Je 5:2 - Sơ̆p Hlabơar Nơ̆r 'Bok Kei-Dei

² Mă lu sư khan: Tơpă thoi Kră Yang arih sĭt.” Noh kư̆m pơkă hơlĕnh.

Je 5:2 Iomraidhean Croise

Êsai 48:1

Mơ̆ng bĕ nơ̆r 'nâu ơ adrĕch Jakôp mă đe krao anăn Isơrael, lĕch đơ̆ng tơm 'bok Juđa, lu bơngai pơkă hăm anăn Kră Yang, krao chă Kră Yang 'Bok Kei-Dei Isơrael. Mă-lei lăm jơhngơ̆m ưh kơ đei tơpăt păng ưh kơ kiơ̆ tơpă.

Je 4:2

Tơdah iĕm pơkă sĭt hăm tơdrong tơpăt hơnơ̆ng, tơdrong trŏ thoi Kră Yang arih sĭt lei teh đak gô đei pŭn hiôk đơ̆ng Sư, Păng lu sư gô ư-ang kơ Kră Yang,”

Je 44:26

Mă-lei, ơ đĭ-đăng bơngai Juđa hrei âu oei oei lăm dêh char Êyiptơ, mơ̆ng bĕ nơ̆r Kră Yang, khan: ‘'Nâu Inh yua anăn mơsêh tih Inh na pơkă, lăm dêh char Êyiptơ gô ưh pă đei minh 'nu bơngai Juđa ayơ mă gơh ha 'bơ̆r krao apinh anăn Inh dơ̆ng: Sĭt tơpă thoi Kră Yang arih!’

Je 7:9

Hăm trŏ lu iĕm tơtông, pơlôch bơngai, pơm pơyô kư̆ kă, pơkă hơlĕnh, soh 'long 'bâu phu kơ yang Baal, kiơ̆ yang nai mă iĕm ưh kơ băt

Je 9:2

Ô! Rŏ kơ inh đei minh anih pơm anih pơdơh lăm char glă, thoi anih kơ lu bơngai tơmoi drong găn, wă kơ inh gơh weh lê̆ ataih păng achăng lê̆ kon pơlei inh; Yua kơ lu sư pơm pơyô kư̆ kă, minh khŭl bơngai hơlĕnh pơdăr.

Hôsia 10:4

Lu sư chă pơma pơkă pơkăm hơlĕnh lăm nơ̆r pơgơ̆p, Thoi noh tơdrong lu sư. Jing thoi 'nhĕt kơnê̆ hơkăm chăt rok trong đêl choh lăm chŭn.

Hôsia 4:15

Ơ bơngai Isơrael, ih pơm pơyô kư̆ kă dêh, ơ bơngai Juđa kơchăng bĕ 'nĕ kơ pơm yoch thoi sư, 'nĕ kơ mơ̆t tơ anih Gilgal, kư̆m 'nĕ tŏk tơ pơlei Bêt Awen; 'nĕ pơkă hiap kơdih akâu khan. Tơpă mă thoi Kră Yang arih.

Lêwi 19:12

Lu iĕm 'nĕ kơ yua anăn Inh na pơkă hơlĕnh, yua kơ ih pơm kơnê̆ kơ Kră Yang 'Bok Kei-Dei ih, Inh boih Kră Yang.

Jêphania 1:5

Inh gô pơlôch lu bơngai kơkuh kơ tơmam kơpal plĕnh tơ bơbŭng hnam; păng lu bơngai đei pơkă pơkăm hăm Kră Yang păng kư̆m đei pơkă pơkăm dơ̆ng hăm lu pơtao lu sư kơdih;

Malachi 3:5

“Inh gô năm jê̆ lu iĕm wă kơ sek tơlang păng Inh gô pơm tơ'bôh wă blơ̆ lu bơngai pơm kơnê̆, lu bơngai pơm pơyô kư̆ kă, lu bơngai hơlĕnh pơdăr, lu bơngai pơgâm sa jên lu bơngai jang mưng, pơjuă lu bơngai hơdro-po păng lu bơngai mơti, lu bơngai mă pơrăm lu bơngai tơmoi păng lu bơngai mă kuă kơkuh păng hli yom kơ Inh,” mă Kră Yang Tih Hloh khan thoi noh.

I Tim 1:10

lu bơngai ngôi pơyô kư̆ kă, lu bơngai tơduă drŏ-nglo tơngôi băl, lu bơngai chă rôp tĕch đe, lu bơngai chă hơlĕnh kơ đe, lu bơngai jâu pơlơ̆m kơ đe, hăm dôm lu bơngai hŭt lê̆ tơdrong 'lơ̆ng tơpăt.

II Tim 3:5

Lu sư mơ'nah pơm thoi bơngai lui mơ̆n mă-lei sư ưh kơ lui tơpă ôh. Sư ưh kơ băt kơ 'Bok Kei-Dei pơklaih bơ̆n ăn kơ bơ̆n jing bơngai 'lơ̆ng tơpăt păng jang tơdrong Sư pran kơtang. Ih athei weh ataih đơ̆ng lu bơngai 'noh.

Tit 1:16

Lu bơngai bơtho hơ'mon tơdrong bơngai Juđê 'noh sư khan sư lui kơ 'Bok Kei-Dei boih mă-lei sư ưh kơ kiơ̆ tơdrong 'Bok Kei-Dei wă. Đon lu sư thoi noh, bơ̆n băt lu sư tam mă lui tơpă. 'Bok Kei-Dei ưh kơ lăp đon kơ tơdrong lu sư pơm ôh. Lu sư bơngai kơnê̆ krưp ưh kơ chu. Lu sư ưh kơ đei pơm minh tơdrong kiơ 'lơ̆ng thoi yơ.