Je 44:10 - Sơ̆p Hlabơar Nơ̆r 'Bok Kei-Dei

¹⁰ Dĭng truh tơ năr 'nâu lu sư ưh kơ wă chu tơbral, ưh kơ hli yom, ưh kơ wă arih kiơ̆ khôi juăt păng tơdrong juăt Inh mă đei ăn boih kơ lu iĕm hăm lu 'bok yă lu iĕm.”

Je 44:10 Iomraidhean Croise

I Pot 21:29

“Ih hăm 'bôh Ahap tơjur akâu iŏk đon ala 'bơ̆t anăp Inh ưh? Yua kơ sư tơjur akâu iŏk đon ala 'bơ̆t anăp Inh, na Inh ưh kơ ăn tơdrong pơmat truh, 'bơ̆t chăl sư 'nâu ôh; mă-lei lăm chăl kon drŏ-nglo sư Inh gô ăn tơdrong gleh truh kơ hnam sư.”

II Pot 22:19

Yua kơ ih đei jơhngơ̆m tơbral bơih, băt tơjur akâu kơdih 'bơ̆t anăp Kră Yang 'bơ̆t ih kơtơ̆ng Inh pơma hil kơ teh 'nâu hăm kon pơlei lăm noh, dĭng lu sư jing juơ rơhiăng, kon pơlei sư pŭ hiap pơtê̆, mă-lei yua kơ ih hek ao, păng nhơ̆m hơdrĭ 'bơ̆t anăp Inh; yua kơ noh inh kư̆m kơtơ̆ng nơ̆r ih bơih.

II Ho 32:26

Na Hesekia kư̆m wih tơjur akâu sư păng tơbral, kon pơlei Jêrusalem kư̆m lei-lăi, na lăm chăl Hesekia tơdrong Kră Yang hil mĭl ưh kơ đei truh tơ lu sư dơ̆ng.

II Ho 33:12

Kơplah sư đei tơdrong gleh truh pơmat-tat, na sư krao apinh Kră Yang 'Bok Kei-Dei sư păng tơjur akâu tơbral tơpă 'bơ̆t anăp Kră Yang 'Bok Kei-Dei lu 'bok sư.

II Ho 33:19

Nơ̆r sư krao apinh Kră Yang 'Bok Kei-Dei đei tơl tơwih ăn kơ sư thoi yơ, dôm lu tơdrong yoch kơnê̆ mă sư đei pơm, lu anih kơjung mă sư đei pơm, man rup yang Asêria păng traih rup yang adrol kơ sư tam mă tơbral tơjur akâu sư, âu đei chih răk đĭ tơ lăm sơ̆p hla bơar Hôsai.

II Ho 34:27

‘Yua kơ ih đei jơhngơ̆m rơmuăn tơjur akâu kơdih 'bơ̆t anăp Kră Yang 'Bok Kei-Dei wă ih kơtơ̆ng nơ̆r Sư khan wă hil phak anih 'nâu păng kơ kon pơlei oei lăm âu, ih tơjur boih akâu 'bơ̆t anăp Inh, hek ao păng nhơ̆m hmoi 'bơ̆t anăp Inh, Inh kư̆m kơtơ̆ng boih nơ̆r ih,’ Kră Yang khan.

Horiso 34:18

Kră Yang oei jê̆ lu bơngai đei chhŭr nuih, Păng dŏng pơklaih lu bơhngol mă sơ'ngon kơ tơdrong yoch

Horiso 51:17

Tơdrong pơm Yang lăp đon Kră Yang 'Bok Kei-Dei noh jơ̆ jơhngơ̆m pơchah. Ơ Kră Yang 'Bok Kei-Dei! Jơhngơ̆m tơbral pơchah Ih kư̆m ưh kơ pơdê.

Horiso 78:10

Lu sư ưh kơ wei răk nơ̆r pơgơ̆p hăm Kră Yang 'Bok Kei-Dei, Hơngah ưh kơ chu arih kiơ̆ khôi juăt Sư.

Le 10:3

Môis păng Arôn năm hloi tơ Pharaôn păng khan kơ sư: Kră Yang 'Bok Kei-Dei kon pơlei Hêbrơ, đei khan thoi âu: Ih ưh kơ chu drap kơkuh 'bơ̆t anăp Inh dĭng truh dang yơ? Achăng bĕ lê̆ kon pơlei Inh năm, wă kơ lu sư năm kơkuh kơ Inh.

Le 9:17

Tơdah ih oei pơang wă pơgăn, ưh kơ ăn kon pơlei inh năm,

Le 9:30

Mă-lei inh băt kơ ih păng lu bơngai bơ̆jang kơ ih ưh tam mă hli yom kơ Kră Yang 'Bok Kei-Dei 'mơ̆i.

Tơdrông Pơđơk 14:16

Bơngai hơgei đei đon hli păng weh ataih đơ̆ng tơdrong yoch. Mă-lei bơngai kơwao rai pơang kang ưh kơchăng.

Tơdrông Pơđơk 16:6

Đơ̆ng 'mêm băt sĭt tơdrong yoch gơh klaih; Đơ̆ng hli yom kơ Kră Yang na gơh weh đơ̆ng tơdrong kơnê̆.

Tơdrông Pơđơk 28:14

Bơngai bu băt hli yom kơ Kră Yang gô đei pŭn hiôk; Bơngai bu ưh kơ chu arăng kơ̆l gô răm.

Tơdrông Pơđơk 8:13

Băt hli yom kơ Kră Yang jing areh kơ tơdrong kơnê̆, Inh areh kơ tơdrong pơrŏ, pơang tơdrong pơma kơnê̆, ưh kơ tơpăt.

Êsai 42:24

Bu jao lê̆ Jakôp ăn đe plah iŏk, păng lê̆ lu bơngai Isơrael ăn kơ đe tơtông? Ưh kơ trŏ Kră Yang Tơ'ngla mă lu bơ̆n pơm yoch hăm Sư hă? Lu sư ưh kơ wă yak kiơ̆ trong Kră Yang păng ưh kơ wei răk khôi juăt Sư?

Êsai 57:15

Yua kơ Tơ'ngla Tih Hloh kơ đĭ-đăng, Tơ'ngla oei đei ling-lang. Anăn Sư Kră Yang 'Lơ̆ng Rơgoh, đei khan thoi âu: “Inh oei tơ anih kơpal hloh păng 'Lơ̆ng Rơgoh. Mă-lei kư̆m oei hơdai hăm bơngai đei jơhngơ̆m sơ'ngon tơbral tơdrong yoch, wă tơiung ming jơhngơ̆m lu bơngai băt tơjur akâu, wă pơlung jơhngơ̆m lu bơngai băt sơ'ngon kơdih yoch.

Êsai 66:2

Dôm tơmam 'nâu tă kơ đơ̆ng ti Inh pơm ngăl, thoi noh đĭ-đăng tơmam gơh đei.” Kră Yang khan thoi noh. “'Nâu đei bơngai mă Inh lăng gĭt: Bơngai iơ̆m dim, đei jơhngơ̆m băt tơbral, păng hli tơtey kơtơ̆ng nơ̆r inh pơma.

Je 10:7

Bu mă ưh kơ hli yom kơ Ih, ơ Pơtao kơ đĭ-đăng dêh char! Ih trŏ tơpă thoi noh, lăm đĭ-đăng lu bơngai hơgei rim adrĕch adrung kon bơngai, lăm jơ̆p-jang kơ dêh char, ưh kơ đei bu thoi Ih.

Je 26:4

Ih athei khan kơ lu sư: Kră Yang khan thoi âu: ‘Tơdah iĕm kuă kơ mơ̆ng nơ̆r Inh păng kuă kơ kiơ̆ tơdrong juăt Inh đei ăn boih kơ lu iĕm;

Je 32:23

Lu sư iŏk boih teh đak âu jang sa mă-lei ưh kơ chu kiơ̆ nơ̆r Ih, ưh kơ arih kiơ̆ tơdrong juăt Ih păng ưh kơ pơm dôm tơdrong kiơ mă Ih đei bơtho tơtă wă kơ pơm. Yua kơ thoi noh na Ih đei ăn tơdrong gleh âu truh tơ lu sư.

Je 36:24

Pơtao păng lu 'bok pơgơ̆r kơtơ̆ng dôm nơ̆r noh, mă-lei ưh kơ hli ưh kơ hek ao lu sư kơdih.

Je 44:23

Noh yua kơ đơ̆ng lu iĕm soh nhang kơ yang nai, pơm kơnê̆ blah Kră Yang, yua kơ đơ̆ng lu iĕm ưh kơ wă mơ̆ng kiơ̆ nơ̆r Kră Yang, ưh kơ kiơ̆ khôi juăt, tơdrong juăt păng ưh kơ wă chu kiơ̆ nơ̆r Sư bơtho khan, lei na đei tơdrong gleh truh kơ lu iĕm, thoi năr 'nâu.”

Je 5:3

Ơ Kră Yang! Hăm trŏ kơ măt Ih chă lăng jơhngơ̆m tơpăt sĭt? Ih teh boih lu sư, lu sư ưh kơ băt jĭ, ih pơrăm lu sư boih, mă-lei lu sư oei kơchu kơ tơdrong Ih teh bơtho noh. Lu sư pơrơ̆ng pơm kơ muh măt lu sư arăng hơrăk thoi tơmo. Lu sư ưh kơ wă tơbral tơdrong yoch.

Je 6:15

Lu sư pơm yoch kơnê̆ dêh hăm mơlâu ưh? Lu sư ưh kơ đei mơlâu ôh, muh măt lu sư ưh kơ đei layơ đum rak mơlâu. Kŭm ưh kơ băt mơlâu noh kiơ. Lei na lu sư gô pơ̆k hơdai hăm lu bơngai mă pơ̆k huŏng; truh năr Inh phak pơmat lu sư, lu sư gô hraih đang.” Kră Yang khan thoi noh.

Je 8:12

“Trŏ kơ lu sư mơlâu pơm tơdrong kơnê̆ krưp, mă-lei lu sư ưh kơ băt mơlâu, Kŭm ưh kơ băt hlơ̆l lĕm. Thoi noh na lu sư gô huŏng pơ̆k hơdai lu bơngai mă pơ̆k huŏng; truh năr wă phak lu sư gô pơ̆k răm,” noh Kră Yang khan.

Êsêkiên 9:4

na khan kơ sư: “Năm bĕ tơ jơ̆p lăm pơlei Jêrusalem, chih 'bơ̆t klĕng rim 'nu bơngai bu nhơ̆m hmoi kơ tơdrong yoch kơnê̆ krưp mă đei pơm boih lăm pơlei.”

Malachi 4:2

Mă-lei gah lu iĕm, lu bơngai hli yom kơ anăn Inh, thoi noh măt 'năr tơdrong tơpăt gô pơchrang ăn, lăm năr noh kơnh gô đei pơklaih tơdrong jĭ jăn; lu iĕm gô lĕch pơplŏng thoi rơmo dăm lĕch đơ̆ng lăm hơdrong.

Mathiơ 27:54

'Bok tih linh păng lu linh sư wei Yêsu, lu sư 'bôh teh adrŏ păng dôm tơdrong hlĭch noh, lu sư hli dêh, na lu sư khan: “Sư âu Kon 'Bok Kei-Dei tơpă.”

Luka 23:40

Mă-lei gah bôl sư minh 'nu noh khă sư thoi âu: “E ưh kơ hli kơ 'Bok Kei-Dei hă? Đĭ-đăng kơ bơ̆n âu wă lôch kơ đe pơ̆ng bơ̆n yua kơ đe jô̆ bơngai yoch.

Rom 11:20

Iĕm khan thoi noh trŏ mơ̆n mă-lei yua kơ kiơ 'Bok Kei-Dei chre hŭt dơng noh? Yua kơ sư ưh kơ chu lui. Na iĕm kư̆m lei-lăi, yua kơ iĕm lui na Sư klop tơ noh. 'Noh na iĕm 'nĕ pơang kơ đe, kơnh 'Bok Kei-Dei chre hŭt iĕm dơ̆ng.

I Pet 5:6

Thoi noh na bơ̆n athei chu ala kơ 'Bok Kei-Dei ngăl yua kơ Sư Yang, Sư mơsêh; na trŏ năr Yêsu Krist jur ning-mônh Sư gô pôk pơư iĕm.

Tơdrông Tơ'bôh 15:4

Ơ Kră Yang, đĭ-đăng bơngai băt hli kơ Ih, păng ư-ang anăn Ih, yua kơ pôm Ih đĕch pơm 'lơ̆ng tơpăt. Đĭ rim khŭl bơngai băt năm kơkuh 'bơ̆t anăp Ih, yua kơ Ih sek tơlang tơpăt ngăl.”