Je 32:8 - Sơ̆p Hlabơar Nơ̆r 'Bok Kei-Dei

⁸ Hanamel, kon drŏ-nglo ma inh, trŏ thoi nơ̆r Kră Yang khan năm tơ'bơ̆p inh tơ anih cham lu linh gak păng khan: “Apinh ih huai iŏk mir na inh tơ Anathôt, lăm char Bênjamin, yua kơ ih trŏ kơ gơh răt iŏk mir noh. Ih răt iŏk bĕ.” Na inh băt noh jĭ nơ̆r Kră Yang.

Je 32:8 Iomraidhean Croise

I Pot 2:26

Pơtao Sôlômôn khan kơ 'bok soi Abiathar: “Ih athei brŏk tơ pơlei Anathôt, anih ih jang sa, ih trŏ kơ lôch ră, mă-lei năr âu inh ưh kơ pơlôch ih ôh, yua kơ ih tung Hom Pơgơ̆p Kră Yang 'bơ̆t anăp Đawit 'bă inh păng kư̆m wang pŭ tơdrong gleh pơmat hơdai hăm 'bă inh.”

I Pot 22:25

Mikai tơl: “Ih gô băt tơdrong noh, lăm năr ih kơdâu ôn tơ anih hrĕp kơnh.”

I Ho 6:60

Iŏk đơ̆ng adrĕch Bênjamin pơjao ăn kơ lu sư pơlei Gêba, Alêmet, Anahôt, păng dơnih 'nhĕt lu sư. Đĭ-đăng đei mơjĭt-pêng tŏ pơlei tih, ăn kiơ̆ kơ adrĕch adrung lu sư.

Je 1:1

Nơ̆r Jêrêmi kon drŏ-nglo Hilkia. Sư minh lăm lu 'bok soi oei tơ pơlei Anathôt, lăm char Bênjamin.

Je 32:2

Kơplah noh lu linh pơtao Babilôn wang pơlei tih Jêrusalem; gah Jêrêmi bơngai khan lê̆ adrol đe rôp phak lăm anih cham lu linh gak hnam pơtao Juđa.

Je 32:25

Ơ Kră Yang, Ih khan boih kơ inh: ‘Yua bĕ jên hu ih răt mir na âu păng chă đei bơngai kơdranh pơsĭt, na to pơlei tih âu jao boih lăm ti lu bơngai Kalđê.’ ” Lei liơ?

Je 32:7

‘'Nâu, Hanamel kon drŏ-nglo Salum ma ih gô năm truh khan kơ ih: Răt bĕ mir na inh tơ Anathôt: Yua kơ ih kơtum jê̆ trŏ lăp kơ huai iŏk.’ ”

Je 33:1

Kơplah Jêrêmi đe phak tơ lăm cham lu linh gak, đei nơ̆r Kră Yang khan kơ sư wơ̆t mă 'bar.

Je 37:12

Jêrêmi wă lĕch đơ̆ng pơlei Jêrusalem yak năm tơ char Bênjamin, wă iŏk klah asong hơnam sư đŏng lăm kon pơlei tơ noh.

Êsêkiên 12:7

Inh pơm kiơ̆ thoi Sư pơkă. Inh chĕp tơmam yak tŏk-bŏk kơ'năr thoi lu bơngai weh jăk. Truh kơsơ̆ măng inh bŏk dur hăm ti. Inh tôi tơmam tơ hơngiĕng jăk yak kơsơ̆ măng 'bơ̆t anăp lu sư.

Sa 11:11

Sư pơtôch hloi lăm năr noh; thoi noh đĭ-đăng lăm khŭl triu pơmat-tat tơpă, triu mă mơ̆ng kiơ̆ Inh, băt boih noh nơ̆r đơ̆ng Kră Yang.

Yo 4:53

'Bok kuan ei băt hloi kơplah mônh jơ 'năr glơh brei 'blep hloi kơ jơ Yêsu khan kơ sư, khan kon sư huay kơ lôch. Thoi noh na 'bok kuan ei lui hloi kơ Yêsu păng đĭ-đăng hnam dơnŏ sư kư̆m lui mơ̆n.