Je 33:3 - Sơ̆p Hlabơar Nơ̆r 'Bok Kei-Dei

³ Krao apinh Inh bĕ, Inh gô tơl tơwih; Inh gô tơ'bôh ăn kơ ih tơdrong tih jrŭ păng tơnat kơ hlôh, dôm tơdrong mă ih ưh tam mă băt.”

Je 33:3 Iomraidhean Croise

Horiso 145:18

Kră Yang oei jê̆ lu bơngai krao chă Sư. Wă khan oei jê̆ lu đe bu mă krao chă Sư đĭ jơhngơ̆m tơpă.

Horiso 25:14

Kră Yang pơdah ăn tơdrong hlơpa hăm lu Bơngai đe mă hli yom kơ Sư. Tơ'bôh ăn kơ bơngai noh băt tơdrong Sư pơgơ̆p.

Horiso 50:15

Lăm năr anat anot krao bĕ Inh. Inh gô pơklaih ih, na ih gô bơnê ư-ang kơ Inh.”

Horiso 91:15

Sư gô krao khan apinh Inh, Inh gô tơl tơwih kơ sư; Lăm năr pơmat-tat, Inh oei hơdai sư, dŏng pơklaih sư păng pôk pơư kơ sư.

Êsai 45:3

Inh gô ăn kơ ih tơmam gĭt tah ôn lăm anih măng mu, Ăn kơ ih mŭk tơmam gĭt lăm anih hlơp, wă kơ ih băt kơ Inh bơih Kră Yang, 'Bok Kei-Dei đe Isơrael. Tơ'ngla krao ih hăm anăn ih.

Êsai 48:6

Ih kơtơ̆ng bơih, ih lăng lăng bĕ dôm tơdrong 'nâu lei lu iĕm ưh kơ sơng iŏk hă? Đơ̆ng âu tơ anăp, Inh gô ăn kơ iĕm băt dôm tơdrong 'nao, dôm tơdrong hrĕp mă iĕm tam mă băt,

Êsai 65:24

Adrol kơ lu sư krao apinh; Inh gô tơl tơwih nơ̆r lu sư To lu sư oei pơma, Inh kơtơ̆ng bơih.

Je 23:35

'Nâu tơdrong lu iĕm gô pơma tơjet băl tơduă, bơngai âu jet bơngai to: ‘Kră Yang đei tơl thoi yơ?’ Dah ‘Đei bơtho khan tơdrong kiơ?’

Je 29:12

Kơplah lu iĕm năm krao chă Inh, krao apinh Inh, Inh gô tơl tơwih.

Je 32:17

“Ơ Kră Yang! Ih boih Tơ'ngla yơ̆r ti man pơjing kơ plĕnh hăm teh âu hăm tơdrong mơsêh mơyang tih Ih. Ưh kơ đei tơdrong kiơ mă tơnat 'bơ̆t anăp Ih.

Je 32:27

“'Nâu, Inh boih Kră Yang, 'Bok Kei-Dei kơ đĭ-đăng kon bơngai. Hăm đei tơdrong kiơ mă hơnat kơ Inh?”

Da 2:18

Sư apinh buăl sư krao khan hơpơi kơ Kră Yang 'Bok Kei-Dei mơnat kơ lu sư tơ'bôh ăn tơdrong hlơp noh, wă kơ Đaniel hăm lu buăl sư huay kơ đe pơlôch, hơdai hăm lu bơngai hơgei đe Babilôn.

Da 2:22

Đơ̆ng Sư boih mă tơbăt dôm tơdrong jrŭ ataih mă hlơp: Sư băt tôm tơdrong. Tơ lăm măng mu păng tơdrong hơdah oei lăm Sư.

Da 2:23

Ơ Kră Yang 'Bok Kei-Dei inh! Inh bơnê păng ư-ang kơ Ih, yua kơ đơ̆ng Ih ăn kơ inh tơdrong hlôh wao gơh hơgei păng tơdrong mơsêh dang ei, Ih ăn boih kơ inh jing băt kơ tơdrong mă lu nhôn krao khan apinh, na roi tơbăt ăn kơ nhôn băt kơ tơdrong pơtao apo.

Jôel 2:32

Na bu krao hơpơi kơ Kră Yang gô klaih, Kră Yang đei khan, tơ kông Siôn păng lăm pơlei Jêrusalem, gô đei lu bơngai kơdâu ôn klaih bơih, lu bơngai mă Kră Yang gô krao iŏk.

Am 3:7

Kŭm thoi noh Kră Yang ưh kơ đei pơm minh tơdrong kiơ, tơdah sư ưh tam mă tơbăt lê̆ adrol tơdrong hlơp kơ lu đĭch đam sư, lu bơngai khan lê̆ adrol.

Mi 7:15

Inh gô pơdah ăn kơ lu sư dôm tơdrong hlĭch chrơp, kư̆m thoi lu năr mă iĕm lĕch đơ̆ng teh đak Êyiptơ.

Mathiơ 13:35

wă kơ trŏ thoi minh 'nu bơngai pơtruh nơ̆r 'Bok Kei-Dei khan lê̆ hơdrol sơ̆ thoi âu: “Inh iŏk tơdrong mă đe ưh tam kơtơ̆ng đơ̆ng 'Bok Kei-Dei pơjing plĕnh teh sơ̆, Wă bơtho pơtih gia kơ lu sư dang ei.”

Jang 2:21

Thoi noh bu mă krao khan kơ Kră Yang, sư gơh klaih đơ̆ng tơdrong răm.’ ”

I Kor 1:2

chih hơpong kơ lu 'nhŏng oh bơngai lui tơ pơlei iĕm Kôrintô. 'Bok Kei-Dei rơih iŏk iĕm jing kon Sư, iĕm jing bơngai tơpăt yua kơ iĕm lui kơ Yêsu Krist, noh kư̆m thoi lĕ đĭ-đăng bơngai mă krao khan kơ Yŏng bơ̆n Yêsu Krist jơ̆p kơ anih; Sư Kră Yang đĭ-đăng kơ bơ̆n.

Êphêsô 3:20

Bơnê kơ 'Bok Kei-Dei Kră Yang mơsêh tăp pang mơyang tăp dăr tơgŭm bơ̆n lơ hloh kơ đêl bơ̆n apinh, lơ hloh kơ đêl đon bơ̆n tơchĕng.

Both 4:29

Mă-lei đơ̆ng noh lu iĕm gô krao chă Kră Yang 'Bok Kei-Dei iĕm, layơ iĕm chă Kră Yang hăm đĭ jơhngơ̆m, đĭ tơdrong tơchĕng na gơh tơ'bơ̆p Sư.

Both 4:7

Ưh kơ đei adrĕch tih ayơ mă đei yang jê̆ lu sư thoi Kră Yang 'Bok Kei-Dei oei jê̆ lu bơ̆n ling-lang na mơ̆ng rim nơ̆r krao khan thoi bơ̆n:

Tơdrông Tơ'bôh 2:17

‘Bơngai bu đei đon, mơ̆ng bĕ dôm tơdrong Yang Bơhngol 'Lơ̆ng pơma kơ rim hnam akŭm 'Bok Kei-Dei. Tơdrong tơblah păng yang kơnê̆ jei bu, Inh gô ăn kơ bơngai noh 'bĕng mana mă kon bơngai tơ ala teh ưh tam đei sa ôh păng Inh gô pôk anăn sư 'nao, anăn 'nao noh Inh chih tơ tơmo kok lat, na ăn kơ sư. Anăn noh lu đe nai ưh kơ băt ôh, pôm sư kơdih đĕch băt.’ ”