Je 41:9 - Sơ̆p Hlabơar Nơ̆r 'Bok Kei-Dei

⁹ Ismael kon drŏ-nglo Nethania, klơ̆m lê̆ akâu lu bơngai sư pơlôch tơ lăm sơlŭng Gêđalia mă pơtao Asa sir, wă găn Baasa, pơtao Isơrael. Ismael kon drŏ-nglo Nethania klơ̆m lu akâu bơngai mă đêl sư pơlôch, 'bĕnh kơ sơlŭng să noh.

Je 41:9 Iomraidhean Croise

II Sam 17:9

Băt dang ei sư oei ôn lăm trôm hơgơp ayơ dah lăm anih ayơ nai. Tơdah đei bơngai lăm khŭl bơ̆n lôch 'bơ̆t năr tơblah blŭng-a, bu bu kơtơ̆ng kư̆m gô khan: ‘Khŭl linh kiơ̆ Apsalôm thuơ boih.’

Êsai 14:19

Mă-lei đe klơ̆m lê̆ ih tơ 'nguaih kơ bơsat ih, thoi dơng 'long bŭk đơ̆ng đe chre tŭk lê̆ đơ̆ng tơm, akâu ih klơ̆p 'bĕnh kơ bơngai lôch, đe 'bet hăm đao gưm đe tơlơ̆ lăm sơlŭng tơmo jrŭ, thoi akâu bơngai lôch đe juă gơhlơ̆r tơ ala jơ̆ng!

Hêbrơ 11:38

Jô̆ gah tơdrong pơm 'lơ̆ng tơpăt, lu sư 'lơ̆ng hloh kơ đĭ-đăng bơngai ala teh, pă rŏ kơ lu sư oei tơ teh âu, mă-lei lu sư oei oăi tơ tơmăn glă, tơ kông krang hang nak, tơ gơp tơmo.

Lu 6:2

Lu bơngai Miđian blah lu bơngai Isơrael jei lu sư; yua kơ lu bơngai Isơrael hli kơ lu bơngai Miđian na lu bơngai Isơrael kơdâu ôn oei tơ kông kŏ, lăm sơlŭng lăm hơgơp tơmo dah chă ôn tơ lăm lu pơlei kơjăp.

I Sam 13:6

Đe Isơrael mơn 'bôh lu sư hli hơmơt dêh. Yua kơ lu bơngai ayăt tŭn gơhret rai jê̆ bơih. Na lu đe Isơrael kơdâu ôn tơ lăm hơgơp tơmo, lăm bri kơdrơ̆ng lăm sơlŭng păng lăm trôm teh.

I Sam 14:11

Thoi noh na măr sư năm tơ kơđông bơngai Philistin, tơ'bôh akâu bre sư. Bơngai Philistin pơma tơduă: Lăng to lu bơngai Hêbrơ lĕch đơ̆ng hơgơp tơmo anih mă lu sư ôn.

I Sam 14:22

Kơplah 'noh đĭ-đăng bơngai Isơrael oei ôn lăm groi kông Êphraim, kơtơ̆ng khan bơngai Philistin thuơ kơdâu, kư̆m wang druh blah lu linh ayăt 'noh.

I Sam 24:3

Sôl năm truh 'bơ̆t jê̆ anih hơdrong bơbe triu, tơ noh đei minh pơm hơgơp tơmo; Sôl mơ̆t lăm noh năm wă kơ chă bơyơ̆ng. Na, Đawit hăm lu bơngai kiơ̆ sư oei tơ lăm hơgơp jrŭ.