Je 51:2 - Sơ̆p Hlabơar Nơ̆r 'Bok Kei-Dei

² Inh gô wơh lu bơngai tơmoi năm um hŭt Babilôn. Lu sư pơrăm char noh pơchah pơchek. Lu sư năm wang blah Babilôn dơ̆ng puăn pah, lăm năr pơmat-tat.

Je 51:2 Iomraidhean Croise

Êsai 41:16

Lu iĕm gô um sư na gô tơthu pơđông lu sư, phŭt gô huơ̆r lu sư tơklah hiong đĭ, mă-lei gah lu iĕm gô chơt hiôk lăm Kră Yang gô ư-ang kơ Tơ'ngla 'Lơ̆ng Rơgoh Isơrael.

Êsai 43:14

Kră Yang, Tơ'ngla huai iŏk lu iĕm, Kră Yang 'lơ̆ng Rơgoh đe Isơrael khan thoi âu: “Yua kơ lu iĕm, Inh wơh đe năm truh tơ pơlei Babilôn, pơm kơ lu sư kơdâu đĭ wă khan lu bơngai Kalđê, kơdâu ôn jur tơ lu thŏng-nan nhơ̆m hmoi.

Je 15:7

Inh gô um pơliĕng lu sư hăm kial 'bơ̆t lu 'măng jang pơlei lăm teh âu, Inh gô săi lê̆ lu sư tơ jơ̆p kơ pơlei, Inh gô pơrăm lê̆ kon pơlei pơla Inh, yua kơ lu sư ưh kơ weh đơ̆ng trong yoch, na wih tơ Inh.

Je 50:29

Krao bĕ lu bơngai chĕp hră, Blah prah pơlei Babilôn; Wang tăp dăr kơ pơlei; 'nĕ ăn kơ minh 'nu klaih! Pơm bĕ kơ sư thoi sư đei pơm kơ đe, pơm 'mong tơwih kơ sư thoi sư đei pơm boih; Yua kơ sư pơang blah plơ̆ Kră Yang, Tơ'ngla 'Lơ̆ng Rơgoh Isơrael.

Je 50:32

Dêh char pơang gô kơtơih păng pơ̆k, Ưh kơ đei bơngai bu tơiung sư, Inh gô iŏk ŭnh soh lu pơlei sư, Ŭnh gô sa đĭ-đăng tơmam tăp dăr kơ sư.”

Êsêkiên 5:12

Minh lăm pêng lăm lu khŭl ih gô lôch hơbuh păng gô lôch kơ pơngot rơwĕt minh lăm pêng gô pơ̆k lôch kơ đao hơlă tăp dăr kơ ih; mă minh lăm pêng dơ̆ng Inh gô pơm kơ lu sư tơklah tơklang tơ jơ̆p-jang kơ teh păng Inh gô toh đao druh 'moi lu sư.

Mathiơ 3:12

'Bok ei sek tơlang kon bơngai thoi lĕ kơ Sư chĕp minh hlak kơđum wă um tŭk đĭ dôm lu 'ba bo. Na Sư iŏk lu 'ba liĕng wă tah lê̆ lăm kŭ 'ba Sư. Na dôm lu 'ba bo noh Sư wă soh tŭk đĭ tơ ŭnh mă ưh kơ layơ păt.”