Je 3:9 - Sơ̆p Hlabơar Nơ̆r 'Bok Kei-Dei

⁹ Yua kơ lu sư tơchĕng khan pơm pơyô kư̆ kă huay kơ yoch kơnê̆, na pơm ăn kơ dêh char jing 'mê̆-'mach, ngôi kư̆ kă hăm tơmo hăm 'long.

Je 3:9 Iomraidhean Croise

Êsai 57:3

Mă-lei lu iĕm ơ lu kon drŏ-nglo yă pơjâu, adrĕch adrung lu bơngai ngôi pơyô kư̆ kă păng drŏ-kăn đi, năm jê̆ tơ âu bĕ.

Êsai 57:6

Lu tơmo iel rang tơ lăm thŭng noh jing rup Yang iĕm. Tơ lu tơmo noh lu iĕm tuh đak rơmă păng pơyơ̆r tơmam huch, păng phe 'ba pơm tơmam soi kơ lu tơmo 'noh. Liơ mă inh gơh ngach ưh kơ blĕk kơ tơdrong 'noh?

Je 10:8

Lu sư jing kơtul kơwao ngăl; rup yang hăm 'long đe traih bơtho lu sư,

Je 16:18

Inh gô pơm 'mong kơ lu sư 'bar wơ̆t hloh, tơdrong yoch kơnê̆ lu sư pơm, yua kơ lu sư pơm 'mê̆-'mach kơ teh đak păng tơdrong jang Inh 'bĕnh hăm akâu lôch lu tơmam Inh areh,

Je 2:27

Lu sư khan kơ 'long, ‘Ih boih 'bă inh,’ khan kơ tơmo, Ih boih pơjing kơ inh. Lu sư tơwih rŏng kơ Inh, ưh kơ tơwih gah muh măt; Mă-lei kơplah lu sư đei tơdrong rŭng răng, lu sư khan: ‘Iung na pơklaih nhôn bĕ!’

Je 2:7

Inh chông ba iĕm mơ̆t lăm teh đak mơ̆r 'lơ̆ng, ăn kơ iĕm yua sa plei 'long păng yua iŏk lu tơmam sa 'lơ̆ng. Mă-lei lăp 'nao truh lu iĕm pơm pơ'mê̆ hloi kơ teh đak Inh, pơm kơ dôm tơdrong Inh pơjing đe lăng krưp.

Je 3:2

“Ngơk lăng bĕ tơ kơpal groi, hăm đei anih ayơ mă lu iĕm ưh kơ đei pơm pơyô? Iĕm ngôi cheng trong wă răp gô lu pơyô iĕm, thoi bơngai Arâpa chă răp lăm char glă; Iĕm đei pơm pơ'mê̆ boih kơ teh âu hăm tơdrong pơm pơyô krưp dêh.

Êsêkiên 16:17

Ih kư̆m iŏk tơmam pơhrôp pơm hăm maih, hu, mă Inh ăn kơ ih boih; ih pơm lu rup akâu drŏ-nglo, na pơm pơyô kư̆ kă hăm lu noh.

Êsêkiên 23:10

Lu sư plôh lê̆ hơbĕn ao sư, rôp lu kon drŏ-kăn kon drŏ-nglo sư, na iŏk đao pơlôch sư. Đe phak pơmat sư, sư boih lăm lu drŏ-kăn mă đe roi sa.

Êsêkiên 23:21

Sư 'blŏk rŏ kơ oei ngôi kư̆ kă thoi kơplah sư oei adruh mơlôh lăm char Êyiptơ. Đe ngôi pơyô kư̆ kă hăm sư păng chơpĕt toh sư oei adruh mơlôh.

Êsêkiên 23:3

Bre sư pơm đi lăm char Êyiptơ, bre sư pơm đi đơ̆ng oei 'lơ̆p tơ noh, toh bre sư đe chơpĕt, tơ noh tơdrong hơdruh 'lơ̆ng hơnĭl bre sư đe pơhiah lê̆.

Hôsia 2:2

Chrih bĕ kơ mĕ lu iĕm, chrih bĕ yua kơ sư noh ưh kơ sĭ akăn Inh, Inh kư̆m ưh kơ sĭ kơ klo sư! Sư athei hŭt lê̆ mă ataih tơdrong pơm pơyô kư̆ kă đơ̆ng sư tơdrong kơđang kơ̆l hơko đơ̆ng alam toh sư;

Hôsia 4:12

Kon pơlei Inh apinh yang rup pơm păng 'long, na 'long jra gô tơl lu sư; yua kơ jơhngơ̆m 'maih pơm kư̆ kă jing pơm kơ lu sư achăng lê̆ Kră Yang 'Bok Kei-Dei lu sư 'maih wă pơm pơyô kư̆ kă.

Jôel 1:19

Ơ Kră Yang, Ih bơih mă inh krao apinh, yua kơ ŭnh sa đĭ boih lu 'nhĕt lăm tơmăn glă, pla ŭnh sa đĭ boih lu 'long tơ lăm bri!

Habakuk 2:19

Răm-'băm tơpă kơ lu đe bu khan kơ 'long rup pơm 'bih thoi âu: ‘Ih hơđơ̆r bĕ! Păng khan kơ rup yang tơmo klĭk thoi âu: ‘Iung bĕ ih!’ Bơtho tơ'bôh lu nhôn? Âu, sư noh jơ̆ kơtuăl hu maih đĕch, ưh kơ gơh dui jơhngơ̆m.

Mathiơ 5:32

Na Inh bơtho iĕm dang ei thoi âu: Akăn sư ưh kơ đei pơm yoch kơ sư, mă-lei klo sư achăng tŭk, na akăn sư jing iŏk klo plơ̆ng, na klo kăn mă đơ̆ng rŏng noh kư̆m dang pơm yoch mơ̆n, yua kơ klo sư hơdrol achăng ưh kơ trŏ kơ tơdrong achăng, na 'Bok Kei-Dei oei jô̆ bre sư klo kăn so đĕch. Mă-lei tơdrong yoch lu sư noh, klo sư mă hơdrol pơm kơ lu sư jing yoch đĭ-đăng.