Je 48:9 - Sơ̆p Hlabơar Nơ̆r 'Bok Kei-Dei

⁹ Prôi bĕ 'boh kơ char Môap yua kơ sư gô răm đĭ; lu pơlei gô juơ rơhiăng, ưh pă đei bơngai oei.

Je 48:9 Iomraidhean Croise

Horiso 11:1

Inh gơnang kơ Kră Yang; Liơ Ih khan kơ inh: “Athei tŏk ôn tơ kông thoi sem?

Horiso 55:6

Inh khan: “Ơ rŏ kơ inh đei pơnăr thoi sem kơtơp, na gô păr pơdơh tơ anih nai.

Êsai 16:2

Lu drŏ-kăn Môap tơ tơnŏk đak krong Arnôn gô đông nhen thoi sem păr tơklah tơklang, păng nhen thoi hơnar sem đe yuih lê̆ tơpu.

Je 44:22

Kră Yang ưh kơ kĕ ĕnh boih tơdrong kơnê̆ lu iĕm, tơdrong 'mê̆ krưp lu iĕm pơm, na teh đak lu iĕm jing juơ, pŭ hơngiap, blei hiap, ưh kơ đei bu oei truh tơ năr 'nâu.

Je 46:19

Hơmet bĕ lu tơmam yua năm pơm bơnă. Ơ lu bơngai oei lăm dêh char Êyiptơ, Yua kơ pơlei Memphis gô jing juơ; đe gô soh pơrăm, ưh pă đei bơngai oei.

Je 48:28

Ơ kon pơlei oei lăm char Môap, weh bĕ đơ̆ng pơlei tih, năm oei tơ lăm hơgơp tơmo thoi sem pơgâm 'nơ̆m pơm tơpu lăm trôm kông.

Jêphania 2:9

Thoi noh Kră Yang Tih Hloh, wă khan Kră Yang 'Bok Kei-Dei kơ bơngai Isơrael khan: “Tơpă thoi Inh oei arih, tơpă Môap gô thoi Sôđôm păng lu kon sâu Ammôn nhen thoi Gômôrơ, jing minh anih 'bĕnh kơ jơla, minh pôm sơlŭng 'boh, minh anih juơ ling-lang hloi, lu kon pơlei Inh mă oei arih răi gô tơgar rôp iŏk lu sư, gah tơmam kon pơlei mă oei oăi gô jing tơmam lu sư iŏk yua.”

Tơdrông Tơ'bôh 12:14

Mă-lei 'Bok Kei-Dei ăn kơ bơngai drŏ-kăn ei minh blah ao pơnăr klang tih, wă kơ sư gơh păr jăk tơ anih kueng chơngue, tơ anih mă 'Bok Kei-Dei gô hiĕm 'me sư kơplah pêng sơnăm minh puăt. Na yă-grai ei sư tôch đon ưh kơ gơh pơm kiơ kơ sư.