Je 4:13 - Sơ̆p Hlabơar Nơ̆r 'Bok Kei-Dei

¹³ 'Nâu, Sư truh thoi hơmơ̆l, gre aseh sư thoi kial hơbŭt, aseh sư kơdâu kuăng hloh kơ klang. Răm-'băm tơpă kơ lu bơ̆n, lôch răm đĭ!

Je 4:13 Iomraidhean Croise

II Sam 1:23

Ôi pơtao Sôl hăm Jônathan trŏ kơ 'mêm gĭt tơpă! Mă oei arih truh tơ lôch kư̆m ưh kơ đei achăng băl: Măr sư hơbĕch hloh kơ Klang pran hloh kơ Dăm-brang!

Êsai 13:5

Lu sư truh đơ̆ng dêh char ataih, đơ̆ng tôch kơ plĕnh teh. Kră Yang păng lu tơmam tơblah, Sư yua lăm tơdrong Sư hil mĭl wă pơrăm đĭ teh âu.

Êsai 19:1

Nơ̆r khan lê̆ adrol gah dêh đe Êyiptơ. Kră Yang jur hăm hơmơ̆l tĕnh truh tơ dêh Êyiptơ, lu rup yang dêh char đe Êyiptơ tơtơ̆ đĭ 'bơ̆t anăp Sư, jơhngơ̆m đe Êyiptơ hiong hach đĭ.

Êsai 3:8

Pơlei Jêrusalem đĭ grê păng char Juđa đĭ hơlih; yua kơ nơ̆r pơma păng tơdrong jang lu sư blah Kră Yang, che bơle pơjăm 'bơ̆t anăp Kră Yang trŏ kơ ư-ang.

Êsai 5:28

'Brơ̆m hră lu sư suĕng dêh, hră lu sư hơ'năk lê̆ bơih, kơchôp aseh lu sư thoi tơmo tơneh. Jơ̆ng gre thoi phŭt huơ̆r.

Êsai 66:15

Lăng to, Kră Yang gô truh hăm ŭnh păng gre aseh Sư nhen thoi kial hơbŭt, wă pơm tơwih tơdrong ơh blĕk Sư hăm tơdrong hil mĭl, păng tơdrong Sư chrih nhen thoi pla ŭnh khơ̆ng.

Je 10:19

Răm-'băm dêh kơ inh yua kơ inh jĭ rơka! Rơka inh ưh kơ gơh klaih. Inh khan: “'Nâu lăp tơdrong jĭ đĕch, na inh athei pŭ tơdrong noh.”

Je 4:12

Kial rai kơtang hloh kơ lu tơdrong noh đơ̆ng Inh, 'nâu Inh gô sek phak lu sư.

Je 4:31

Inh kơtơ̆ng nơ̆r ôr thoi drŏ-kăn tơpŭ, ôr hơdrăi thoi bơngai adruh tơpŭ kon blŭng-a. Noh nơ̆r ôr lu kon Adruh Siôn, ôr tơngưih plaih ti na khan răm dêh kơ inh, “inh lôch hơngơ̆t bơih, 'bơ̆t anăp lu bơngai chă pơlôch inh!”

Je 46:18

“Inh arih.” Pơtao, anăn Sư Kră Yang Tih Hloh, khan: “Minh 'nu gô truh thoi Kông Tabôr tŏk-bŏk lu kông nai, thoi Kông Karmel cheng dơsĭ.

Je 48:40

Kră Yang khan: “To, minh 'nu ayăt gô păr jruh thoi klang, bơyar pơnăr sư pơm kơ char Môap.

Je 49:22

'Nâu, lu ayăt thoi sem klang păr jruh, Bơyar pơnăr sư pơm kơ pơlei Bôsra, Lăm năr noh jơhngơ̆m lu drŏ-nglo nuih pran char Eđôm nhen thoi jơhngơ̆m bơngai drŏ-kăn oei tŏk-bŏk hơiơch.”

Je 6:23

Lu sư chĕp hră păng tơju, lu sư minh adrĕch kơnê̆ nuih kơtang, ưh kơ đei băt mơnat, jơwa jơ̆ng lu sư yak nhen thoi đak dơsĭ poh-yă; lu sư hao aseh, lu sư săp pơrĕng thoi minh khŭl wă năm blah ih, Ơ kon adruh Siôn.”

Je 9:19

Kơtơ̆ng nơ̆r nhơ̆m hmoi lăm pơlei Siôn: ‘Răm boih hiong đĭ boih chăl arih nhôn. Bơ̆n mơlâu tih dêh, Bơ̆n athei achăng lê̆ teh đak âu! Anih hnam bơ̆n oei đe pơrăm đĭ.’

Nhom 4:19

Lu bơngai druh lu bơ̆n hrĕnh hloh kơ sem kring păr tơ plĕnh. Druh lu bơ̆n tơ jơ̆p rim kông, wă rôp lu bơ̆n tơ char 'blach,

Êsêkiên 26:10

Aseh lu sư lơ tơpă dĭng mah 'mui teh đơ̆ng jơ̆ng sư yak klơ̆p đĭ ih thoi hơmơ̆l. Lu dur pơlei ih pơpơ̆ yua kơ đơ̆ng tơtơ̆ng jơ̆ng lu linh hao aseh, lu linh gre aseh lu sư gô mơ̆t rok 'măng jang ih, nhen thoi mơ̆t lăm pơlei dur đe pơrăm đĭ bơih.

Êsêkiên 38:9

Ih gô năm tơ anăp blah nhen thoi kial hơbŭt, thoi hơmơ̆l gom lê̆ teh noh, ih păng lu linh hăm lơ adrĕch adrung kiơ̆ ih.

Da 11:40

Truh tơnăr đơ̆ng rŏng, pơtao gah gơal gô truh tơblah hăm sư. Pơtao gah yă-nơ̆m gô chĕp ba khŭl linh gre aseh păng duk lơ, na tŏk blah pơtao noh thoi phŭt huơ̆r. Sư gô blah truh tơ lơ dêh char nai.

Da 7:4

Sem brem mă adrol noh hơbŏ thoi dăm-brang păng đei pơnăr sem kring; inh lăng pơnhen dĭng truh tơ pơnăr sư tơbuch, na đe dui hơtŏk sư đơ̆ng teh, sư iung dang dơ̆ng năm 'bar pah jơ̆ng thoi kon bơngai bơ̆n păng kư̆m ăn kơ sư đei jơhngơ̆m kon bơngai.

Hôsia 8:1

Dan bĕ tơgiĕp 'bơ̆t 'bơ̆r ih! Lu ayăt thoi sem grơ̆ năm blah bơngai Kră Yang, yua kơ kon pơlei pơm glăi boih kơ đêl nơ̆r pơgơ̆p, păng pơm yoch kơ tơdrong juăt Inh.

Mi 2:4

Lăm năr noh kơnh, đe gô hơri minh tơdrong pơjăm pơjuă iĕm, đe gô nhơ̆m hmoi ơh sơ'ngon dêh păng khan: Lu bơ̆n âu đe pơlôch pơrăm đĭ boih! Sư iŏk lê̆ teh inh jang sa. Lu sư iŏk đơ̆ng inh, iŏk teh chŭn mir bơ̆n klaih asong ăn kơ bơngai ayăt.

Na 1:3

Kră Yang hiơ̆ kơ hil păng đei mơsêh pran kơtang tih; mă-lei Sư kư̆m ưh kơ lê̆ phak lu bơngai pơm yoch. Kră Yang yak năm lăm kial phŭt păng hơbŭt hơbang, lu hơmơ̆l păng 'mui tơ ala jơ̆ng Sư.

Habakuk 1:8

Lu linh aseh sư kơdâu hơbal hloh kơ djrang păng nuih hloh kơ kŏ-so tơ kơmăng. Lu linh aseh sư năm tơ jơ̆p-jang anih hơbĕch hơbal truh đơ̆ng dêh ataih; lu păr hrĕnh thoi sem kring, hăt hot kơ chă sa.

Sa 6:1

Inh ngơk lăng dơ̆ng na 'bôh puăn tŏ gre aseh lĕch đơ̆ng sơlam kông. Kông noh kông hu.

Mathiơ 24:30

Kơplah noh đĭ-đăng kon bơngai ala teh âu nhơ̆m hmoi yua kơ lu sư 'bôh Inh Kon Bơngai 'lơ̆ng rŏ mơsêh mơyang tih-tin jur hăm hơmơ̆l.

Both 28:49

Kră Yang gô ba minh adrĕch adrung đơ̆ng ataih, đơ̆ng tôch kơ plei teh năm blah lu iĕm, thoi klang păr rôp sa kon sem; iĕm ưh kơ hlôh nơ̆r lu sư pơma ôh.

Tơdrông Tơ'bôh 1:7

Ning-mônh Sư wă jur tơ bơ̆n hăm hơmơ̆l. Đĭ-đăng kon bơngai gô 'bôh Sư. Lu bơngai mă pơ̆ng pơlôch Sư tơ 'long pơglang sơ̆ kư̆m 'bôh Sư mơ̆n. 'Bơ̆t noh kơnh đĭ-đăng khŭl kon bơngai jơ̆p kơ teh đak nhơ̆m hmoi 'bơ̆t anăp Sư; tơpă, trŏ kơ nhơ̆m hmoi tơpă mơ̆n. A-men.