Je 39:4 - Sơ̆p Hlabơar Nơ̆r 'Bok Kei-Dei

⁴ Sêđekia, pơtao đe Juđa, hăm lu linh tơblah 'bôh tơdrong noh lu sư kơdâu lĕch đơ̆ng pơlei, kơmăng rok trong pơgar 'nhot pơtao, lĕch trong 'măng jang sơlam dur, lu sư yak tơpăt tơ Araba.

Je 39:4 Iomraidhean Croise

II Ho 32:5

Sư adrin, man tơiung ming dur mă đĭ păk hơlih lap gleh tơpă; hăm man lu hnam thôt kơpal noh! Sư kư̆m man minh tăl dur plơ̆ng tơ đaih kơ pơlei noh. Sư kư̆m man ming kơjăp Milô pơlei Đawit păng tuh hơjơ̆m lơ khêl đao tơmam tơblah.

Êsai 22:11

Lu iĕm pơm sơlŭng dơnâu plah sơlam dur pơlei wă mong iŏk đak đơ̆ng đak dơnâu so. Mă-lei iĕm ưh kơ gơnang ôh kơ Tơ'ngla pơm tơdrong noh, iĕm kư̆m ưh kơ lăng ôh tơ Tơ'ngla hơmet lê̆ wă pơm tơdrong noh đơ̆ng sơ̆.

Êsai 22:3

Đĭ-đăng lu kră pơgơ̆r lu iĕm lu sư wang kơdâu chă ôn, đe rôp chô̆ lu sư, ưh kơ đei yua hră ôh. Đe rôp đĭ bơih lu kon pơlei iĕm, mă đe đei chă 'bôh, mă khan lu sư kơdâu ataih bơih ră.

Êsai 29:2

Inh gô pơm ăn kơ pơlei Ariêl pơmat-tat; gô đei nhơ̆m hmoi ơh sơ'ngon, hăm Inh pơlei Ariêl gô nhen thoi chơnang soi pơyơ̆r.

Je 32:4

Gah Sêđekia, pơtao đe Juđa, sư ưh kơ gơh klaih đơ̆ng ti lu bơngai Kalđê, sĭt tơpă pơtao Babilôn gô rôp phak sư, sư gô pơma dơnuh hăm pơtao 'bơ̆t tơm măt sư 'bôh hăm măt sư kơdih.

Je 32:5

Pơtao Babilôn gô rôp anhăk ba pơtao Sêđekia tơ Babilôn, sư gô oei tơ noh truh tơ Inh hơmet sư, tơdah Lu iĕm tơblah hăm bơngai Kalđê, ưh kơ đei jei iĕm ôh?”

Êsêkiên 12:12

Kon pơtao lăm lu sư gô tôi tơmam tơ hơngiĕng kơdih yak kơmăng. Lu sư bŏk bơlôh dur, sư gô lĕch trong noh. Sư gô gom muh măt wă ưh kơ 'bôh teh đak âu.

Êsêkiên 12:4

Chĕp ba tơmam ih kơdih thoi đe pơpuh tơjăk kơ'năr 'bơ̆t anăp lu sư; wă kơ lu sư 'bôh; kơsơ̆ ih lĕch yak 'bơ̆t anăp lu sư wă lu sư lăng, ih lĕch yak nơnăm thoi lu bơngai đe pơpuh.

Lêwi 26:17

Inh gô wih rŏng hil mĭl kơ iĕm, lu bơngai ayăt kơ iĕm gô teh dong iĕm, lu bơngai areh kơ iĕm gô pơgơ̆r iĕm, lu iĕm gô kơdâu ôn mă khan ưh kơ đei bu druh.

Lêwi 26:36

Lu bơngai mă oei arih inh gô ăn kơ lu sư rơdu lêl kơplah lu sư oei lăm teh đak bơngai ayăt kơ lu sư. Minh hlak hla kial dơhlu kư̆m pơm kơ sư kơdâu ôn, lu sư kơdâu thoi đe kơdâu kơ đao hơlă păng gô pơ̆k mă ưh kơ đei bu druh sư.

Am 2:14

Lu bơngai kơdâu kuăng ưh kơ gơh kơdâu klĕnh ôh, lu bơngai pran kơtang kư̆m gô pă kĕ mơ̆n păng lu bơngai nuih kư̆m ưh pă gơh pơklaih akâu sư kơdih.

Both 28:25

Kră Yang gô ăn lu bơngai ayăt blah pơrăm iĕm jei lu sư; lu iĕm gô năm blah sư minh trong, lĕch kơdâu ôn kơ lu sư tơpơh trong; lu adrĕch adrung kơpal teh 'bôh iĕm gô hli tơrơ.