Je 42:2 - Sơ̆p Hlabơar Nơ̆r 'Bok Kei-Dei

² năm apinh lung Jêrêmi: “Mơ̆ng bĕ nơ̆r lu nhôn apinh ih krao apinh Kră Yang 'Bok Kei-Dei ih tơgŭm lu nhôn, lu bơngai mă oei oei âu. Sơ̆ lu nhôn oei lơ kơdrâ̆m, dang ei oei pă tŏ sĕt, thoi ih 'bôh âu.

Je 42:2 Iomraidhean Croise

I Pot 13:6

Pơtao khan kơ bơngai đơ̆ng Kră Yang 'Bok Kei-Dei yua: “Apinh ih krao khan bĕ apinh Kră Yang 'Bok Kei-Dei ih, apinh ih krao khan tơgŭm inh, wă kơ ti inh gơh klaih thoi so.” Bơngai mă Kră Yang 'Bok Kei-Dei yua ei krao khan apinh Kră Yang na ti pơtao klaih gơh kơchôt thoi so hloi.

Horiso 119:170

Ăn nơ̆r inh krao ôr truh tơ Ih. Apinh dŏng pơklaih inh kiơ̆ kơ nơ̆r Ih pơkă.

Le 8:28

Pharaôn khan: Inh gô ăn lu iĕm năm, wă kơ iĕm năm pơyơ̆r tơmam soi sơmah kơ Kră Yang 'Bok Kei-Dei lu iĕm, tơ char glă, mă-lei lu iĕm 'nĕ năm ataih hloh kơ noh. Krao khan bĕ kơ inh hai!

Le 9:28

Krao khan bĕ kơ Kră Yang, wă kơ jah huay kơ grơ̆m glaih păng 'mi prĕl; na inh gô lê̆ lu iĕm năm, ưh pă gô đunh dơ̆ng boih.

Êsai 1:15

Na mưh kơplah iĕm yơ̆r ti krao khan, Inh đơ̆p măt ưh kơ wă lăng lu iĕm ôh. Mă khan iĕm krao khan lơ, Inh ưh kơ wă mơ̆ng ôh. Ti lu iĕm 'bĕnh kơ pham.

Êsai 1:9

Tơdah Kră Yang Tih Hloh ưh kơ lê̆ bơ̆n arih hơya tŏ sĕt, lei lu bơ̆n kư̆m răm lei-lăi thoi pơlei Sôđôm păng thoi pơlei Gômôrơ mơ̆n.

Êsai 37:4

Rŏ lăng Kră Yang 'Bok Kei-Dei ih gô kơtơ̆ng dôm nơ̆r Rapsaka pơma, bơngai đơ̆ng pơtao Asiri wơh sư năm tơ âu wă pơma pơjăm Kră Yang 'Bok Kei-Dei arih ling-lang păng Kră Yang gô phak sư kiơ̆ thoi dôm nơ̆r mă Kră Yang 'Bok Kei-Dei kơtơ̆ng bơih, noh bơih ih krao khan bĕ kơ lu bơngai mă oei oei tơ âu!”

Êsai 42:20

Iĕm 'bôh ră lơ tơdrong mă ưh kơ wă lăng hơlen, iĕm đei ră hla đon mă ưh kơ wă mơ̆ng.

Je 15:11

Kră Yang khan: “Tơpă Inh gô dŏng pơklaih ih 'măn kơ tơdrong jang kăl. Inh gô ăn kơ lu ayăt kơ ih năm lung ih, kơplah lu sư đei tơdrong răm truh pơmat-tat.

Je 2:27

Lu sư khan kơ 'long, ‘Ih boih 'bă inh,’ khan kơ tơmo, Ih boih pơjing kơ inh. Lu sư tơwih rŏng kơ Inh, ưh kơ tơwih gah muh măt; Mă-lei kơplah lu sư đei tơdrong rŭng răng, lu sư khan: ‘Iung na pơklaih nhôn bĕ!’

Je 21:2

“Apinh ih krao apinh bĕ Kră Yang tơgŭm lu nhôn, yua kơ Nebukatnessar pơtao đe Babilôn oei năm wang blah lu nhôn. Rŏ lăng băt Kră Yang pơm tơdrong mơsêh kơ nhôn kiơ̆ thoi tơdrong mơsêh Sư pơm sơ̆, pơm ăn kơ pơtao Babilôn kơdŭn weh đơ̆ng lu nhôn.”

Je 36:7

Rŏ lăng lu sư gô krao apinh Kră Yang păng tơbral păng weh đơ̆ng trong pơm kơnê̆ yua kơ tơdrong hil Kră Yang wă pơm kơ kon pơlei 'nâu tih dêh tơpă.”

Je 37:20

Ơ 'bok yŏng pơtao inh, dang ei, mơ̆ng bĕ! Inh apinh lung ih, 'nĕ pă ba inh wih dơ̆ng tơ hnam Jônathan bơngai chih hla bơar, hơmơt kơnh inh lôch tơ noh.’ ”

Je 37:3

Pơtao Sêđekia wơh Jêhukal kon drŏ-nglo Sêlemia păng Sephania 'bok soi kon drŏ-nglo Maaseia, năm tơ Jêrêmi bơngai khan lê̆ adrol păng khan: “Apinh ih krao apinh Kră Yang 'Bok Kei-Dei bơ̆n tơgŭm lu nhôn.”

Je 38:14

Pơtao Sêđekia athei đe năm krao Jêrêmi păng chông ba sư mơ̆t trong 'măng mă pêng mơ̆t tơ hnam Kră Yang. Pơtao khan kơ Jêrêmi: “Inh đei minh tơdrong wă jet ih; 'nĕ ôn kơ inh.”

Je 40:15

Jôhanan kon drŏ-nglo Karea pơma ôn hơdrô̆ hăm Gêđalia tơ pơlei Mispa: “Lê̆ kơ inh năm pơlôch Ismael kon Nethania, ưh kơ đei bu băt ôh tơdrong noh. Lê̆ kơ kiơ sư pơlôch ih, na lu bơngai Juđa mă oei hơdai ih gô kơdâu tơklah tơklang. Păng lu bơngai Juđa mă oei lăm char âu kư̆m lôch đĭ.”

Je 42:20

lu iĕm pơrơ̆ng pơprơ̆n wơh inh năm krao chă Kră Yang 'Bok Kei-Dei lu iĕm, khan: Krao apinh bĕ Kră Yang bơ̆n tơgŭm nhôn păng roi ăn kơ lu nhôn băt Kră Yang bơtho khan lu nhôn liơ; lu nhôn gô pơm kiơ̆.

Nhom 1:1

Ơu, pơlei tih âu sơ̆ đei lơ kon pơlei dêh, to dang ei ngôi hơdrô̆! Sơ̆ pơm tih kơ lu kon pơlei, 'nâu dang ei thoi yă adro! Sơ̆ lu drŏ-kăn jing yŏng tơ'ngla kơ lu tơring, dang ei jing đĭch đam!

Êsêkiên 12:16

Mă-lei oei đei bơngai mă Inh ăn klaih đơ̆ng đao, đơ̆ng pơngot, đơ̆ng lôch hơbuh, wă kơ lu sư roi tôm tơdrong krưp kơnê̆ 'mê̆-'mach lu sư kơdih tơ lăm pơlei mă lu sư wă oei; păng lu sư gô băt Inh boih Kră Yang.

Hôsia 8:10

Mă khan lu sư tĕch boih lu sư kơdih kơ adrĕch adrung bơngai nai, mă-lei Inh oei akŭm lu sư; păng lu sư rai huach yua kơ đơ̆ng pơtao kơtang pơjuă pơđep lu sư.

Lêwi 26:22

Inh gô ăn sem bri rôp lu kon hơ'lơ̆p iĕm păng kăp sa lu sem dơrong iĕm, pơm kơ kon bơngai iĕm jing kơtuei, tơ trong glung pă đei bu yak năm rơhiăng kơkot.

Am 7:2

Đơ̆ng rŏng kơ lep sa đĭ 'nhĕt lăm teh boih, inh khan: Ơ Kră Yang, inh apinh Ih mơnat ăn! Liơ Jakôp gơh kĕ arih? Yua kơ sư tŏ sĕt păng tơrăn dêh.

Mathiơ 24:22

Dah 'Bok Kei-Dei ưh kơ achơ̆t lê̆ tơdrong tơblah tih noh, ưh kơ đei bu arih ôh. Mă-lei 'Bok Kei-Dei achơ̆t lê̆, yua kơ Sư mơnat kơ lu bơngai mă Sư rơih boih.

Jang 8:24

Na Simôn khan kơ bre sư thoi âu: “Apinh biĕm krao khan kơ 'Bok Kei-Dei tơgŭm inh; apinh Sư mơnat kơ inh 'nĕ ăn kơ inh hiong lăm dơnâu ŭnh thoi ih khan hei.”

Both 28:62

Kon bơngai iĕm lơ thoi sơnglŏng kơpal plĕnh mă-lei oei pă tŏ sĕt, yua kơ iĕm ưh kơ wă mơ̆ng nơ̆r Kră Yang 'Bok Kei-Dei iĕm.

Both 28:63

Kŭm thoi Kră Yang đei hiôk pơm 'lơ̆ng păng ăn kơ iĕm rai lơ kơdrâ̆m thoi yơ, kư̆m thoi noh na Kră Yang kư̆m hiôk ăn kơ iĕm đei tơdrong gleh truh tơhiong pơrăm iĕm; Lu iĕm đe gô buch lê̆ puh tơlĕch đơ̆ng teh lăm dêh iĕm wă mơ̆t iŏk.

Both 4:27

Kră Yang gô pơm kơ iĕm tơklah tơklang jơ̆p kơ teh đak đe, oei pă tŏ sĕt đĕch mă tơ anih Kră Yang puh lu iĕm.

Ya 5:16

Thoi noh na iĕm athei roi dih băl tơdrong yoch na bôl buăl krao khan tơgŭm, 'Bok Kei-Dei gô ăn kơ lu iĕm mă jĭ jăn klaih praih iung. Bơngai mă lui kơjăp ưh kơ đei tơdrong yoch sư krao khan adrin tơpă na 'Bok Kei-Dei gô tơl tơwih dôm tơdrong sư krao khan noh.

I Sam 12:19

Đĭ-đăng lu sư khan kơ Samuel: Apinh ih krao khan apinh Kră Yang 'Bok Kei-Dei ih ăn kơ lu nhôn, wă kơ lu nhôn huay kơ lôch; lu nhôn đei apinh wă kơ đei pơtao noh nhôn pơthim ăn tơdrong yoch kơ lu nhôn.

I Sam 12:23

Gah inh, inh ưh kơ pơdơh kơ krao khan kơ iĕm. Wă kơ inh huay kơ pơm yoch hăm Kră Yang. Inh gô bơtho tơ'bôh lu iĕm băt kơ trong 'lơ̆ng păng tơpăt.

I Sam 7:8

Na khan kơ Samuel khan: Apinh ih krao khan kơ Kră Yang ling-lang, wă kơ Sư dŏng pơklaih nhôn đơ̆ng ti bơngai Philistin.