Je 8:13 - Sơ̆p Hlabơar Nơ̆r 'Bok Kei-Dei

¹³ Kră Yang khan: “Tơpă Inh gô iŏk lê̆ đĭ mir pơgar lu sư, tơm hơmu ưh pă đei plei; tơm hơra kư̆m ưh pă plei; hla lu sư gô kro hơlŭng, Dôm tơmam mă Inh đei ăn kơ lu sư boih, Inh gô pơdrâu iŏk đơ̆ng ti lu sư!”

Je 8:13 Iomraidhean Croise

Êsai 5:10

Mơjĭt Hekta mir hơmu hmĕt iŏk đak sư lăp minh ge đĕch, mơjĭt kơđŏng pŭng adrĕch, kĕch iŏk lăp minh kơdŏng pŭng đĕch.”

Je 14:12

Mă khan lu sư ơ̆t kơ sŏng sa, Inh ưh kơ đei mơ̆ng nơ̆r lu sư krao khan ôh, mă khan lu sư pơyơ̆r tơmam soi 'buh dah tơmam soi phe 'ba, Inh ưh kơ iŏk ôh; mă-lei Inh gô pơrăm lu sư hăm đao gưm, hăm tơdrong pơngot rơwĕt păng hăm tơdrong jĭ hơpoh.”

Je 14:15

Thoi noh Kră Yang khan: “Gah lu bơngai mă khan lê̆ adrol hơlĕnh, lu sư yua anăn Inh na khan lê̆ adrol Inh ưh kơ đei wơh, mă-lei lu sư khan. ‘Đao gưm hăm pơngot rơwĕt ưh kơ truh tơ dêh char âu ôh.’ Lu bơngai khan lê̆ adrol noh boih gô lôch kơ đao gưm păng pơngot rơwĕt.

Je 17:8

Bơngai noh nhen thoi tơm 'long pơtăm cheng đak, Chăt rơh cheng đak krong, mă khan tŏ phang ưh kơ hli, hla ưh kơ đei jô kro oei arih 'lơ̆ng. Mă tơ'bơ̆p hĭ bơyan tŏ phang kư̆m huay kơ tơtăm, oei plei hơnơ̆ng ưh kơ pơdơh.”

Je 5:17

Lu sư gô luăn sa phe 'ba lu iĕm, luăn sa lu kon drŏ-nglo drŏ-kăn iĕm, lu sư gô 'buh sa triu păng rơmo lu iĕm. Gô phĕ sa plei hơmu păng plei hơra lu iĕm. Lu sư gô iŏk đao koh pơrăm lu pơlei tih kơjăp mă lu iĕm gơnang hơđơ̆ng.”

Je 7:20

Yua kơ thoi noh Kră Yang khan: “'Nâu Inh gô tuh tơdrong Inh hil tơ lăm dêh char âu, tơ lu kon bơngai tơ lu sem dơrong tơ lu 'long plei lăm mir păng plei yua đơ̆ng teh. Tơdrong Inh hil gô soh pơđĭ, ŭnh gô sa ưh kơ đei păt.”

Êsêkiên 22:31

Na Inh tuh tơdrong hil mĭl tơ lu sư păng iŏk ŭnh Inh hil soh pơrăm lu sư; Inh gô pơm tơwih tuh tơ kơ̆l lu sư, kiơ̆ kơ trong lu sư pơm. Kră Yang khan thoi noh.

Hôsia 2:12

Inh gô pơrăm lê̆ lu tơm 'long hơra păng tơm 'long hơmu sư, noh sư khan: 'Nâu tơdrong apah đơ̆ng lu pơyô inh ăn kơ inh. Inh gô ăn kơ lu 'long sa plei gô jing thoi bri, păng lu sem bri gô sa.

Jôel 1:7

Lu sư kăp pơrăm bơih tơm 'long hơmu Inh, sư kăp tơpăk bơih tơm 'long hơra Inh. Sư lŏng lê̆ kơđoh sư, na pơrăm lê̆ dơng, truh dơng sư jing kok.

Lêwi 26:20

Jơhngơ̆m pran lu iĕm gô hiong tơdrong kơ đei, teh đak ưh pă đei chăt lu hla 'nhot, tơm 'long lăm char lu iĕm kư̆m ưh pă đei plei sa.

Habakuk 3:17

Mă khan 'long hơra ưh pă pơkao dơ̆ng, Păng tơm hơmu kư̆m ưh pă plei; Tơm 'long ôliwơ kư̆m pă đei plei hmĕt pơm đak rơmă păng kư̆m pă đei chŭn mir ayơ mă oei đei chăt tơmam sa 'ba sŏng; Mă khŭl triu păng đei lăm hơdrong, Sem dơrong rơmo bơbe pă đei lăm war.

Hagai 1:11

Inh đei krao boih phang-ang kơpal teh đak, kơpal lu kông, tơ lu ba mi, tơ lu tơm hơmu tơ tơm ôliwơ păng tơ dêh mă pơjing lu tơmam plei sa tơ lu kon bơngai, tơ lu sem brem păng tơ dôm lu tơdrong jang mă ti ih đei pơm.’ ”

Hagai 2:17

Inh ăn boih phang-ang, tơngiĕt 'mi prĕl wă pơrăm lu iĕm, lu tơmam đơ̆ng ti iĕm jang mă-lei iĕm ưh kơ wă wih tơ Inh. Kră Yang khan thoi noh.

Malachi 3:11

Inh gô găn lu hơdrông kơnu wă kơ lu sư huay kăp kuer sa pơkao plei 'long đơ̆ng teh iĕm; păng lu tơm 'long hơmu lăm mir pơgar plei pơkao sư huay kơ hơlŭng adrol kơ bơyan sư, Kră Yang khan thoi noh.

Mathiơ 21:19

Na Sư 'bôh minh tơnơm 'long hơra 'bơ̆t cheng trong. Na Sư thar năm lăng 'long hơra noh ngêh kơ đei plei, plă kơ ưh, 'bôh pôm hla đĕch. Na Yêsu sơkat kơ 'long hơra noh khan: “Đơ̆ng âu tơ anăp e 'nĕ pă plei dơ̆ng.” Sĭt tơpă tơnơm 'long hơra noh kro lôch hloi.

Ya 1:11

Pơkao 'long bri brah, mưh truh kơ 'năr tŏ dêh, hla sư jing jô, pơkao sư hơlŭng hơliĕng, lăng sư ưh pă 'lơ̆ng rŏ thoi 'năr rơngơp boih. Bơngai mơdrŏng kư̆m lei-lăi, sư hăt dêh kơ chă mŭk tơmam wă kơ mơdrŏng, mă sư gô lôch hiong hloi.