Je 5:7 - Sơ̆p Hlabơar Nơ̆r 'Bok Kei-Dei

⁷ Liơ Inh gơh mơnat lĕ? Kon sâu iĕm achăng lê̆ Inh boih, Lu sư pao anăn lu yang nai, na pơkă mă ưh kơ trŏ kơ yang tơpă. Mă khan Inh 'me rong lu sư phĭ jơnap, mă lu sư rai pơm pơyô kư̆ ka, akŭm băl 'bĕnh lăm hnam bơngai đi.

Je 5:7 Iomraidhean Croise

II Ho 13:9

Hăm trŏ lu iĕm pơpuh boih lu 'bok soi Kră Yang, kon sâu Arôn păng lu bơngai Lêwi? Lu iĕm pôk pơjing lu 'bok soi kơdih iĕm kiơ̆ thoi lu dêh char nai pơm; kư̆ kơ bơngai bu rôp minh pôm rơmo dăm păng tơpơh tŏ bơbe tơno pơyơ̆r wă apinh pơm 'bok soi na gơh pơm 'bok soi hloi soi kơ yang kư̆ kă.

Jop 31:12

Yoch noh bơih mă thoi ŭnh sa kơdơ̆r lăm dơnâu ŭnh. Sa pơrăm đĭ truh tơ rơh dôm hơnik hơnam mă inh đei.

Horiso 50:18

Tơdah ih 'bôh bơngai tơtông, na lăp đon hơdai sư.d Ih wang lăp đon kiơ̆ bơngai pơm pơyô kư̆ kă.

Je 12:16

Tơdah lu sư pơnam hŏk pơhrăm iŏk kiơ̆ trong kon pơlei pơla Inh păng pơkă pơkăm hăm anăn Inh. ‘Tơpă Kră Yang arih,’ thoi sơ̆ lu sư kư̆m bơtho kon pơlei Inh pơkă hăm yang Baal, kơplah noh lu sư gô oei kơjăp lăm kon pơlei pơla Inh.

Je 13:27

Inh 'bôh boih tơdrong kơnê̆ iĕm pơm, Ih pơm pơyô kư̆ kă, tơdrong luĕl 'blal. Pơm pơyô kư̆ kă tơ lăm groi dah tơ mir chŭn. Ơ Jêrusalem răm-'băm tơpă kơ iĕm! Iĕm ưh kơ wă hơmet rơgoh dĭng dang yơ?”

Je 16:11

Ih athei khan kơ lu sư: ‘Kră Yang khan. Yua kơ yă 'bok lu iĕm achăng lê̆ Inh boih, na kiơ̆ lu yang nai, jang ăn păng drap kơkuh kơ lu yang noh. Lu sư achăng lê̆ Inh ưh pă wei răk dôm khôi juăt Inh.

Je 16:20

Kon bơngai hăm gơh pơm yang kơdih sư? Noh rup đĕch, ưh kơ yang ôh.”

Je 2:11

Hăm đei teh đak ayơ tơplih boih yang lu sư, mă khan yang noh ưh kơ trŏ kơ yang tơpă? Mă-lei kon pơlei Inh tơplih boih tơdrong ư-ang Inh hăm tơdrong ưh kơ yua kiơ!

Je 2:31

Ơ lu iĕm lăm jơhnơr 'nâu mơ̆ng bĕ nơ̆r Kră Yang khan: “Inh hăm trŏ kơ char glă dah teh đak măng mu kơ bơngai Isơrael? Lei na liơ kon pơlei Inh khan: ‘Lu nhôn rơngei boih, lu nhôn ưh pă wă năm tơ Ih dơ̆ng.’

Je 23:10

‘Dêh char âu 'bĕnh kơ lu bơngai pơm pơyô kư̆ kă, Yua kơ đơ̆ng Kră Yang hiap pơtê̆, teh hrĕng kro, tơmăn 'nhĕt tơ char glă kro đĭ. Lu sư kơdâu kiơ̆ trong kơnê̆; yua iŏk tơdrong gơh kĕ ưh kơ trŏ.’ ”

Je 3:19

Gah Inh hơpơi: “Rŏ kơ Inh lăng iĕm thoi kon drŏ-nglo Inh, Inh ăn kơ lu iĕm dêh char 'lơ̆ng, teh jang sa 'lơ̆ng hloh kơ đĭ-đăng lu char nai! Inh hơpơi wă kơ iĕm krao Inh ‘'Bă’ Păng ưh pă weh achăng lê̆ Inh.

Je 3:8

Sư 'bôh boih yua kơ tơdrong luĕl 'blal lu bơngai Isơrael pơm pơyô ngôi kư̆ kă. Na Inh achăng lê̆ sư pơm hla bơar hrĕch păng puh tơweh sư. Mă-lei oh sư bơngai Juđa ưh kơ hli ôh, kư̆m wang pơm pơyô kư̆ kă noh.

Je 7:9

Hăm trŏ lu iĕm tơtông, pơlôch bơngai, pơm pơyô kư̆ kă, pơkă hơlĕnh, soh 'long 'bâu phu kơ yang Baal, kiơ̆ yang nai mă iĕm ưh kơ băt

Je 9:1

Ô! Rŏ kơ kơ̆l inh jing đak mơlĕch, măt inh jing tu đak măt! Wă kơ inh kĕ nhơ̆m hmoi prăt năr prăt măng kơ lu kon pơlei inh mă lôch boih!

Je 9:2

Ô! Rŏ kơ inh đei minh anih pơm anih pơdơh lăm char glă, thoi anih kơ lu bơngai tơmoi drong găn, wă kơ inh gơh weh lê̆ ataih păng achăng lê̆ kon pơlei inh; Yua kơ lu sư pơm pơyô kư̆ kă, minh khŭl bơngai hơlĕnh pơdăr.

Nhom 3:42

Lu nhôn pơm yoch, pơđâu blah; Ih ưh pă mơnat ăn boih.

Êsêkiên 22:11

Lăm ih đei bơngai pơm yoch ngôi kư̆ kă hăm akăn đe; lu bơngai nai pơm kư̆ kă hăm mŏ mai sư, đei mơ'nah ngôi hăm oh drŏ-kăn sư kon 'bă sư pơjing mĕ pha.

Hôsia 11:8

Ơ Êphraim, liơ Inh gơh achăng ih, Ơ Isơrael, liơ Inh gơh jao lê̆ lu iĕm kơ đe? Liơ Inh gơh ăn pơm kơ lu iĕm jing thoi pơlei Atma, dah liơ Inh gơh pơm kơ lu iĕm thoi pơlei Sêbôim? Jơhngơ̆m Inh sơngah ưh kơ wă pơm tơdrong noh păng jơhngơ̆m Inh 'mêm kơeng đĭ tơtŏ dêh boih.

Hôsia 13:6

Lăp lu sư sŏng sa phĭ boih, jơhngơ̆m lu sư jing pơang; yua kơ đơ̆ng noh na lu sư hiơt boih kơ inh.

Hôsia 4:2

Lăm noh pôm băt kơ pơm tơdrong hơlĕnh pơdăr, plêl, pơlôch băl, tơtông klĕ păng pơm pơyô kư̆ kă; lu sư pơm lơ tơdrong kơnê̆, pơlôch băl rai dêh pơm plơ̆ pham 'mong pham.

Hôsia 7:4

Đĭ-đăng lu sư tă kơ pơm pơyô kư̆ kă ngăl. Lu sư jing thoi tơnuh ŭnh tŏ mă đe tơkuh wă 'buh 'bĕng, bơngai 'buh 'bĕng tơkuh pơgơ̆p ŭnh iŏk đơ̆ng 'nao jrâu tơpŭng bơlah dĭng truh tơ bơlah pông.

Lêwi 20:10

Tơdah bơngai bu pơm kư̆ kă hưch kơ akăn đe dah pơm kư̆ kă hưch kơ akăn rông 'bôt, bre sư noh đe gô pơlôch sư.

Am 8:14

Đĭ-đăng lu bơngai tơhlâu kơ Asima char Samari păng pơkă pơkăm: Ơ Đan, thoi yang ih oei arih! Thoi yang pơlei Bêrsêba oei arih! Đĭ-đăng lu bơngai kơkuh kơ yang gô pơ̆k păng ưh pă kĕ iung dơ̆ng.

Jêphania 1:5

Inh gô pơlôch lu bơngai kơkuh kơ tơmam kơpal plĕnh tơ bơbŭng hnam; păng lu bơngai đei pơkă pơkăm hăm Kră Yang păng kư̆m đei pơkă pơkăm dơ̆ng hăm lu pơtao lu sư kơdih;

Malachi 3:5

“Inh gô năm jê̆ lu iĕm wă kơ sek tơlang păng Inh gô pơm tơ'bôh wă blơ̆ lu bơngai pơm kơnê̆, lu bơngai pơm pơyô kư̆ kă, lu bơngai hơlĕnh pơdăr, lu bơngai pơgâm sa jên lu bơngai jang mưng, pơjuă lu bơngai hơdro-po păng lu bơngai mơti, lu bơngai mă pơrăm lu bơngai tơmoi păng lu bơngai mă kuă kơkuh păng hli yom kơ Inh,” mă Kră Yang Tih Hloh khan thoi noh.

I Kor 6:9

Iĕm ưh kơ băt ôh hă lu bơngai pơm kơnê̆ ưh kơ gơh tŏk oei tơ dêh char 'Bok Kei-Dei ôh? Lu bơngai ngôi pơyô kư̆ kă, lu bơngai kơkuh kơ rup yang, lu bơngai plah klo kăn đe, lu bơngai tơduă drŏ-nglo tơngơ̆r băl,

I Kor 8:4

Thoi noh na gah tơdrong sa tơmam đe sơmah kơ yang bơ̆n băt mơ̆n rup yang ưh kơ sĭ yang tơpă ôh. Mă tơpă bơ̆n băt kơ minh 'nu đĕch Kră Yang Tih Hloh.

Galati 4:8

Sơ̆ iĕm ưh kơ băt chă Kră Yang 'Bok Kei-Dei ôh, na mă iĕm jing đĭch yang nai, mă-lei yang noh ưh kơ yang tơpă ôh.

Both 32:15

Jêsurunb wă rai bek mơdrŏng pran, wă iŏk jơ̆ng đă plơ̆ akâu sư bek lơluĭnh boih na lu sư achăng lê̆ Kră Yang 'Bok Kei-Dei Tơ'ngla mă pơjing lu sư, păng pơjăm lê̆ Tơmo Tih mă dŏng pơklaih.

Both 32:21

Lu sư tơblĕk Inh dêh yua kơ lu sư kơkuh kơ yang nai ưh kơ yua kiơ. Pơm kơ inh hil gar hăm yang mă ưh kơ đei tơdrong anăn kiơ. Na inh gô pơm kơ lu sư 'ngeng kơ lu adrĕch mă răm hloh. Iŏk minh adrĕch adrung mă lŭch hloh tơblĕk lu sư. Iŏk minh teh đak kơhlôh kơwao na tơblĕk pơklai lu sư.

Hêbrơ 13:4

Bơ̆n athei pơyom kơ tơdrong ŭnh om, 'nĕ kơ pơ'brơh pơm kư̆ kă, yua kơ 'Bok Kei-Dei wă phak tơpă dôm lu bơngai mă pơm kư̆ kă thoi noh. Mă bơngai oei adruh tơdăm kư̆m lei-lăi.

Ya 4:4

Iĕm pơm thoi noh, thoi lĕ kơ bơngai drŏ-kăn kơđang kơ̆l ako klo sư, na jing 'mêm kơ bơngai mă ayăt kơ klo sư dơ̆ng. Iĕm ưh tam băt ôh hă, dah iĕm 'mêm kơ tơdrong ala teh iĕm dang ayăt kơ 'Bok Kei-Dei? Thoi noh bơngai bu oei 'mêm kơ tơdrong ala teh, bơngai noh ayăt kơ 'Bok Kei-Dei boih.

Jôsuê 23:7

Lê̆ kơ mơ̆t hơdai hăm lu adrĕch adrung âu, mă oei oei hơdai hăm lu iĕm, lê̆ kơ pao anăn yang lu sư păng lê̆ kơ yua anăn yang lu sư pơkă pơkăm lê̆ kơ bơ̆jang păng lê̆ kơ drap kơkuh kơ yang noh.