Je 4:1 - Sơ̆p Hlabơar Nơ̆r 'Bok Kei-Dei

¹ Kră Yang khan: “Ơ Isơrael, tơdah ih wă wih brŏk tơ Inh, wih brŏk tơ Inh bĕ, Tơdah ih hŭt lê̆ dôm tơmam kơkuh kơ yang kơnê̆ đơ̆ng anăp Inh, Păng ih huay pă weh tơ nai dơ̆ng.

Je 4:1 Iomraidhean Croise

Bl 35:2

Jakôp sư roi hloi kơ kon akăn sư hăm lu bơngai năm hơdai sư thoi âu: Hŭt lê̆ bĕ dôm lu rup man pơm yang đơ̆ng lu dêh tơmoi, na hum 'nhao wă kơ bơ̆n rơgoh 'lơ̆ng păng tơplih bĕ hơbĕn ao iĕm.

II Pot 23:13

Sư pơm pơ'mê̆ lê̆ lu hnam kơkuh kơ yang nai pơm tơ anih kơjung gah hơlĕch Pơlei Jêrusalem, gah gơal kơ Kông lôch răm, lu anih kơkuh kơ yang noh Sôlômôn pơtao đe Isơrael pơm wă soi sơmah kơ yang Astoret rup yang mă kơnê̆ krưp dêh lu bơngai Siđôn, pơm yang Kêmôs rup yang mă kơnê̆ krưp dêh lu bơngai Môap, pơm yang Mơlek rup yang mă kơnê̆ dêh lu bơngai Ammôn.

II Pot 23:24

Jôsia kư̆m pơrăm pơpuh lê̆ đĭ lu bơngai pơjâu krao bơhngol bơngai lôch păng lu pơjâu tơwir, lu rup yang kơdih rim hnam păng lu rup yang hăm đĭ-đăng lu tơdrong kơnê̆ 'mê̆-'mach mă Kră Yang areh đei 'bôh lăm char Juđa păng tơ Pơlei Jêrusalem, wă pơm kiơ̆ kơjăp tơdrong juăt đei chih bơih lăm sơ̆p hla bơar mă 'bok soi Hilkia đei chă 'bôh đơ̆ng lăm hnam akŭm kơkuh kơ Kră Yang.

II Ho 15:8

Wă Asa kơtơ̆ng boih nơ̆r 'nâu păng nơ̆r khan lê̆ adrol đơ̆ng Asaria kon drŏ-nglo Ôdet, jơhngơ̆m sư hiôk na sư nuih pơ̆n pơrăm lê̆ đĭ lu rup yang kơnê̆ đơ̆ng lăm jơ̆p kơ Juđa păng Bênjamin, hăm đơ̆ng lăm lu pơlei mă đêl lu sư 'nao blah iŏk tơ kơpal kông groi Êphraim; sư pơdơ̆ng hơmet chơnang soi Kră Yang 'bơ̆t anăp kơdeng hnam Kră Yang.

II Ho 33:8

Tơdah Isơrael rok kiơ̆ khôi juăt, nơ̆r tơtă pơkă athei mă Inh yua boih Môis bơtho khan kơ lu sư, lei Inh huay kơ toh lê̆ jơ̆ng lu sư đơ̆ng lăm teh đak mă Inh đei ăn boih kơ lu 'bok lu sư.”

II Ho 34:33

Jôsia iŏk hŭt lê̆ đĭ dôm rup yang kơnê̆ 'mê̆ Krưp đơ̆ng lăm tơring char Isơrael păng athei đĭ-đăng kon pơlei oei lăm tơring char Isơrael kơkuh gơnang kơ Kră Yang 'Bok Kei-Dei. Lăm đĭ chăl pơtao lu kon pơlei ưh kơ achăng lê̆ Kră Yang, 'Bok Kei-Dei 'bok lu sư.

Êsai 31:6

Ơ kon pơlei pơla Isơrael, wơ̆t brŏk bĕ tơ Tơ'ngla mă đêl iĕm pơm kơnê̆ plơ̆ Sư lơ dêh.

Je 15:19

Thoi noh 'nâu Kră Yang khan: “Tơdah ih tơbral, Inh gô sơng iŏk ih, ăn kơ ih dơ̆ng 'bơ̆t anăp Inh; dah ih pơma nơ̆r sĭt ưh kơ chă pơma ngôi đĕch, ih gô jing thoi 'bơ̆r Inh pơma. Lê̆ lu kon pơlei pơla âu gô wih tơ ih, mă-lei ih 'nĕ wih tơ lu sư.

Je 15:4

Inh gô pơm ăn kơ lu sư jing bơngai đĭ-đăng kơ dêh char lăm teh âu lăng krưp, yua kơ tơdrong yoch Manase, kon drŏ-nglo Hesekia pơtao đe Juđa, đei pơm yoch boih tơ lăm pơlei Jêrusalem.

Je 18:11

Na dang ei, khan bĕ kơ bơngai Juđa păng kon pơlei Jêrusalem, Kră Yang khan: ‘'Nâu, Inh wă iung pơrăm lu iĕm, Inh hơmet wă pơrăm lu iĕm. Rim 'nu athei weh đơ̆ng trong kơnê̆, hơmet ming tơdrong arih sa păng tơdrong pơm kơdih!’

Je 24:9

Inh gô pơm ăn kơ đĭ-đăng dêh char lăm teh đak lăng 'brơ̆ krưp kơ lu sư. Lăng lu sư đei đe blei hiap, đe pơ'brơh, đe pơjăm pơjuă, tơ jơ̆p lăm dêh char mă Inh đei pơpuh lu sư tơ noh.

Je 25:5

Lu sư khan: ‘Rim 'nu kơ lu iĕm athei weh đơ̆ng tơdrong kơnê̆, achăng lê̆ bĕ tơdrong pơm yoch kơnê̆, na lu iĕm gô oei lăm teh đak Kră Yang ăn boih kơ lu iĕm păng lu 'bok yă iĕm sơ̆ khơ̆ ning-mônh hlŏng hloi.

Je 3:1

Kră Yang khan: “Tơdah đei drŏ-nglo achăng lê̆ akăn sư, akăn sư weh đơ̆ng sư chă klo plơ̆ng, klo so sư hăm pă gơh hơlơ̆k oei kơ akăn so sư dơ̆ng? Teh đak noh ưh kơ kơnê̆ 'mê̆ krưp dêh tơpă hă? Mă-lei iĕm ngôi pơyô kư̆ kă hăm lơ bơngai mă ih hưch, Khan oei wă wih brŏk tơ Inh dơ̆ng hă?” Kră Yang khan.

Je 3:12

Năm bĕ tơ gah yă-nơ̆m ră roi tơdrong 'nâu: Kră Yang khan: ‘Ơ Isơrael bơngai mă ưh kơ tơpăt, brŏk bĕ! Inh lăng tơ iĕm muh măt Inh huay pă thoi 'maih hil boih, yua kơ Inh băt 'mêm mơnat: Inh ưh pă hil ling-lang dơ̆ng boih,’ Kră Yang khan.

Je 3:14

Kră Yang khan: “Wih brŏk bĕ! Ơ lu kon sâu ưh kơ tơpăt, yua kơ Inh boih yŏng lu iĕm. Inh gô rơih iŏk lu iĕm minh 'nu đơ̆ng rim pơlei 'bar 'nu đơ̆ng adrĕch păng Inh gô năm ba lu iĕm brŏk tơ pơlei Siôn!

Je 3:22

“Ơ lu kon pơlei ưh kơ tơpăt, brŏk bĕ! Inh gô pơklaih tơdrong kơnê̆ lu iĕm.” “Âu, lu nhôn gô brŏk tơ Ih, Ih boih Kră Yang 'Bok Kei-Dei lu nhôn.

Je 35:15

Inh đei lơ wơ̆t boih wơh đĭch đam Inh, lu bơngai khan lê̆ adrol năm khan kơ lu iĕm: Dang ei ăn đĭ kơ lu iĕm weh bĕ đơ̆ng yoch, tơplih bĕ tơdrong lu iĕm pơm; păng kư̆m 'nĕ kơ kiơ̆ lu yang nai, lei na lu iĕm gơh mơ̆t oei tơ lăm char mă Inh gô ăn kơ lu iĕm păng kơ 'bok lu iĕm. Mă-lei lu iĕm ưh kơ wă pơgling đon mơ̆ng kiơ̆ Inh.

Je 36:3

Mưh lu bơngai Juđa kơtơ̆ng đĭ-đăng tơdrong răm Inh wă pơm kơ lu sư, rŏ lăng lu sư gô tơbral achăng lê̆ tơdrong kơnê̆ lu sư kơdih, na Inh huay jô̆ yo tơdrong yoch kơnê̆ lu sư.”

Je 4:4

Kăt tơdra akar iĕm bĕ 'bơ̆t anăp Kră Yang, ơ kon drŏ-nglo Juđa păng kon pơlei Jêrusalem, Kăt bĕ akar jơhngơ̆m iĕm. Kơnh hli kơ tơdrong Inh hil iung thoi ŭnh sa, ưh kơ đei bu kĕ pĭt, yua kơ tơdrong yoch lu iĕm pơm boih.”

Je 7:3

Kră Yang Tih Hloh 'Bok Kei-Dei bơngai Isơrael khan thoi âu: “Hơmet tơplih ming bĕ trong tơdrong arih lu iĕm păng tơdrong jang lu iĕm; lei na Inh ăn kơ lu iĕm oei oei lăm anih 'nâu.

Je 7:5

Tơdah lu iĕm tơplih ming trong arih păng tơdrong jang lu iĕm tơpă, tơdah lu iĕm pơm 'lơ̆ng tơpăt tơduă lu iĕm mă tơpă.

Je 7:7

na Inh gô ăn kơ iĕm oei arih tơ lăm anih 'nâu lăm dêh char mă Inh đei ăn boih kơ 'bok yă iĕm đơ̆ng sơ̆ khơ̆ ning-mônh hloi.

Êsêkiên 11:18

Lu sư gô brŏk truh tơ teh đak lu sư păng hŭt lê̆ dôm tơdrong mă Inh areh păng dôm tơdrong kơnê̆ 'mê̆-'mach krưp đơ̆ng anih noh.

Êsêkiên 18:13

ăn tŏk iŏk sa lơi adrol păng iŏk lơi lơ, kon sư noh hăm gơh arih ưh? Sư ưh kơ đei arih ôh! Yua kơ sư hlôi pơm yoch dôm tơdrong kơnê̆, tơpă sư gô lôch păng pham sư gô tuh kơ kơ̆l sư.

Êsêkiên 43:9

Dang ei lu sư athei hŭt lê̆ tơdrong pơm pơyô kư̆ kă păng akâu lu pơtao lôch ataih đơ̆ng Inh, Inh gô oei hơdai lu sư ling-lang hlŏng hloi.

Hôsia 14:1

Ơ lu bơngai Isơrael, wih brŏk bĕ tơ Kră Yang, 'Bok Kei-Dei iĕm; yua kơ đơ̆ng tơdrong kơnê̆ lu iĕm, na lu iĕm pơ̆k huŏng boih.

Hôsia 2:2

Chrih bĕ kơ mĕ lu iĕm, chrih bĕ yua kơ sư noh ưh kơ sĭ akăn Inh, Inh kư̆m ưh kơ sĭ kơ klo sư! Sư athei hŭt lê̆ mă ataih tơdrong pơm pơyô kư̆ kă đơ̆ng sư tơdrong kơđang kơ̆l hơko đơ̆ng alam toh sư;

Hôsia 7:16

Lu sư wih brŏk mă-lei ưh kơ tơklă tơ Kră Yang Tih Hloh, lu sư kư̆m thoi hră đe prah rĕng tơ nai. Lu kră pơgơ̆r lu sư gô pơ̆k lôch kơ đao gưm, yua kơ hơpiĕt lu sư pơma hơlĕnh. Tơdrong noh pơm kơ đe hiĕk ăr che bơle kơ lu sư tơ lăm char Êyiptơ.

Jôel 2:12

Mă-lei Kră Yang khan: “Dang ei iĕm athei wih brŏk tơ Inh, hăm đĭ jơhngơ̆m lu iĕm, hăm tơdrong ơ̆t por, hăm tơdrong ơh sơ'ngon nhơ̆m hmoi.

Sa 1:4

'Nĕ kơ pơm thoi 'bok yă lu iĕm sơ̆ thoi lu 'bok khan lê̆ adrol sơ̆ đei krao lu sư. Kră Yang Tih Hloh đei khan: ‘Dang ei weh bĕ đơ̆ng trong kơnê̆ păng đơ̆ng lu tơdrong pơm kơnê̆.’ Mă-lei lu sư ưh kơ mơ̆ng, kuă kơ mơ̆ng Inh, Kră Yang khan thoi noh.

Both 27:15

Hiap pơtê̆ bĕ kơ bơngai bu pơm rup yang, man dah hling, tơmam mă Kră Yang areh krưp dêh, tơdrong jang đơ̆ng tơpang ti kon bơngai, pơdơ̆ng kơkuh sư noh tơ anih hlơp! Đĭ-đăng kon pơlei gô khan: A-men!

Both 4:30

Kơplah lu iĕm đei tơdrong pơmat-tat păng đei dôm tơdrong truh kơ iĕm, lăm năr mă tuch-luch, lu iĕm gô wih brŏk tơ Kră Yang 'Bok Kei-Dei iĕm păng chu kiơ̆ nơ̆r Sư.

Jôsuê 24:14

Thoi noh dang ei, athei chu yom bĕ kơ Kră Yang păng pơm kiơ̆ kơ Sư hăm đĭ jơhngơ̆m păng tơnăp, hŭt lê̆ bĕ lu yang mă 'bok lu iĕm kơkuh tơ gah hơlĕch kơ đak Krong Tih păng tơ lăm char Êyiptơ; athei chu yom bĕ kơ Kră Yang.

Lu 10:16

Lu sư hŭt lê̆ đĭ lu yang nai đêl lu sư kơkuh păng awih awăn chu kiơ̆ Kră Yang. Kră Yang Sư sơ'ngon dêh 'bôh lu bơngai Isơrael pơmat-tat.

I Sam 7:3

Samuel khan kơ đĭ-đăng bơngai Isơrael thoi âu: Tơdah đĭ jơhngơ̆m wih brŏk tơ Kră Yang, iĕm athei hŭt lê̆ lu rup yang bơngai tơmoi păng rup yang drŏ-kăn Astarôt đơ̆ng lăm iĕm, na đĭ jơhngơ̆m kiơ̆ Kră Yang, lăp kơ bơ̆jang kơ minh 'nu Sư đĕch. Sư gô dŏng pơklaih iĕm đơ̆ng bơngai Philistin ngei ngei.