Je 3:6 - Sơ̆p Hlabơar Nơ̆r 'Bok Kei-Dei

⁶ Kră Yang khan kơ inh, lăm chăl Jôsia pơm pơtao: “Ih hăm 'bôh dôm tơdrong bơngai Isơrael đei pơm boih, lu sư chă tŏk tơ jơ̆p kơ groi păng jơ̆p kơ yơ̆p tơm 'long hla hơmŭl; na pơm pơyô kư̆ kă tơ noh.

Je 3:6 Iomraidhean Croise

I Pot 14:23

Lu bơngai Juđa kư̆m dai pơm ăn kơ lu sư kơdih hnam kơkuh kơ lu rup yang tơ anih kơjung, pơm gơ̆ng soi păng tơmo, lu gơ̆ng rup yang Asêrim yang drŏ-kăn tơ anih groi kơjung tơ ala rim tơnơm 'long.

II Ho 34:1

Jôsia 'nao lăp tơhngam sơnăm 'bơ̆t kơplah đe pôk sư pơm pơtao păng sư pơgơ̆r đei pêng-jĭt mônh sơnăm lăm pơlei Jêrusalem.

Horiso 106:39

Lu sư jing 'mê̆ yua kơ đơ̆ng tơdrong jang kơdih lu sư. Na lu sư jing pơm đi ngôi kư̆ kă.

Êsai 57:3

Mă-lei lu iĕm ơ lu kon drŏ-nglo yă pơjâu, adrĕch adrung lu bơngai ngôi pơyô kư̆ kă păng drŏ-kăn đi, năm jê̆ tơ âu bĕ.

Êsai 57:7

Tơ kơpal kông kơjung lu iĕm dan giơng tep, păng tŏk tơ noh wă pơyơ̆r tơmam soi.

Je 1:2

Kră Yang khan kơ sư lăm sơnăm mơjĭt-pêng kơplah Jôsia, kon drŏ-nglo Ammôn pơgơ̆r pơm pơtao đe Juđa.

Je 11:10

Lu sư wơ̆t kiơ̆ pơm tơdrong kơnê̆ thoi lu 'bok yă lu sư sơ̆, lu bơngai mă sơngah kuă kơ kiơ̆ nơ̆r Inh tơtă. Lu sư kiơ̆ păng kơkuh kơ yang nai. Adrĕch Isơrael păng adrĕch Juđa pơm glăi boih kơ nơ̆r Inh pơgơ̆p hăm 'bok yă lu sư sơ̆.

Je 17:2

Kon sâu lu sư kư̆m 'blŏk dơ̆ng kơ chơnang soi păng lu gơ̆ng rup yang Asêra mă đêl lu sư pơm, Tơ yơ̆p 'long hơmŭl. Tơ grôn groi kơjung.

Je 3:8

Sư 'bôh boih yua kơ tơdrong luĕl 'blal lu bơngai Isơrael pơm pơyô ngôi kư̆ kă. Na Inh achăng lê̆ sư pơm hla bơar hrĕch păng puh tơweh sư. Mă-lei oh sư bơngai Juđa ưh kơ hli ôh, kư̆m wang pơm pơyô kư̆ kă noh.

Je 31:22

Oei pă dang yơ dơ̆ng lu iĕm oei thông mang. Ơ kon adruh ưh kơ 'blep? Kră Yang đei pơjing boih minh tơdrong 'nao plơ̆ng lăm teh đak: Bơngai drŏ-kăn wei wêr bơngai drŏ-nglo.”

Je 5:11

Adrĕch Isơrael păng adrĕch Juđa, oei sa ưh kơ tơpăt hăm Inh ôh,” noh Kră Yang khan,

Je 7:24

Mă-lei lu sư ưh kơ wă mơ̆ng nơ̆r Inh kư̆m kuă kơ pơgling đon mơ̆n, lu sư arih kiơ̆ kơdih wă kiơ̆ kơ jơhngơ̆m kơnê̆, arăng kơ̆l, lu sư kơdŭn tơ rŏng ưh kơ năm tơ anăp.

Êsêkiên 16:31

Ih pơm anih kơkuh rim tơm trong, pơjing anih kơjung tơ rim anih akŭm pơđâu lăm pơlei; ih ưh kơ sĭ thoi bơngai drŏ-kăn pơm đi, yua kơ đe ưh kơ apah jên.

Êsêkiên 16:35

Na ơ bơngai pơm đi, athei mơ̆ng bĕ nơ̆r Kră Yang.

Êsêkiên 20:28

Inh chông ba lu sư mơ̆t tơ char mă Inh pơkă ăn kơ lu sư, mă-lei lăp lu sư 'bôh groi kơjung păng lu 'long đei hla rơ̆m, lu sư iŏk tơmam soi pơyơ̆r tơ noh. Lu sư pơyơ̆r tơmam soi noh tơblĕk Inh lu sư pơyơ̆r tơmam soh 'bâu phu păng tơmam soi huch sa tơ noh.

Êsêkiên 23:11

Oh drŏ-kăn sư Ôhôliba 'bôh thoi noh boih na roi pơm đi kư̆ kă hloh kơ mŏ sư.

Êsêkiên 23:4

Mŏ sư anăn Ôhôla păng oh sư anăn Ôhôliba. Lu sư gah Inh, đei pơjing kon drŏ-nglo kon drŏ-kăn. Ôhôla noh jơ̆ pơlei Samari, păng Ôhôliba noh jơ̆ pơlei Jêrusalem.

Hôsia 11:7

Lu kon pơlei Inh pơkă wă achăng lê̆ Inh ngơ-ngei khan đe krao lu sư wih tơ Kră Yang Tih Hloh, ưh kơ đei bu iung wih.

Hôsia 4:13

Lu sư pơm yang kơpal kông, păng soh 'long 'bâu phu tơ kơpal groi, tơ ala tơm 'long kôih, 'long hơngo, 'long têrebin yua kơ đei yơ̆p rơngơp dêh. Yua kơ thoi noh na lu kon adruh lu iĕm pơm pơyô kư̆ kă, păng mŏ mai iĕm tơtông pơyô hăm đe nai.

Lu 2:17

Mă-lei lu sư kư̆m ưh kơ wă mơ̆ng lu 'bok sek tơlang lu sư kiơ̆ kơkuh kơ yang nai. Lu sư ưh kơ rok kiơ̆ trong mă đêl yă 'bok lu sư yak, ưh kơ rok kiơ̆ păng ưh kơ wei răk tơdrong juăt Kră Yang.