Je 7:10 - Sơ̆p Hlabơar Nơ̆r 'Bok Kei-Dei

¹⁰ Păng đơ̆ng noh năm dơ̆ng kơkuh kơ Inh, tơ hnam âu, anih mă đe krao Anăn Inh, păng khan: “Lu bơ̆n klaih hiôk boih.” Hiôk oei wă pơm dôm tơdrong Inh areh noh?

Je 7:10 Iomraidhean Croise

I Pot 9:3

Kră Yang khan kơ sư: “Inh kơtơ̆ng bơih dôm nơ̆r ih krao khan apinh 'bơ̆t anăp Inh. Inh 'măn lê̆ pha bơih Hnam 'nâu mă ih pơm wă kơ rơgoh, wă kơ anăn Inh oei lăm noh ling-lang; măt păng jơhngơ̆m Inh gô oei tơ noh ling-lang.

II Pot 21:4

Sư kư̆m pơm tơiung chơnang soi lăm hnam Kră Yang mă Kră Yang đei khan gah hnam akŭm kơkuh ei thoi âu: “Lăm Pơlei Jêrusalem noh, Inh 'măn anăn Inh.”

II Ho 33:4

Sư man lu chơnang soi tơ lăm hnam Kră Yang, tơ anih mă Kră Yang đei khan: “Anăn inh gô oei lăm pơlei Jêrusalem ling-lang.”

II Ho 33:7

Sư tah rup yang đe traih lăm hnam Kră Yang tơ anih mă Kră Yang 'Bok Kei-Dei đei khan hăm Đawit păng Sôlômôn kon drŏ-nglo sư khan: “Lăm hnam 'nâu păng pơlei Jêrusalem pơlei, mă inh đei rơih iŏk boih đơ̆ng lăm adrĕch bơngai Isơrael, wă 'măn anăn Inh lăm âu ling-lang;

Tơdrông Pơđơk 15:8

Tơmam soi lu bơngai kơnê̆ pơm 'mê̆ krưp kơ Kră Yang; Mă-lei đei nơ̆r krao khan đơ̆ng lu bơngai tơpăt Kră Yang lăp đon.

Êsai 48:2

Lu iĕm khan lu iĕm kơdih kon pơlei đơ̆ng pơlei 'lơ̆ng rơgoh, păng gơnang kơ Kră Yang 'Bok Kei-Dei Isơrael, anăn Sư Kră Yang Tih Hloh.

Je 32:34

Lu sư tah 'măn boih rup yang kơnê̆ 'mê̆ krưp tơ lăm hnam mă đe anăn măt Inh, pơm mơgrĭ 'mê̆-'mach.

Je 34:15

Ưh kơ đunh ki iĕm 'nao tơbral pơm tơdrong trŏ 'bơ̆t anăp Inh, lu iĕm kư̆m đei tơbăt ăn kơ rim 'nu athei ăn kơ 'nhŏng oh bơ̆n đêl pơm đĭch rơngei. Lu iĕm đei boih nơ̆r pơgơ̆p 'bơ̆t anăp Inh lăm hnam krao anăn Inh.

Je 44:9

Lu iĕm đĭ hiơt boih hă tơdrong yoch kơnê̆ lu 'bok yă iĕm, tơdrong kơnê̆ lu pơtao Juđa păng tơdrong kơnê̆ lu akăn lu sư, tơdrong yoch kơnê̆ lu iĕm păng akăn lu iĕm đei pơm lăm dêh Juđa păng tơ rok trong lăm pơlei Jêrusalem?

Je 7:11

Lei lu iĕm lăng hnam âu, anih Anăn Inh, thoi anih tơtông klĕ hă? Âu Inh, Inh 'bôh boih dôm tơdrong noh, Kră Yang khan thoi noh.

Je 7:14

Na tơdrong kiơ Inh đei pơm boih kơ pơlei Silô Inh gô pơm kơ hnam âu, hnam krao Anăn Inh, hnam mă lu iĕm gơnang Inh gô pơm lei-lăi kơ anih mă Inh đei ăn boih kơ lu iĕm păng lu 'Bok yă iĕm.

Je 7:30

Kră Yang khan: “Bơngai Juđa pơm boih tơdrong kơnê̆ 'bơ̆t anăp Inh, lu sư pơm boih rup yang mă Inh lăng krưp lăm hnam Anăn Inh, pơm kơ hnam noh 'mê̆-'mach.

Êsêkiên 20:39

Gah lu iĕm, ơ adrĕch Isơrael, Kră Yang khan thoi âu: Rim 'nu kơ lu iĕm năm kơkuh bĕ kơ rup yang! Mă-lei đơ̆ng rŏng kơ noh, lu iĕm gô mơ̆ng kiơ̆ Inh, ưh pă pơ'mê̆ kơ anăn Inh dơ̆ng hăm tơmam soi kơkuh kơ rup yang.

Êsêkiên 23:29

Lu sư gô iŏk tơdrong areh pơm kơ ih, tơgar iŏk đĭ dôm tơmam đơ̆ng ih jang, lê̆ ih koh hoh, đĭ tơdrong ih koh hoh, ngôi kư̆ kă gô tơ'bôh pơdah tơ 'nguaih.

Êsêkiên 23:37

Lu sư pơm yoch pơm pơyô kư̆ kă păng ti lu sư 'bơm pham; lu sư pơm yoch ngôi pơyô kư̆ kă hăm lu rup yang; păng pơyơ̆r kon lu sư, kon mă lu sư tơpŭ ăn kơ Inh, pơm tơmam sa ăn kơ rup yang.

Êsêkiên 23:39

Lu sư pơlôch kon sư kơdih pơyơ̆r kơ rup yang; lăm năr noh lu sư kư̆m mơ̆t lăm anih 'lơ̆ng rơgoh Inh na pơm tơdrong 'mê̆-'mach. Noh tơdrong lu sư pơm boih kơ hnam Inh!

Êsêkiên 33:25

Lei na khan bĕ kơ lu sư, Kră Yang khan thoi âu: Yua kơ lu iĕm sa 'nhĕm oei pham, măt lu iĕm maih lăng tơ rup yang, lu iĕm tuh pham pơlôch băl, lei lu iĕm gô iŏk char âu hă?

Êsêkiên 33:31

Lu sư năm tơ ih thoi kon pơlei Inh juăt kơ năm, lu sư năm mơ̆ng nơ̆r ih thoi kon pơlei Inh; mă-lei lu sư ưh kơ pơm kiơ̆ tơdrong noh ôh 'bơ̆r lu sư pơm khan 'mêm mơnat, jơhngơ̆m lu sư chă tơdrong đei lơi yua kơdih akâu.

Êsêkiên 5:11

Lei na Kră Yang Tih Hloh khan: Tơpă thoi Inh oei arih, yua kơ ih pơm kơnê̆ 'mê̆-'mach lăm anih rơgoh Inh hăm pơm kơnê̆ krưp, mă Inh areh dêh. Thoi noh na Inh pơrăm ih, măt Inh ưh kơ wă lăng păng ưh pă mơnat.

Da 9:18

Ơ Kră Yang 'Bok Kei-Dei inh, apinh Ih pơgling đon păng mơ̆ng. Apinh Ih lar măt lăng bĕ dôm anih juơ juŏ lu nhôn păng pơlei mă krao anăn Ih! Ưh kơ sĭ gơnang kơ tơdrong tơpăt nhôn kơdih na krao apinh Ih, mă-lei gơnang kơ đơ̆ng tơdrong Ih 'mêm mơnat kơ đĭ-đăng.

Hôsia 6:9

Thoi lu bơngai kơnê̆ răp lu bơngai yak rok trong ei, lu 'bok soi kư̆m wang pơm; thoi noh mơ̆n lu sư pơlôch bơngai rok trong năm tơ pơlei Sichem, tơpă lu sư pơm boih tơdrong kơnê̆ dêh!

Am 4:5

Soh bĕ tơmam soi đei 'buih. Roi tơbăt dôm tơmam soi pơyơ̆r hăm jơhngơ̆m hiôk; roi pơư bĕ wă kơ bơngai lăm teh đak băt; Ơ kon sâu bơngai Isơrael, lu iĕm oei 'maih wă kơ pơm tơdrong noh, Kră Yang khan thoi noh.

Jêphania 1:5

Inh gô pơlôch lu bơngai kơkuh kơ tơmam kơpal plĕnh tơ bơbŭng hnam; păng lu bơngai đei pơkă pơkăm hăm Kră Yang păng kư̆m đei pơkă pơkăm dơ̆ng hăm lu pơtao lu sư kơdih;

Malachi 3:15

Âu lu bơ̆n jô̆ lu bơngai pơrŏ pơang đei pŭn hiôk, lu sư pơm tơdrong kơnê̆ tă kơ rai tŏk. Lu sư pơlong Kră Yang 'Bok Kei-Dei păng đei klaih hlôi boih!”

Mathiơ 23:13

“Ơ lu thây bơtho đe Juđê păng bơngai kiơ̆ tơdrong Pharisi, ning-mônh iĕm pơmat-tat dêh, yua kơ iĕm bơngai 'bơ̆r đak klak ŭnh. Iĕm pơgăn đe kiơ̆ tơdrong 'Bok Kei-Dei pơgơ̆r, tơ'ngla iĕm kơdih kuă kơ kiơ̆, mưh đe wă kiơ̆ na iĕm nŏng kơ pơgăn đe.

Yo 13:18

“Inh pơma tơdrong noh, ưh kơ pơma tôm kơ lu iĕm ôh, yua kơ Inh băt lê̆ hơdrol boih dôm lu bơngai mă Inh rơih. Na lăm sơ̆p hla bơar 'Bok Kei-Dei khan: ‘Đei minh 'nu bơngai sŏng sa hơdai păng Inh, sư wă plơ̆ plĕch kơ Inh.’ Yua kơ chih lê̆ hơdrol sơ̆ lăm sơ̆p hla bơar 'Bok Kei-Dei, na dang ei bơ̆n gô 'bôh tơpă.

Yo 18:28

Đơ̆ng hrôih đe anhăk Yêsu đơ̆ng hnam Kaiphe tơ hnam birô anih 'bok pơgơ̆r. Lu bơngai Juđê ưh kơ pơ̆n mơ̆t lăm hnam birô noh yua kơ khŭl lu sư kơ̆m kơ mơ̆t lăm hnam tơmoi. Dah lu sư mơ̆t, lu sư ưh kơ gơh sa 'nhĕm sư pơm Giĕng Năm Brih lăm năr noh.