Je 8:14 - Sơ̆p Hlabơar Nơ̆r 'Bok Kei-Dei

¹⁴ “Liơ lu bơ̆n hơ-oei tơ âu? Bĕ bơ̆n akŭm băl! Bĕ bơ̆n kơdâu ôn mơ̆t oei tơ lăm lu pơlei tih kơjăp noh păng lôch tơ noh, yua kơ Kră Yang 'Bok Kei-Dei pơkă wă pơlôch pơrăm bơ̆n! Sư ăn boih kơ bơ̆n nhă đak bơnhŭl yua kơ bơ̆n pơm yoch boih hăm Sư.

Je 8:14 Iomraidhean Croise

Je 23:15

Thoi noh Kră Yang Tih Hloh khan gah lu bơngai khan lê̆ adrol noh: “Inh gô ăn kơ lu sư sa 'long tăng păng nhă đak hơkăm, yua kơ đơ̆ng lu bơngai khan lê̆ adrol lăm pơlei Jêrusalem, tơdrong pơm yoch kơnê̆ dêh rai jơ̆p kơ dêh char.”

Je 9:15

Thoi noh Kră Yang Tih Hloh 'Bok Kei-Dei lu bơngai Isơrael khan: “'Nâu Inh gô 'me rong kon pơlei 'nâu hăm 'long tăng păng ăn kơ lu sư nhă đak hơkăm bơnhŭl.

Nhom 3:19

'Blŏk bĕ kơ tơdrong pơmat-tat inh, Hla tăng păng đak sut tăng.

Je 35:11

Mă-lei tơdah Nebukatnessar pơtao Babilôn năm blah char nhôn, lu nhôn pơtơm băl: ‘Bĕ lu bơ̆n năm mơ̆t tơ pơlei tih Jêrusalem, wă klaih đơ̆ng lu linh bơngai Kalđê păng linh Aram.’ Lei na lu nhôn oei lăm pơlei Jêrusalem.”

Mathiơ 27:34

Lu sư ăn kơ Yêsu et sik bơlŭ hăm pơgang sơmren. Mă-lei Yêsu chŭm đĕch ưh kơ et ôh.

Horiso 69:21

Lu sư ăn hla tăng pơm tơmam sa inh. Păng ăn kơ inh nhă đak iŭ kơplah rơhing.

II Sam 20:6

Na, pơtao Đawit khan kơ Abisai: “Seba, kon Bikri, wă pơrăm lu bơ̆n hơmơt hloh kơ Apsalôm. Na ih athei anhăk lu linh inh, druh 'moi Seba kơnh sư tơgar iŏk pơlei ayơ kơjăp đơ̆ng lu bơ̆n.”

Both 29:18

Athei kơchăng bĕ, 'nĕ kơ đei bu drŏ-nglo dah drŏ-kăn, hnam dơnŏ dah adrĕch adrung ayơ mă dơ̆ng tơ âu năr 'nâu achăng lê̆ Kră Yang 'Bok Kei-Dei lu bơ̆n, na năm kơkuh kơ lu yang adrĕch drung nai; lăm lu iĕm athei 'nĕ kơ ăn đei rơh kơnê̆ hơkăm chăt sôr tơ lăm lu iĕm.

Sa 2:13

Dôm lu kon bơngai sĕch akar ngăn bĕ 'bơ̆t anăp Kră Yang; yua kơ Sư iung hơđơ̆r boih đơ̆ng anih 'lơ̆ng rơgoh Sư.”

Habakuk 2:20

Mă-lei Kră Yang oei tơ lăm hnam 'lơ̆ng rơgoh Sư, 'bơ̆t anăp Sư, jơ̆p kơ lăm teh gô ngăn hreh.”

Am 6:10

Tơdah minh 'nu lăm adrĕch adrung jê̆ athei soh akâu lôch noh iŏk ba bĕ kơting sư đơ̆ng lăm hnam; tơ 'nguaih bơngai noh gô apinh bơngai oei lăm hnam: Hăm pă đei bu oei hơdai ih? Sư gô tơl: Ưh pă đei bu boih! Na bơngai kơtum noh khan: 'Nĕ pă pơma 'bơm anăn Kră Yang!

Je 14:20

Ơ Kră Yang lu nhôn băt nhôn yoch kơnê̆, păng tơdrong yoch lu yă 'bok lu nhôn pơm; tơpă lu nhôn đei pơm yoch kơnê̆ boih hăm Ih.

Horiso 39:2

Inh ĕnh pơăm, ưh pă đei pơma, Dĭng mah nơ̆r 'lơ̆ng pă đei lĕch đơ̆ng 'bơ̆r inh, Tơdrong pơmat-tat inh rai tŏk.

Both 32:32

Lu ayăt noh tơm hơmu chăt lăm pơlei Sôđôm lăm mir pơgar pơlei Gômôrơ. Plei hơmu lu sư đei đak hơkăm, hơie hơmu lu sư jing tăng.

Lêwi 10:3

Thoi noh Môis khan kơ Arôn tơdrong âu: Kră Yang đei khan boih, Inh gô pơdah jơhngơ̆m rơgoh Inh kơ lu đe bu mă oei jê̆ Inh păng Inh đei tơdrong đe pơyom 'bơ̆t anăp đĭ-đăng kon pơlei. Arôn ngăn hreh.

Êsai 47:5

Ơ kon adruh bơngai Kalđê, hơ-oei hreh bĕ, năm bĕ lăm anih măng mu! Yua kơ đơ̆ng dang ei đe ưh pă krao ih drŏ-kăn pơtao kơ teh đak dơ̆ng bơih.

Je 3:25

Ăn kơ nhôn oei 'bĭch lăm tơdrong mơlâu lu nhôn păng pŭ iŏk tơdrong đe pơjăm lu nhôn! Lu nhôn păng 'bok yă lu nhôn đei pơm yoch boih hăm Kră Yang 'Bok Kei-Dei lu nhôn, đơ̆ng oei 'lơ̆p sơ̆ khơ̆ dang ei; lu nhôn ưh kơ chu kiơ̆ nơ̆r Kră Yang 'Bok Kei-Dei lu nhôn.”

Je 14:7

Ơ Kră Yang mă khan tơdrong kơnê̆ lu nhôn plơ̆ tơbăt kơ lu nhôn, apinh Ih tơgŭm nhôn yua kơ anăn Ih! Tơpă lu nhôn pơm kơnê̆ tih dêh; lu nhôn pơm yoch hăm Ih boih.

Je 9:14

Mă-lei lu sư yak kiơ̆ jơhngơ̆m arăng lu sư kơdih, na kiơ̆ lu yang Baal, kiơ̆ thoi 'bok yă lu sư bơtho ăn boih kơ lu sư.”