Je 7:6 - Sơ̆p Hlabơar Nơ̆r 'Bok Kei-Dei

⁶ Tơdah iĕm huay kơ pơjuă pơđep lu bơngai tơmoi, lu bơngai mơti, lu drŏ-kăn adro păng huay kơ pơlôch tuh pham lăm anih âu păng kư̆m huay kơ kiơ̆ kơkuh kơ yang nai wă pơrăm kơ iĕm kơdih,

Je 7:6 Iomraidhean Croise

II Pot 21:6

Sư soh pơyơ̆r kon drŏ-nglo sư lăm ŭnh pơm yang păng sư pơjuăt tơwir, hơđa sư lui kơ pơjâu krao bơhngol bơngai lôch, sư pơm lơ tơdrong kơnê̆ 'bơ̆t anăp Kră Yang tơblĕk Kră Yang.

II Pot 24:4

Păng yua kơ sư pơlôch pham lĕch đơ̆ng lu bơngai ưh kơ đei yoch; yua kơ sư hlôi pơm kơ Pơlei Jêrusalem 'bĕnh kơ pham lu bơngai ưh kơ đei yoch, lei na Kră Yang ưh kơ mơnat kơ sư ôh.

Horiso 106:38

Tuh pham tơdrong ưh kơ đei. Pham lu kon drŏ-nglo drŏ-kăn sư kơdih. Lu sư pơm tơmam soi ăn kơ rup yang char Kanaan; Na, char noh jing 'mê̆ kơnê̆ yua kơ pham noh.

Tơdrông Pơđơk 23:10

'Nĕ kơ rĭ 'long pơ̆ng hơdral so, Na pơ̆ng pơtăm lăm chŭn mir lu bơngai mơti;

Êsai 59:7

Jơ̆ng lu sư kơdâu năm wă pơm tơdrong kơnê̆, hăt hot pơlôch bơngai ưh kơ đei tơdrong yoch; đon lu sư tơchĕng jơ̆ hơlĕnh pơdăr, lu sư ba tơdrong pơrăm păng pơchah pơchek đĭ rok trong gơlong lu sư yak.

Je 13:10

Kon pơlei kơnê̆ âu sơngah boih kuă kơ mơ̆ng nơ̆r Inh athei, arih pơm kiơ̆ kơ jơhngơ̆m arăng lu sư kơdih wă, kơkuh awih awăn kơ yang nai; na lu sư jing thoi che tơ̆n kơiĕng âu, ưh pă gơh wă yua pơm kiơ dơ̆ng.

Je 19:4

Yua kơ lu sư achăng lê̆ Inh boih, pơm ăn kơ anih 'nâu jing 'mê̆-'mach, hăm tơdrong lu sư soh nhang pơyơ̆r tơmam soi 'buh kơ lu yang nai, mă lu sư, đe yă 'bok lu sư, lu pơtao đe Juđa tam lah băt, pơm kơ anih 'nâu 'bĕnh kơ pham lu bơngai ưh kơ yoch.

Je 2:30

“Inh đei teh bơtho boih kon sâu lu iĕm ưh kơ yua kiơ. Lu sư kư̆m ưh kơ wă chu Inh bơtho hơmet. Đao lu iĕm kơdih đei pơlôch boih lu bơngai khan lê̆ adrol iĕm thoi dăm-brang oei kăp sa.”

Je 2:34

Tơ tơdrơi ao lu iĕm đei 'bôh boih pham lu bơngai dơnuh hin ưh kơ yoch, Mă iĕm ưh kơ đei rôp lu sư teh 'măng wă mơ̆t tơtông, Mă khan đei hĭ tơdrong noh bưh.

Je 26:15

Iĕm athei băt mă tơpă dah lu iĕm pơlôch inh lu iĕm, pơlei tih âu, đĭ kon pơlei pơla oei lăm pơlei tih âu gô pŭ pham inh mă ưh kơ đei yoch âu. Yua kơ Kră Yang tơpă mă đei wơh inh năm tơ iĕm, ăn kơ inh roi tơbăt dôm lu nơ̆r âu tơ lăm đon iĕm kơtơ̆ng.”

Je 26:23

Lu sư rôp anhăk Uri đơ̆ng Êyiptơ ba tơ pơtao Jêhôiakim. Pơtao pơlôch sư hăm đao gưm klơ̆m lê̆ atâu sư tơ bơsat kon pơlei hmă.

Je 35:15

Inh đei lơ wơ̆t boih wơh đĭch đam Inh, lu bơngai khan lê̆ adrol năm khan kơ lu iĕm: Dang ei ăn đĭ kơ lu iĕm weh bĕ đơ̆ng yoch, tơplih bĕ tơdrong lu iĕm pơm; păng kư̆m 'nĕ kơ kiơ̆ lu yang nai, lei na lu iĕm gơh mơ̆t oei tơ lăm char mă Inh gô ăn kơ lu iĕm păng kơ 'bok lu iĕm. Mă-lei lu iĕm ưh kơ wă pơgling đon mơ̆ng kiơ̆ Inh.

Je 5:28

Lu sư bek plên, bơbling bơblang. Lu sư pơm kơnê̆ dêh ưh kơ tôch ôh; lu sư sek tơlang ưh kơ dŏng lu kon mơti, lu sư ưh kơ sek tơpăt ôh kơ lu bơngai dơnuh hin.”

Je 7:5

Tơdah lu iĕm tơplih ming trong arih păng tơdrong jang lu iĕm tơpă, tơdah lu iĕm pơm 'lơ̆ng tơpăt tơduă lu iĕm mă tơpă.

Je 7:9

Hăm trŏ lu iĕm tơtông, pơlôch bơngai, pơm pơyô kư̆ kă, pơkă hơlĕnh, soh 'long 'bâu phu kơ yang Baal, kiơ̆ yang nai mă iĕm ưh kơ băt

Nhom 4:13

Noh đơ̆ng tơdrong yoch lu bơngai khan lê̆ adrol sư păng tơdrong kơnê̆ lu 'bok soi sư. Lu sư tŭk boih pham lu bơngai tơpăt.

Êsêkiên 18:6

Sư ưh kơ sa 'nhĕm đe pơm yang tơ kơpal kông, ưh kơ wă lăng tơ rup yang adrĕch Isơrael. Ưh kơ pơm kư̆ kă hăm lu akăn đe, ưh kơ jê̆ lu drŏ-kăn oei 'bôh hơbĕn,

Êsêkiên 22:7

Tơ lăm ih đei bơngai, pơjăm mĕ 'bă; pơgŏ pơđep lu tơmoi; pơjuă lu kon mơti pơm kơnê̆ kơ lu bơngai adro.

Lêwi 19:33

Tơdah bơngai tơmoi oei hơdai lăm tơring lu iĕm, 'nĕ kơ pơjuă pơm kơnê̆ kơ sư.

Lêwi 25:17

Lăm lu iĕm 'nĕ kơ pơgâm sa rông 'bôt iĕm kơdih. Sơmă athei băt hli yom kơ Kră Yang 'Bok Kei-Dei yua kơ Inh boih Kră Yang 'Bok Kei-Dei lu iĕm.

Malachi 3:5

“Inh gô năm jê̆ lu iĕm wă kơ sek tơlang păng Inh gô pơm tơ'bôh wă blơ̆ lu bơngai pơm kơnê̆, lu bơngai pơm pơyô kư̆ kă, lu bơngai hơlĕnh pơdăr, lu bơngai pơgâm sa jên lu bơngai jang mưng, pơjuă lu bơngai hơdro-po păng lu bơngai mơti, lu bơngai mă pơrăm lu bơngai tơmoi păng lu bơngai mă kuă kơkuh păng hli yom kơ Inh,” mă Kră Yang Tih Hloh khan thoi noh.

Mathiơ 27:25

Na đĭ-đăng kơ lu kon pơlei pơla ei khan: “Lê̆ 'Bok Kei-Dei phak nhôn păng lu kon nhôn kư̆m bưh yua kơ nhôn pơlôch Sư.”

Mathiơ 27:4

Sư roi kơ lu đe noh khan: “Inh yoch tơpă, inh jao ăn kơ iĕm wă pơlôch bơngai mă ưh kơ đei pơm yoch kiơ.” Lu đe noh khan: “Măk ai ih, nhôn jao ăn kơ ih jên đang boih.”

Both 11:28

Tơdrong hiap pơtê̆, tơdah lu iĕm kuă kơ mơ̆ng păng ưh kơ pơm kiơ̆ ôh dôm nơ̆r tơtă đơ̆ng Kră Yang 'Bok Kei-Dei lu iĕm, mă weh achăng lê̆ nơ̆r tơtă đơ̆ng Kră Yang 'Bok Kei-Dei iĕm, na yak kiơ̆ trong lu yang nai, mă lu iĕm ưh kơ băt.

Both 24:17

'Nĕ kơ pơm ưh kơ tơpăt hơnơ̆ng kơ lu bơngai tơmoi dah lu bơngai mơti; kư̆m 'nĕ kơ iŏk ao tai lu yă adro pơm tơmam pơkơ̆ng.

Both 27:19

Hiap pơtê̆ bĕ kơ bơngai bu sek ưh kơ tơpăt kơ lu bơngai tơmoi, lu bơngai mơti păng lu yă adro! Đĭ-đăng kon pơlei gô khan: A-men!

Both 8:19

Tơdah iĕm hiơt kơ Kră Yang 'Bok Kei-Dei iĕm, na kiơ̆ lu yang nai, bơ̆jang păng drap kơkuh kơ lu yang ei, inh khan tơpă năr âu. Lu iĕm gô lôch hiong đĭ!

Ya 1:27

Bơngai lui bu băt kơ năm ngôi tơ lu kon mơti, lu bơngai adro apo pơmat-tat kơ'bah kơ'bôch păng sư ưh kơ kiơ̆ thoi lu bơngai tơ ala teh ưh kơ lui, bơngai noh boih 'Bă tơm bơ̆n 'Bok Kei-Dei jô̆ sư lui kơjăp hăm pơm tơpăt.