Je 5:6 - Sơ̆p Hlabơar Nơ̆r 'Bok Kei-Dei

⁶ Lei na dăm-brang lĕch đơ̆ng bri năm châu sa lu sư, kŏ-so đơ̆ng char glă gô kăp pơlôch lu sư, djrang oei răp tơ 'nguaih kơ pơlei ti wă châu hek sa lu đe bu mă lĕch tơ 'nguaih pơlei, yua kơ tơdrong yoch lu sư lơ dêh, tơdrong kơnê̆ lu sư lơlap.

Je 5:6 Iomraidhean Croise

II Ho 36:14

Hloh kơ noh dơ̆ng, lu đei 'bok soi păng lu kon pơlei rai kiơ̆ lu tơdrong kơnê̆ 'mê̆ brư̆ thoi lu bơngai tơmoi lăm dêh char jum dăr lu sư, pơm pơ'mê̆ kơ hnam Kră Yang mă Sư đei rơih iŏk 'măn lê̆ rơgoh lăm pơlei Jêrusalem.

Esơra 10:10

Đơ̆ng noh, Esơra, 'bok soi, sư iung păng khan kơ đĭ-đăng bơngai: Lu iĕm đei pơm yoch, iŏk oei kơ lu drŏ-kăn tơmoi, tơdrong yoch 'nâu pơthim lơ tơdrong yoch kơ bơngai Isơrael.

Esơra 9:6

na krao apinh thoi âu: “Ơ, Kră Yang 'Bok Kei-Dei inh! Inh kơdơ̆ mơlâu dêh, ưh kơ pơ̆n ngơk lăng muh măt tơ Ih, Ih boih Kră Yang 'Bok Kei-Dei inh; yua kơ tơdrong yoch kơnê̆ lu nhôn pơm kơjung hloh kơ kơ̆l lu nhôn păng tơdrong yoch lu nhôn pơm kơjung truh tơ plĕnh.

Jop 10:16

Tơdah inh pơang, Ih gô druh prah inh thoi dăm-brang, Ih gô pơm mơsêh hlĭch chrơp wă pơrăm inh.

Horiso 104:20

Ih pơjing măng mu, noh jô̆ kơmăng; Kơplah noh đĭ lu sem bri lĕch;

Horiso 80:13

Lê̆ hơke chưk sa păng lu kon sem bri sa sư,

Êsai 1:23

Lu yŏng pơgơ̆r iĕm tă kơ blơ̆ blĕch ngăl, pơm buăl hăm lu bơngai tơtông, rim 'nu lu sư tă kơ 'maih chă pơgâm sa tơmam, 'maih druh kiơ̆ mŭk tơmam đe ăn, ưh kơ dŏng tơgŭm lu bơngai mơti, pă 'maih lăng dŏng tơgŭm lu drŏ-kăn adro.

Êsai 59:12

Tơdrong yoch lu nhôn pơm rai lơ 'bơ̆t anăp Ih. Tơdrong yoch lu nhôn roi pơdah, ayăt hăm lu nhôn. Tơdrong yoch kơnê̆ lu nhôn oei oei hăm lu nhôn, păng lu nhôn băt tơdrong yoch kơnê̆ lu nhôn.

Je 14:7

Ơ Kră Yang mă khan tơdrong kơnê̆ lu nhôn plơ̆ tơbăt kơ lu nhôn, apinh Ih tơgŭm nhôn yua kơ anăn Ih! Tơpă lu nhôn pơm kơnê̆ tih dêh; lu nhôn pơm yoch hăm Ih boih.

Je 2:15

Dăm-brang ôr grĕnh, hơnganh bruh tơ sư. Pơm ăn kơ teh đak sư jing juơ. Lu pơlei tih sư đe soh pơrăm ưh pă đei bơngai oei.

Je 2:17

Hăm trŏ lu iĕm pŭ iŏk kơdih dôm tơdrong noh, yua kơ iĕm achăng Kră Yang 'Bok Kei-Dei iĕm kơplah Sư oei chông iĕm rok trong sơ̆?

Je 2:19

Tơdrong yoch iĕm gô phak bơtho iĕm, tơdrong ih achăng Kră Yang gô chrih kơ iĕm. Athei băt nhen. Achăng lê̆ Kră Yang 'Bok Kei-Dei ih păng ưh pă băt hli yom kơ Inh, noh boih minh tơdrong kơnê̆ tơpă păng răm dêh.” Kră Yang Tih Hloh khan thoi noh.

Je 2:31

Ơ lu iĕm lăm jơhnơr 'nâu mơ̆ng bĕ nơ̆r Kră Yang khan: “Inh hăm trŏ kơ char glă dah teh đak măng mu kơ bơngai Isơrael? Lei na liơ kon pơlei Inh khan: ‘Lu nhôn rơngei boih, lu nhôn ưh pă wă năm tơ Ih dơ̆ng.’

Je 25:38

Thoi dăm-brang sư lĕch boih đơ̆ng anih sư. Teh đak lu sư gô jing juơ, yua kơ đao gưm han tơpă pơm kơ lu sư. Păng yua kơ tơdrong Kră Yang hil mĭl.

Je 30:14

Bơngai mă pơgơ̆p hăm iĕm hiơt kơ iĕm boih, lu sư ưh pă hiơ̆k kơ iĕm boih, Inh teh iĕm rơka thoi lu ayăt teh. Inh teh phak lu iĕm kư̆m thoi lu bơngai kơnê̆ phak, Yua kơ tơdrong kơnê̆ iĕm trăp tơpă, tơdrong yoch iĕm lơ dêh.

Je 30:15

Liơ iĕm oei ôr krao yua kơ rơka iĕm? Tơdrong jĭ iĕm hơmet pă gơh klaih boih. Yua kơ tơdrong kơnê̆ iĕm trăp dêh, tơdrong yoch iĕm lơ dêh; noh Inh pơm kơ iĕm.

Je 30:24

Kră Yang hil ưh kơ ngach dĭng mă truh tơ Sư pơm keh dôm tơdrong mă Sư wă pơm. Lăm năr tôch kơnh, lu iĕm gô băt hlôh hơđăl tơdrong 'nâu.”

Je 4:7

Dăm-brang lĕch boih đơ̆ng anih sư, lu bơngai chă pơrăm dêh char đe, pơtơm lĕch đơ̆ng anih lu sư boih wă pơrăm pơm ăn kơ teh âu jing bri brah, Lu pơlei tih iĕm jing juơ, pă đei bơngai oei.

Je 49:19

'Nâu, thoi dăm-brang đơ̆ng bri brah Krong Jôrđăn năm mơ̆t lăm tơmăn 'nhĕt hơdrih 'lơ̆ng, Inh gô puh hloi lu bơngai Êđôm, Inh gô ăn yŏng pơgơ̆r sư kiơ̆ kơ Inh rơih iŏk, Bu thoi Inh? Bu pơ̆n athei Inh? Bơngai wei triu bu pơ̆n blah Inh?

Je 8:5

Lei liơ kon pơlei âu jrok hloi? Liơ kon pơlei Jêrusalem wơ̆l jrok ling-lang? Lu sư rôp kơjăp tơdrong hơlĕnh, sơngah kuă kơ wih brŏk.

Je 8:7

Klang kok tơ rơwơ̆ng kư̆m băt kơ bơyan, păng sem kơtơp, sem pleng păng sem chơgơi, kư̆m băt kơ khei 'năr brŏk; mă-lei kon pơlei pơla Inh ưh kơ băt ôh khôi juăt Kră Yang.

Nhom 1:5

Bơngai ayăt kơ sư jing yŏng, bơngai blah sư jing pŭn hiôk; Yua kơ 'Bok Kei-Dei pơmat sư, yua kơ tơdrong yoch sư lơ dêh. Lu kon hơ'lơ̆p sư lu ayăt rôp pơm bơnă.

Êsêkiên 16:25

Tơ rim kơ̆l trong tih ih đei pơjing anih kơjung kơ ih, hăm lăng ưh kơ gĭt tơdrong 'lơ̆ng hơbŏ ih, tĕch mơdro akâu ih tơ noh, pơyơ̆r akâu kơ lu bơngai yak brih găn pơm kư̆ kă.

Êsêkiên 22:27

Lu yŏng pơgơ̆r oei lăm lu sư nhen thoi kŏ-so kăp sa sem bri, pơm tuh pham pơlôch bơngai, wă tơgar iŏk tơmam.

Êsêkiên 23:19

Mă-lei sư kư̆m rai pơm đi kơnê̆ hloh, 'blŏk kơplah sư oei adruh mơlôh pơm đi ngôi kư̆ kă lăm char Êyiptơ.

Da 7:4

Sem brem mă adrol noh hơbŏ thoi dăm-brang păng đei pơnăr sem kring; inh lăng pơnhen dĭng truh tơ pơnăr sư tơbuch, na đe dui hơtŏk sư đơ̆ng teh, sư iung dang dơ̆ng năm 'bar pah jơ̆ng thoi kon bơngai bơ̆n păng kư̆m ăn kơ sư đei jơhngơ̆m kon bơngai.

Da 7:6

Đơ̆ng rŏng kơ noh, inh lăng, đei 'bôh dơ̆ng kon sem brem plơ̆ng hơbŏ thoi djrang, tơ kơpal rŏng sư đei puăn tŏ pơnăr thoi pơnăr sem. Sem brem noh đei puăn tŏ kơ̆l păng ăn kơ sư gơh pơgơ̆r.

Hôsia 5:14

Inh gô jing thoi dăm-brang kơ lu bơngai Êphraim, thoi kon dăm-brang kơ bơngai Juđa. Inh boih gô kăp hek lu sư, na yak hloi tơ nai. Inh gô chông ba, ưh kơ đei bu gơh plah dŏng lu sư ôh.

Habakuk 1:8

Lu linh aseh sư kơdâu hơbal hloh kơ djrang păng nuih hloh kơ kŏ-so tơ kơmăng. Lu linh aseh sư năm tơ jơ̆p-jang anih hơbĕch hơbal truh đơ̆ng dêh ataih; lu păr hrĕnh thoi sem kring, hăt hot kơ chă sa.

Jêphania 3:3

Lu kuan tih mă oei pơgơ̆r lu sư thoi dăm-brang hơrum, lu kră sek tơlang lu sư thoi kŏ-so sa pơgoh kơmăng, ưh kơ đei 'măn lê̆ kơ pơgê dơning.

Jo 32:14

'Nâu lu iĕm iung tơplih kơ 'bă lu iĕm, adrĕch bơngai kơnê̆ yoch, wă kơ rai pơthim tơdrong Kră Yang hil mĭl kơ lu adrĕch Isơrael dơ̆ng.

Tơdrông Tơ'bôh 13:2

Sem ei lăng hơbŏ sư thoi kla djrang, jơ̆ng sư thoi jơ̆ng chơgơu. 'Bơ̆r sư thoi 'bơ̆r dăm-brang. Na yă-grai ei pơm ăn kơ sem noh jing pran kơtang păng ăn kơ sem noh oei tơ tang-dŏ sư, pơm 'bok pơgơ̆r jơ̆p-jang kơ teh đak.