoi noh na 'nâu nơ̆r Kră Yang khan gah Jêhôiakim, pơtao đe Juđa: Kon sâu sư ưh kơ đei bu hơ-oei 'bơ̆t tang-dŏ pơtao Đawit; akâu atâu sư lôch đe gô klơ̆m lê̆ tơ 'nguaih sơ̆k tơtŏ kơ'năr păng lê̆ tơtŭk tơngiĕt kơmăng.

Je 9:20

Ơ lu drŏ-kăn mơ̆ng bĕ nơ̆r Kră Yang; Pơih đon lu iĕm mơ̆ng iŏk bĕ nơ̆r đơ̆ng 'bơ̆r Sư pơma. Bơtho pơhrăm bĕ kơ lu kon drŏ-kăn iĕm tơdrong nhơ̆m hmoi, bơtho băl hmoi jô̆.

Je 9:21

Tơdrong lôch tŏk tơ 'măng-'mŏk bơ̆n boih, Mơ̆t truh boih tơ lu anih kơjăp bơ̆n; Pơlôch boih lu hơ'lơ̆p tơ rok trong tih, pơlôch boih kon tơdăm bơ̆n tơ lăm cham pơlei.”

Je 9:22

Kră Yang khan thoi âu: “Akâu lu bơngai lôch pơ̆k boih tơ lăm chŭn, thoi đe tuh mơ̆r kơ teh, thoi hơie 'ba huŏng đơ̆ng rŏng kơ đe yuă, ưh kơ đei bu wă dônh akŭm lu sư.”

Êsêkiên 29:5

Inh gô klơ̆m hŭt lê̆ ih tơ char glă, Ih hăm lu ka lăm đak glung ih. Ih gô pơ̆k tơ lăm bri; pă đei bu iŏk păng ưh kơ đei bu dônh 'bŭ. Inh gô ăn ih jing tơmam sa ăn kơ sem bri ala teh păng lu sem păr tơ plĕnh.

Êsêkiên 39:5

Ih gô pơ̆k lôch lăm bri, yua kơ Inh khan boih tơdrong noh, Kră Yang khan.

Êsêkiên 6:5

Inh gô dan akâu lu bơngai lôch kon pơlei Isơrael 'bơ̆t anăp rup yang lu sư păng săi kơting lu sư jum dăr kơ chơnang soi.

Êsêkiên 8:16

Na, Kră Yang Sư ba inh mơ̆t tơ cham hnam Kră Yang; păng tơ noh trong mơ̆t tơ hnam kơkuh kơ Kră Yang, tŏk-bŏk kơdeng 'măng păng chơnang soi, inh 'bôh đei dang 'bar-jĭt pơđăm 'nu bơngai drŏ-nglo, rŏng tơwih kơ hnam Kră Yang păng muh măt lu sư tơwih gah hơlĕch, drap kơkuh kơ măt 'năr đơ̆ng hơlĕch.

Jêphania 1:17

Inh gô ba tơdrong gleh truh kơ kon bơngai. Lu sư gô yak nơnăm thoi lu bơngai măt tol, yua kơ lu sư đei pơm yoch hăm Kră Yang; đe gô 'bet lu sư. Pham lu sư lĕch thoi 'mui teh păng sĕch lu sư thoi 'mê̆ mơ̆r.

Jêphania 1:5

Inh gô pơlôch lu bơngai kơkuh kơ tơmam kơpal plĕnh tơ bơbŭng hnam; păng lu bơngai đei pơkă pơkăm hăm Kră Yang păng kư̆m đei pơkă pơkăm dơ̆ng hăm lu pơtao lu sư kơdih;

Jang 7:42

“Thoi noh na 'Bok Kei-Dei ưh pă wă kơ lu sư dơ̆ng ôh. 'Bok Kei-Dei ăn kơ lu sư kơkuh kơ măt 'năr, măt khei păng lu sơnglŏng tơ plĕnh ti đĕch. 'Noh thoi lu 'bok pơtruh nơ̆r 'Bok Kei-Dei khan: ‘Ơ lu đe Isơrael, iĕm ưh kơ sơmah kơ Inh Kră Yang iĕm 'Bok Kei-Dei kơplah iĕm oei puăn-jĭt sơnăm tơ char glă sơ̆.

Both 17:3

năm bơ̆jang păng kơkuh kơ lu yang nai, thoi măt 'năr, măt khei dah lu sơnglŏng kơpal plĕnh, wă khan pơglăi dôm tơdrong Inh đei bơtho akhan;

Both 4:19

Kơnh hli kơ lu iĕm pơm ngoi lăng tơ plĕnh 'bôh măt 'năr, măt khei, lu sơnglŏng dôm lu tơmam kơpal plĕnh, kơnh iĕm 'maih wă kơkuh kơ dôm lu tơmam noh păng drap kơkuh kơ lu sư. Mă Kră Yang 'Bok Kei-Dei asong ăn tơmam noh kơ kon bơngai oei ala teh âu.