Je 41:1 - Sơ̆p Hlabơar Nơ̆r 'Bok Kei-Dei

¹ Lăm khei tơpơh Ismael kon drŏ-nglo Nethania sâu Êlisama adrĕch pơtao, sư minh lăm lu yŏng pơgơ̆r linh pơtao, chông ba mơjĭt 'nu drŏ-nglo năm tơ Gêđalia kon drŏ-nglo Ahikam tơ pơlei Mispa. Kơplah lu sư oei sŏng sa hơdai tơ noh.

Je 41:1 Iomraidhean Croise

II Sam 3:27

Lăp Apner brŏk hơlơ̆k truh tơ Hêbrôn, Jôap chông hơdrô̆ Apner weh tơ cheng kơ 'măng dur pơlei, nhen thoi wă pơma dơnuh tơdrong tơduă măr sư, wă 'mong pham đêl Apner pơlôch oh sư Asahel, na 'bet hloi klak, na Apner lôch hloi.

II Pot 11:1

Lăp yă Athalia, mĕ pơtao Ahasia 'bôh kon drŏ-nglo sư lôch bơih, sư iung blah hloi, pơlôch đĭ-đăng adrĕch pơtao.

II Pot 25:22

Bê̆ gah lu bơngai Juđa mă Nebukatnessar pơtao Babilôn oei lê̆ lăm dêh char Juđa, na pơtao đe Babilôn jao kơ Gêđalia, kon drŏ-nglo Ahikam, Saphan, pơm tih pơgơ̆r lu sư.

II Pot 25:25

Lăm khei tơpơh Ismael, kon drŏ-nglo Nêthania, sâu Êlisama, sư gah adrĕch pơtao, sư năm tơ Pơlei Mispa, đei mơjĭt 'nu bơngai kiơ̆ sư blah Gêđalia păng pơlôch lê̆ sư hăm lu bơngai Juđa păng lu bơngai Kalđê mă oei hăm sư tơ Pơlei Mispa.

II Ho 22:10

Wă Athalia, mĕ Ahasia 'bôh kon drŏ-nglo sư đe pơlôch, na sư iung blah pơrăm adrĕch pơm pơtao Juđa.

Horiso 109:5

Lu sư pơm tơdrong kơnê̆ tơplih kơ tơdrong 'lơ̆ng inh. Lu sư hil areh tơplih kơ inh 'mêm.

Horiso 41:9

Truh tơ buăl inh juăt, d Mă inh gơnang bơngai mă sa boih 'bĕng inh, Kŭm hiŏng kơnơl wă 'lơ̆r inh.

Tơdrông Pơđơk 13:10

Tơdrong pơang lĕch tơdrong pơjah; Gah tơdrong hơgei oei lăm bơngai băt mơ̆ng đe bơtho khan.

Tơdrông Pơđơk 27:4

Tơdrong hil mĭl kơnê̆ tơpă, Tơdrong hil thoi đak lĕch ro blai lơ̆p, Bu kĕ dơ̆ng 'bơ̆t anăp tơdrong hil gar.

Je 36:12

sư jur năm tơ hnam pơtao, mơ̆t tơ lăm anih 'bok chih hla bơar; tơ'bơ̆p lu yŏng pơgơ̆r oei ngôi lăm noh, lu sư đei Êlisama; 'bok chih hla bơar, Đêlaia kon drŏ-nglo Sêmaia, Êlnathan kon drŏ-nglo Akbôr, Gêmaria kon Saphan, Sêđekia, kon Hanania păng lu yŏng pơgơ̆r nai.

Je 36:20

Na lu yŏng pơgơ̆r ôn lê̆ sơnôm hla bơar noh tơ lăm anih Êlisama 'bok chih hla bơar; lu sư năm tơ hnam pơtao, na roi ăn kơ pơtao mơ̆ng dôm nơ̆r noh.

Je 39:14

Athei chă Jêrêmi ba sư lĕch đơ̆ng anih cham lu linh gak, jao Jêrêmi ăn kơ Gêđalia, kon drŏ-nglo Ahikam, sâu Saphan, wă kơ ba Jêrêmi năm tơ hnam sư. Sư oei hơdai hăm lu kon pơlei sư.

Je 40:13

Jôhanan kon drŏ-nglo Karea păng đĭ-đăng lu yŏng pơgơ̆r linh mă oei tơ rim pơlei năm tơ'bơ̆p Gêđalia tơ pơlei Mispa,

Je 40:5

Jêrêmi oei tam mă drơ̆ng Nebusaradan khan dơ̆ng: “Dah ih wă brŏk oei hơdai hăm Gêđalia kon drŏ-nglo Ahikam sâu Saphan bơngai mă pơtao Babilôn pôk sư pơm yŏng lu pơlei lăm dêh char Juđa, oei hơdai bĕ hăm lu kon pơlei, dah wă năm oei tơ yơ, ih kư̆ năm tơ noh.” Đơ̆ng noh 'bok yŏng linh ăn kơ sư tơmam lăng jơ̆ng ti tơmam sa na lê̆ sư yak năm.

Je 40:6

Na Jêrêmi sư năm oei hơdai Gêđalia, kon drŏ-nglo Ahikam, tơ pơlei Mispa, oei hơdai hăm lu kon pơlei mă đe oei lê̆ lăm teh đak noh.

Je 40:7

Đĭ-đăng lu linh păng lu yŏng linh sư mă oei tơ bri kông kơtơ̆ng 'bok pơtao Babilôn pôk ăn Gêđalia kon drŏ-nglo Ahikam pơm yŏng pơgơ̆r lăm char păng kư̆m kơtơ̆ng pơtao jao ăn kơ sư pơgơ̆r wei-lăng đĭ-đăng lu bơngai drŏ-nglo, lu drŏ-kăn, lu hơ'lơ̆p, lu bơngai dơnuh hloh mă đe oei lê̆ oei lăm char Juđa, ưh kơ chông ba pơm đĭch tơ char Babilôn.

Je 40:8

Lu sư năm tơ'bơ̆p Gêđalia tơ pơlei Mispa, đei Ismael kon drŏ-nglo Nethania, Jôhanan păng Jônathan lu kon drŏ-nglo Karea, Sêraia kon drŏ-nglo Tanhumet, lu kon drŏ-nglo Êphai kon pơlei bơngai Nêtophai, Jêsania bơngai Maakat păng đĭ-đăng lu linh năm hơdai sư.

Êsêkiên 17:13

Pơtao rôp minh 'nu lăm adrĕch pơtao, pơgơ̆p hăm sư, athei sư pơkă. Pơtao kư̆m rôp ba lu bơngai pơgơ̆r lăm tơring noh hai,

Yo 13:18

“Inh pơma tơdrong noh, ưh kơ pơma tôm kơ lu iĕm ôh, yua kơ Inh băt lê̆ hơdrol boih dôm lu bơngai mă Inh rơih. Na lăm sơ̆p hla bơar 'Bok Kei-Dei khan: ‘Đei minh 'nu bơngai sŏng sa hơdai păng Inh, sư wă plơ̆ plĕch kơ Inh.’ Yua kơ chih lê̆ hơdrol sơ̆ lăm sơ̆p hla bơar 'Bok Kei-Dei, na dang ei bơ̆n gô 'bôh tơpă.