Je 5:9 - Sơ̆p Hlabơar Nơ̆r 'Bok Kei-Dei

⁹ Kră Yang khan: “Lei na Inh ưh kơ hil kơ lu sư yua kơ tơdrong noh hă? Hăm adrĕch adrung thoi noh na Inh wă ưh kơ pơm tơdrong tơpăt hă?

Je 5:9 Iomraidhean Croise

Tơdrông Pơđơk 6:29

Bơngai mă ngôi pơyô hăm akăn đe sư kư̆m thoi noh; Bơngai bu hơtŭt 'bơm kơ drŏ-kăn noh ưh kơ klaih ôh kơ phak.

Êsai 1:24

Thoi noh bơih na Kră Yang Tih Hloh, Tơ'ngla Mơsêh Mơyang lu bơngai Isơrael khan: “Âu! Inh gô tuh tơdrong hil tơ lu bơngai blah Inh păng pơm 'mong kơ lu bơngai ayăt kơ Inh!

Êsai 57:6

Lu tơmo iel rang tơ lăm thŭng noh jing rup Yang iĕm. Tơ lu tơmo noh lu iĕm tuh đak rơmă păng pơyơ̆r tơmam huch, păng phe 'ba pơm tơmam soi kơ lu tơmo 'noh. Liơ mă inh gơh ngach ưh kơ blĕk kơ tơdrong 'noh?

Je 23:2

Thoi noh na, Kră Yang, 'Bok Kei-Dei bơngai Isơrael khan kơ lu bơngai wei triu, wei-lăng kon pơlei Inh. “Lu iĕm pơm kơ triu Inh tơklah tơklang, pơpuh tơweh tơ nai ưh kơ wei rong lu sư, Kră Yang khan. 'Nâu Inh gô phak lu iĕm yua kơ tơdrong kơnê̆ iĕm pơm.”

Je 32:31

“Iŏk đơ̆ng năr đe pơdơ̆ng sư sơ̆ khơ̆ dang ei pơlei tih âu tơblĕk wă kơ Inh hil, dĭng Inh mah pơrăm lê̆ sư đơ̆ng anăp Inh.

Je 44:22

Kră Yang ưh kơ kĕ ĕnh boih tơdrong kơnê̆ lu iĕm, tơdrong 'mê̆ krưp lu iĕm pơm, na teh đak lu iĕm jing juơ, pŭ hơngiap, blei hiap, ưh kơ đei bu oei truh tơ năr 'nâu.

Je 5:10

Năm rok pơgar hơmu koh pơrăm bĕ lu sư, mă-lei 'nĕ kơ kăl pơđĭ, chre hŭt lê̆ lu tơmơ̆ng dơng 'nao bluh, yua kơ lu sư ưh kơ gah Kră Yang ôh.

Je 5:29

Kră Yang khan: “Lei na Inh ưh kơ sek tơlang phak lu sư kơ tơdrong noh hă? Hăm kon pơlei thoi noh lei na Inh ưh kơ sek tơpăt hă?

Je 6:11

Gah inh, Kră Yang hil 'bĕnh kơ inh, inh ưh kơ kĕ kơ dơ̆ng ôh. “Tuh bĕ tơdrong noh tơ lu bơngai hơ'lơ̆p tơ rok trong pơlei, Tơ lu bơngai tơdăm oei akŭm băl; tơ klo hăm akăn, tơ lu kră păng lu kră jơnei.

Je 6:6

Kră Yang Tih Hloh đei khan: Kăl bĕ 'long, tuh teh bơ̆ dur na blah pơlei Jêrusalem! 'Nâu boih pơlei tih trŏ kơ phak bơtho sư; lăm pơlei tă kơ đei bơngai pơjuă pơđep ngăl,

Je 9:8

Hơpiĕt lu sư jing brơ̆m hơkăm, pơma lĕch nơ̆r hơlĕnh pơdăr; lăm 'bơ̆r lu sư, bu bu kư̆m khan hiôk-hian hăm lu rông 'bôt sư, mă-lei lăm jơhngơ̆m sư, răp wă pơm kơnê̆ kơ buăl sư.

Je 9:9

Kră Yang khan: “Inh ưh kơ phak lu sư hă kơ tơdrong âu? Na Inh ưh iung kơting hă kơ lu dêh char thoi âu?”

Nhom 3:42

Lu nhôn pơm yoch, pơđâu blah; Ih ưh pă mơnat ăn boih.

Nhom 4:22

Ơ kon adruh Siôn, tơdrong phak yoch e truh boih, Kră Yang huay kơ puh e pơm bơnă dơ̆ng. Ơ kon adruh Eđôm, Kră Yang gô phak yoch e; gô tơ'bôh tơdrong kơnê̆ e!

Êsêkiên 7:9

Măt Inh ưh pă lăng mơnat kơ ih, Inh kư̆m ưh pă dŏng ih, Inh gô phak kiơ̆ kơ trong ih yak kiơ̆ păng tơdrong kơnê̆ krưp lăm ih. Na ih gô băt Inh boih Kră Yang Tơ'ngla mă đei phak ih.

Hôsia 2:13

Inh gô phak sư yua kơ lu năr mă sư soh pơyơ̆r 'long 'bâu phu kơ rup yang Baal, sư pơguăng đoh maih tơ đon 'bot kong păng dôm tơmam gĭt na năm kiơ̆ pơyô sư, na sư hiơt boih kơ Inh!” Kră Yang khan thoi noh.

Hôsia 8:13

Mă khan lu sư soi pơyơ̆r kơ Inh, păng sa sĕch 'nhĕm noh, Kră Yang ưh kơ hiôk ôh kơ lu sư. Na Kră Yang 'blŏk kơ tơdrong kơnê̆ đêl lu sư pơm, păng gô phak pơjĭ lu sư yua kơ tơdrong yoch lu sư pơm; lu sư gô wih brŏk tơ dêh Êyiptơ.

Lêwi 18:25

Teh âu, yua kơ lu sư na kơnê̆ 'mê̆-'mach boih, Inh gô phak tơdrong kơnê̆ lu sư, teh gô hăk tơlĕch lê̆ kon pơlei sư.

Lêwi 26:25

Inh gô ăn đao hơlă pơm kơ lu iĕm. Wă pơm 'mong đêl iĕm pơm glăi tơdrong pơgơ̆p Inh; tơdah lu iĕm akŭm băl lăm pơlei tih lu iĕm, Inh gô ăn tơdrong jĭ hơbuh 'bơm tơ lu iĕm păng jao iĕm lăm ti lu bơngai ayăt kơ iĕm.

Na 1:2

Kră Yang jơ̆ 'Bok Kei-Dei gar păng pơm 'mong; Kră Yang pơm tơwih păng 'bĕnh kơ tơdrong hil mĭl. Kră Yang pơm 'mong kơ bu mă blah Sư păng hil kơ lu đe bu mă ayăt kơ Sư.

Both 32:35

Tơdrong pơm 'mong gô lê̆ kơ Inh, Inh gô pơm tôm. Trŏ năr jơ̆ng lu sư tơsĕr pơ̆k. Tơdrong răm wă jê̆ truh kơ lu sư bơih. Tơdrong pơlôch lu sư, gô truh tĕnh.

Both 32:43

Ơ lu adrĕch adrung kon bơngai! Hiôk chơt bĕ hăm kon pơlei Kră Yang. Yua kơ Sư gô iung kơting, pơm 'mong pham kơ đĭch đam Sư, Sư pơm 'mong blah lu bơngai ayăt kơ Sư, mơnat ăn kơ dêh char Sư păng lu kon pơlei pơla Sư.