Je 47:5 - Sơ̆p Hlabơar Nơ̆r 'Bok Kei-Dei

⁵ Kon pơlei Gasa sơ'ngon gô hơkôih sŏk kơ̆l; kon pơlei Askalon ngăn đĭ, Ơ lu kon pơlei Anakim mă oei oei lăm tơmăn dơnă, lu iĕm wă raih chrek akâu iĕm dĭng dang yơ?

Je 47:5 Iomraidhean Croise

I Pot 18:28

Kơtơ̆ng lei lu sư krao ôr rai rơ̆n, iŏk đao tơju raih akâu lu sư kơdih pham lĕch djrông djrang mang.

Êsai 15:2

Lu bơngai Dibôn tŏk tơ groi; lu sư năm tŏk tơ anih kơjung kơkuh kơ yang wă hmoi; kon pơlei Môap nhơ̆m hmoi ơh yua kơ kông Nêbô păng pơlei Mêdêba, lu sư yuă sŏk 'ngôch ngăl, sŏk kang lu sư hơkôih đĭ.

Je 16:1

Kră Yang khan kơ inh:

Je 16:6

“Đĭ bơngai pơm tih păng bơngai hmă gô lôch lăm teh đak âu. Ưh kơ đei bu 'bŭ păng kư̆m ưh kơ đei bu nhơ̆m hmoi kơ lu sư. Ưh kơ đei bu raih akâu dah yuă sŏk yua kơ lu sư.

Je 25:20

Păng đĭ-đăng kơ lu tơmoi lăm char noh lu pơtao char Us, ăn kơ lu pơtao char Philistin, lăm noh đei pơlei Askalon, pơlei Gasa, Ekrôn păng lu bơngai mă oei arih lăm pơlei Asdôt.

Je 41:5

đei tơhngam-jĭt 'nu bơngai drŏ-nglo hơkôih sŏk kang hek hơbĕn ao, raih akâu lu sư kơdih hăm săng, lu sư năm đơ̆ng pơlei Sichem, Silô păng Samari, chĕp ba lu tơmam phe 'ba păng lu tơmam 'bâu phu wă năm pơyơ̆r tơ hnam Kră Yang.

Je 47:1

'Nâu nơ̆r Kră Yang khan kơ Jêrêmi bơngai khan lê̆ adrol gah bơngai Philistin adrol kơ Pharaôn wă blah Gasa.

Je 47:4

Yua kơ năr truh boih, wă pơrăm đĭ-đăng bơngai Philistin, wă pơrăm pơlôch lu bơngai mă oei oei. Ưh kơ gơh tơgŭm kon pơlei Tirơ, păng kon pơlei Siđôn. Kră Yang gô pơlôch pơrăm bơngai Philistin lu bơngai mă oei oei lăm bŏl đak Kaptôr.

Je 48:37

Rim 'nu hơkôih boih kơ̆l 'ngôch, hơkôih boih sŏk kang, raih chrek ti rơka, tơ̆n ao 'bi tơ kơiĕng.

Êsêkiên 25:16

Kră Yang khan: Yua kơ thoi noh na Inh gô yơ̆r ti phak Philistin; Inh gô tơhiong đĭ bơngai Kôrêthit; păng gô pơlôch đĭ lu bơngai mă oei arih tơter đak dơsĭ.

Êsêkiên 7:18

Lu sư gô hrŭk ao 'bi păng đei tơdrong hli krưp gom lu sư thoi ao. Rim kơ muh măt lu sư hơ'nhŭk oei mơlâu. Lu sư hơkôih kơ̆l 'ngôch đĭ yua kơ sơ'ngon.

Lêwi 19:28

Kơplah bơngai lôch iĕm 'nĕ kơ 'bet akâu, 'nĕ kơ chhơ̆ săm akâu iĕm, Inh boih Kră Yang.

Lêwi 21:5

Lu 'bok soi ưh kơ gơh hơkôih sŏk kơ̆l pơm kơ sư jing kơ̆l 'ngôch, 'nĕ kơ hơkôih sŏk kang sư kơdih kư̆m 'nĕ kơ 'bet akâu sư kơdih mơ̆n.

Mi 1:16

Inh athei hơkôih lê̆ sŏk ih yuă jing 'ngôch kơ kon sâu mă ih kơeng; hơkôih bĕ kơ̆l 'ngôch thoi sem grơ̆, yua kơ lu kon hơ'lơ̆p gô tơklah đơ̆ng ih lu sư gô pơm bơnă.

Markôs 5:5

Mă kơmăng, mă kơ'năr, sư oei tơ bơsat, phŏ tơ kông, sư ling-lang tơkĕch păng iŏk tơmo tôn akâu sư kơdih.

Both 14:1

Lu iĕm jing kon Kră Yang 'Bok Kei-Dei lu iĕm, dah đei bơngai lôch 'nĕ kơ 'bet akâu kơdih, dah hơkôih sŏk klĕng;

Lu 1:18

Bơngai Juđa kư̆m blah iŏk pơlei Gasa hăm anih teh mă sư pơgơ̆r pơlei Askalon hăm anih teh mă sư pơgơ̆r păng pơlei Ekrôn hăm anih teh mă sư pơgơ̆r.