Je 42:3 - Sơ̆p Hlabơar Nơ̆r 'Bok Kei-Dei

³ Wă kơ ih krao apinh Kră Yang 'Bok Kei-Dei ih, tơhlâu tơ'bôh ăn kơ lu nhôn trong ayơ wă kơ lu nhôn rok kiơ̆ păng pơm tơdrong kiơ.”

Je 42:3 Iomraidhean Croise

I Pot 8:36

Apinh ih đơ̆ng kơpal plĕnh mơ̆ng nơ̆r lu sư, apinh ih mơnat ăn kơ tơdrong yoch lu sư, đĭch đam Ih lu kon pơlei Isơrael, apinh Ih bơtho pơhrăm lu sư trong 'lơ̆ng wă kơ lu sư rok kiơ̆, ăn kơ lu sư đak 'mi tơ ala teh âu, wă kơ lu sư jang sa đei tôm tơmam.

Esơra 8:21

Tơ jê̆ đak krong Ahawa, inh athei đĭ-đăng ơ̆t kơ sŏng sa, wă kơ bơ̆n drap kơkuh 'bơ̆t anăp Kră Yang 'Bok Kei-Dei lu bơ̆n, krao apinh sư tơ'bôh ăn kơ bơ̆n kon sâu lu bơ̆n păng tơmam bơ̆n đei hiôk-hian kơplah bơ̆n yak rok trong.

Horiso 27:11

Ơ Kră Yang, bơtho tơ'bôh kơ inh trong Ih, Yua kơ đei lu bơngai pơm kơnê̆ kơ inh, Apinh Ih dui ba inh lăm trong tơhnă.

Horiso 86:11

Ơ Kră Yang, apinh Ih bơtho tơ'bôh kơ inh trong Ih. Na inh gô yak kiơ̆ tơdrong 'lơ̆ng tơpăt Ih; Apinh Ih ăn kơ inh đei jơhngơ̆m băt hli yom kơ Ih,

Tơdrông Pơđơk 3:6

'Blŏk băt bĕ kơ Kră Yang lăm rim trong ih pơm, Na sư gô pơm kơ trong ih tơpăt.

Êsai 2:3

Đei lơ khŭl bơngai gô truh tơ noh na khan: “Năm, bĕ lu bơ̆n tŏk tơ kông Kră Yang, tơ hnam Kră Yang 'Bok Kei-Dei Jakôp. Sư gô bơtho bơ̆n trong Sư wă kơ lu bơ̆n yak kiơ̆ trong sư.” Khôi juăt gô đei đơ̆ng pơlei Siôn, nơ̆r Kră Yang gô đei đơ̆ng pơlei Jêrusalem.

Je 6:16

Kră Yang khan: “Dơ̆ng bĕ tơ rok trong na răp lăng; Chă jet trong so, trong ayơ 'lơ̆ng yak kiơ̆ bĕ trong noh, Na chă ăn kơ bơhngol lu iĕm pơdơh hiôk.” Mă-lei lu sư khan: “Lu nhôn ưh kơ yak kiơ̆ ôh trong noh.”

Mi 4:2

păng gô đei đơ̆ng lơ teh đak năm tơ noh păng khan: Năm bĕ lu bơ̆n năm truh tơ kông Kră Yang, anih hnam 'Bok Kei-Dei Jakôp! Sư gô bơtho tơ'bôh kơ lu bơ̆n trong Sư păng lu bơ̆n gô yak kiơ̆ trong Sư, yua kơ khôi juăt gô lĕch đơ̆ng Siôn, nơ̆r Kră Yang gô lĕch đơ̆ng Jêrusalem.

Both 5:26

Hăm đei bu kơtơ̆ng boih nơ̆r Kră Yang 'Bok Kei-Dei oei pơma đơ̆ng lăm ŭnh, nhen thoi lu nhôn, mă-lei oei arih?

Both 5:29

Ô tơdah lu kon pơlei âu đei jơhngơ̆m hli yom kơ Inh hăm wei răk dôm lu nơ̆r Inh tơtă ling-lang lu sư păng kon sâu lu sư gơh đei tơdrong pŭn hiôk ling-lang.