Je 5:13 - Sơ̆p Hlabơar Nơ̆r 'Bok Kei-Dei

¹³ Lu bơngai khan lê̆ adrol hơlĕnh thoi kial. Lu sư ưh pă đei nơ̆r Kră Yang wă khan lê̆ adrol dơ̆ng, tơdrong lu sư pơma lê̆ 'bơm lu sư.”

Je 5:13 Iomraidhean Croise

II Ho 36:16

Mă-lei lu sư hiap lu bơngai đơ̆ng Kră Yang 'Bok Kei-Dei, ưh kơ wă mơ̆ng pơdê nơ̆r Kră Yang 'Bok Kei-Dei, pơjăm lu bơngai khan lê̆ adrol Kră Yang dĭng mah Kră Yang hil mĭl phak kon pơlei Sư, ưh pă gơh hơmet ming liơ.

Jop 6:26

Lu iĕm tơchĕng gơh chrih bơtho inh, nơ̆r liơ? Kơplah lu iĕm lăng nơ̆r inh pơma gah tơdrong pơmat-tat thoi kial tơthu.

Jop 8:2

“Ih oei pơma thoi noh dĭng dang yơ? Nơ̆r pơma đơ̆ng lăm 'bơ̆r ih thoi kial hơbŭt.

Tơdrông Pơđơk 25:14

Bơngai bu pơkă wă ăn tơmam, Mă-lei ưh kơ đei ăn. Thoi hơmơ̆l 'mi đei kial jor kơ 'mi dơ̆ng.

Êsai 41:29

Tơpă đĭ-đăng lu sư jơ̆ tơdrong kơ đei, tơdrong jang lu sư jing pă yua, rup lu sư man, dang kial 'biao pă đei.

Je 14:13

Inh khan: “Ơ Kră Yang Tih Hloh, lu bơngai khan lê̆ adrol ling-lang khan kơ lu sư, ‘Lu iĕm ưh kơ đei 'bôh đao gưm, kư̆m huay kơ đei pơngot rơwĕt truh mơ̆n, Inh gô ăn kơ lu iĕm đei rơnŭk rơnua ling-lang lăm dêh char âu.’ ”

Je 14:15

Thoi noh Kră Yang khan: “Gah lu bơngai mă khan lê̆ adrol hơlĕnh, lu sư yua anăn Inh na khan lê̆ adrol Inh ưh kơ đei wơh, mă-lei lu sư khan. ‘Đao gưm hăm pơngot rơwĕt ưh kơ truh tơ dêh char âu ôh.’ Lu bơngai khan lê̆ adrol noh boih gô lôch kơ đao gưm păng pơngot rơwĕt.

Je 18:18

Na lu sư khan: “Năm bĕ, chă đon blah Jêrêmi. Yua kơ bơ̆n oei đei 'bok soi bơtho khôi juăt oei đei lu bơngai hơgei, chă pơđâu, oei đei lu bơngai khan lê̆ adrol bơtho nơ̆r Kră Yang kơ lu bơ̆n. Bĕ bơ̆n chă sư pơma glăi păng 'nĕ pă mơ̆ng nơ̆r sư pơma kiơ kiơ.”

Je 22:22

Kial gô puh pơđông lê̆ đĭ-đăng lu bơngai wei triu ih, păng lu bơngai mă pơgơ̆p hăm ih gô jing bơnă, kơplah noh ih gô mơlâu păng hlơ̆l lĕm, yua kơ tơdrong kơnê̆ đêl ih pơm boih.

Je 28:3

Lăm 'bar sơnăm đơ̆ng rŏng, dôm tơmam gĭt lăm hnam Kră Yang mă đêl Nebukatnessar pơtao Babilôn iŏk đơ̆ng anih âu ba tơ char Babilôn, na Inh gô iŏk pơdrâu tơ anih âu.’ ”

Je 43:2

Asaria kon drŏ-nglo Hôsaia păng Jôhanan kon drŏ-nglo Karea păng đĭ-đăng lu bơngai drŏ-nglo pơang khan kơ Jêrêmi: “Ih hơlĕnh! Kră Yang 'Bok Kei-Dei lu nhôn ưh kơ đei layơ athei ih năm roi ăn kơ lu nhôn. ‘Lu iĕm 'nĕ kơ năm jur oei tơ dêh char Êyiptơ.’

Hôsia 9:7

Năr wă phak lu sư truh boih, năr wă pơm 'mong lu sư truh boih! Ăn kơ lu bơngai Isơrael athei băt tơdrong noh. Yua kơ tơdrong yoch iĕm tih dêh, Păng tơdrong lu iĕm hil mĭl kư̆m tih dêh, Iĕm lăng lu bơngai khan lê̆ adrol thoi bơngai kơhlôh kơwao, thoi bơngai yang mơ̆t jing wơnh,