Je 7:34 - Sơ̆p Hlabơar Nơ̆r 'Bok Kei-Dei

³⁴ Inh gô pơtôch ưh pă đei kơtơ̆ng nơ̆r hiĕk chơt hiôk năr pơkong klo kăn, tơ lăm pơlei tih Juđa păng tơ rok trong tih pơlei Jêrusalem yua kơ lăm dêh char răm đĭ jing juơ.”

Je 7:34 Iomraidhean Croise

Jop 3:7

Rŏ kơ măng noh ưh kơ đei bu anăp. Ưh kơ đei nơ̆r chơt hiôk lăm kơplah noh.

Horiso 78:63

Ŭnh sa lu kon tơdăm lu sư. Păng kon adruh lu sư ưh pă đei bu iŏk oei.

Êsai 1:7

Dêh char lu iĕm jing juơ, lu pơlei tih iĕm ŭnh sa đĭ, lu bơngai tơmoi tơgar iŏk teh choh iĕm 'bơ̆t anăp lu iĕm, teh lu iĕm jing juơ rơhiăng thoi lĕ bơngai tơmoi pơrăm tơgar iŏk bơih.

Êsai 3:26

Lu 'măng jang pơlei gô nhơ̆m hmoi, ơh sơ'ngon; thoi bơngai hơ-oei kơpal teh răm rai.

Êsai 6:11

Na inh jet: “Ơ Kră Yang dĭng truh tơ layơ?” Na Kră Yang tơl: “Gô dĭng lu pơlei noh jing juơ, ưh kơ đei kon pơlei oei lăm noh, hnam ưh kơ đei bơngai oei, teh mir đĭ răm jing bri đĭ;

Je 16:9

'Nâu Kră Yang Tih Hloh 'Bok Kei-Dei bơngai Isơrael khan: “'Nâu 'bơ̆t anăp măt lu iĕm, lăm chăl arih iĕm, Inh gô pơtôch lê̆ chơt hiôk lăm char âu. Kŭm ưh pă đei nơ̆r ŏng mai hiĕk chơt hiôk năr pơkong klo kăn dơ̆ng.

Je 22:6

Kră Yang khan gah hnam pơtao Juđa: “Mă khan Inh lăng ih thoi char Gileat, kư̆m rŏ krưp thoi kơ̆l kông Liban, Mă-lei Inh pơkă wă pơm kơ ih jing thoi char glă, lu pơlei ưh pă đei bơngai oei.

Je 25:10

Hloh kơ noh, Inh gô pơm ăn kơ lu sư pă đei kơtơ̆ng nơ̆r đe hơri chơt hiôk, pă đei kơtơ̆ng nơ̆r keng đe hlôm pơchơt păng pă đei nơ̆r hiĕk chhôk chă klo akăn, kư̆m pă đei kơtơ̆ng re tơpăl đe peh 'ba păng kư̆m pă đei hơdah ŭnh kơđeng.

Je 27:17

'Nĕ pă mơ̆ng lu đe noh, chu jang bĕ kơ pơtao Babilôn wă kơ iĕm gơh arih. Liơ pơlei tih âu pơchah răm?

Je 33:10

'Nâu Kră Yang khan: “Ih khan gah anih 'nâu: ‘Anih noh juơ ưh kơ đei bơngai oei, kư̆m ưh kơ đei kon sem bri.’ Lăm đĭ-đăng pơlei tih char Juđa păng trong tih pơlei Jêrusalem, dang ei jing anih rơ̆m rĕk, ưh kơ đei bơngai oei păng kư̆m ưh kơ đei sem brem trŏ tơpă.

Je 33:11

Mă-lei đe gô kơtơ̆ng dơ̆ng nơ̆r hiĕk chhôk 'nă hal tơ noh, nơ̆r bre ŏng mai hle, nơ̆r đe hơri rah chĕp tơmam pơyơ̆r bơnê mơ̆t lăm hnam Kră Yang: ‘Hơri bơnê bĕ kơ Kră Yang Tih Hloh, yua kơ tơdrong 'mêm Sư oei oei ling-lang! Yua kơ tơdrong 'lơ̆ng Sư.’ ” Kră Yang khan: “Yua kơ Inh gô ăn kơ dêh char âu hiôk jơnap, kư̆m thoi adrol sơ̆,”

Je 4:26

Inh 'bôh mir chŭn teh mơ̆r jing char glă. Đĭ-đăng pơlei jing rơ̆m rĕk. 'Bơ̆t anăp Kră Yang đơ̆ng tơdrong Sư hil mĭl.

Je 4:27

Kră Yang khan: “Đĭ kơ dêh char gô juơ tơtŭng mă-lei Inh ưh tam pơrăm đĭ ôh.

Je 44:6

Thoi noh na Inh tuh boih tơdrong hil mĭl Inh thoi ŭnh khơ̆ng tơ lăm lu pơlei dêh Juđa păng tơ rok trong lăm pơlei Jêrusalem; năr 'nâu lu pơlei noh oei jing bri juơ tơtŭng.”

Nhom 5:14

Lu kră drŏ-nglo pă đei ngôi pơđâu 'bơ̆t 'măng jang pơlei tih, Lu tơdăm 'lơ̆p pă đei reh brŏ hơri.

Êsêkiên 26:13

Inh gô pơm kơ nơ̆r hơri ih kơtĕch, đe ưh pă kơtơ̆ng re brŏ dung ih dơ̆ng.

Êsêkiên 7:11

Tơdrong pơm kơnê̆ rai dêh jing tơdrong kơnê̆ lơ hloh; lăm lu sư pă đei bu oei đei, mŭk tơmam pă đei, tơdrong mơdrŏng lu sư kư̆m pă đei, lăm lu sư ưh pă đei bu đe pơyom.

Hôsia 2:11

Inh gô pơtôch lê̆ dôm tơdrong chơt hiôk sư, lu năr chơt hiôk tih lăm Khei 'Nao, năr pơdơh Sa'bat păng đĭ-đăng kơ năr giĕng tih lu sư.

Hôsia 2:13

Inh gô phak sư yua kơ lu năr mă sư soh pơyơ̆r 'long 'bâu phu kơ rup yang Baal, sư pơguăng đoh maih tơ đon 'bot kong păng dôm tơmam gĭt na năm kiơ̆ pơyô sư, na sư hiơt boih kơ Inh!” Kră Yang khan thoi noh.

Lêwi 26:33

Inh pơrŭng lu iĕm tơklah tơklang jơ̆p kơ adrĕch adrung bơngai păng Inh gô iŏk đao gưm 'bet lu iĕm; na char lu iĕm gô juơ rơhiăng, pơlei tih lu iĕm hrơ-hrĕng kơkot.

Mi 7:13

Mă-lei teh âu gô lê̆ bri juơ yua kơ đe gô pơm 'mong tơwih kơ tơdrong đêl lu kon pơlei oei lăm noh pơm kơnê̆.

Tơdrông Tơ'bôh 18:23

Ŭnh kon pơlei pă 'bôh hơdah, 'bơ̆r đe hiĕk 'nă pơkong kơ bre klo kăn chă kơ mĕ 'bă ŏng mai kư̆m pă đei kơtơ̆ng. E hăm băt dôm tơdrong truh noh yua kơ lu bơngai đơ̆ng iĕm mơdro sa ưh kơ tơpăt pơm kư̆ kă hưch tơmam âu tơmam to? Jơ̆p teh đak ư-ang pơlei iĕm mơdrŏng tih. Dang ei jơ̆p teh đak pơm rok tơdrong kơnê̆ thoi iĕm.