Je 3:5 - Sơ̆p Hlabơar Nơ̆r 'Bok Kei-Dei

⁵ Ih oei hil mĭl ling-lang hă? Ih oei blĕk khŏm khŏm hă?’ 'Nâu, mă iĕm pơma, mă-lei iĕm pơm boih tơdrong kơnê̆ kiơ̆ thoi iĕm wă.”

Je 3:5 Iomraidhean Croise

II Ho 29:10

Dang ei jơhngơ̆m inh wă pơm tơdrong pơgơ̆p hăm Kră Yang 'Bok Kei-Dei Isơrael, wă kơ tơdrong hil mĭl Sư ngach.

Horiso 85:5

Ih oei wă hil kơ lu nhôn ling-lang aah? Tơdrong blĕk Ih oei khŏm khŏm hă?

Horiso 85:6

Ih ưh pă tơiung lu nhôn dơ̆ng boih hă? Wă kơ kon pơlei Ih chơt hiôk lăm Ih?

Êsai 57:16

Inh ưh kơ wă jô̆ yoch ling-lang ôh, kư̆m ưh kơ hil mĭl ling-lang mơ̆n, hli kơ kơnh gô rơdu bơhngol păng kial dui jơhngơ̆m kon bơngai mă Inh đei pơjing bơih kư̆m hiong,

Êsai 64:9

Ơ Kră Yang, apinh Ih 'nĕ kơ hil dêh hnang 'nĕ pă 'blŏk tơdrong yoch kơnê̆ lu nhôn ling-lang! 'Nâu apinh Ih lăng lu nhôn thoi kon pơlei Ih ngăl!

Je 3:12

Năm bĕ tơ gah yă-nơ̆m ră roi tơdrong 'nâu: Kră Yang khan: ‘Ơ Isơrael bơngai mă ưh kơ tơpăt, brŏk bĕ! Inh lăng tơ iĕm muh măt Inh huay pă thoi 'maih hil boih, yua kơ Inh băt 'mêm mơnat: Inh ưh pă hil ling-lang dơ̆ng boih,’ Kră Yang khan.

Je 8:5

Lei liơ kon pơlei âu jrok hloi? Liơ kon pơlei Jêrusalem wơ̆l jrok ling-lang? Lu sư rôp kơjăp tơdrong hơlĕnh, sơngah kuă kơ wih brŏk.

Je 8:6

Inh pơgling đon păng oei mơ̆ng, mă-lei lu sư pơma ưh kơ tơpăt ôh. Ưh kơ đei bu tơbral tơdrong yoch sư, na khan: “Tơdrong kiơ inh đei pơm boih?” Rim 'nu yak kiơ̆ trong lu sư kơdih, thoi aseh hrơ̆t năm tơpăt tơ anăp wă tơblah.

Êsêkiên 22:6

To, lu yŏng Pơgơ̆r Isơrael oei lăm ih, rim 'nu yua tơdrong pran kơtang kơdih pơm tuh pham pơlôch đe.

Mi 2:1

Răm-'băm tơpă kơ bơngai bu chă đon kơnê̆ 'maih pơm tơdrong yoch tơ kơpal giơng sư kơdih, truh pơgê hrôih lu sư pơm tơdrong lu sư tơchĕng lê̆ boih. Yua kơ lu sư gơh pơm tơdrong thoi noh!

Mi 7:3

Ti lu sư hrăn nŏng kơ pơm kơnê̆. Yŏng pơgơ̆r chă apinh mŭk tơmam, 'bok sek tơlang kư̆m hrăn chă sa pơgâm, gah bơngai pran kơtang 'maih pơm kơnê̆ kiơ̆ kơ jơhngơ̆m kơdih; thoi noh na lu sư pơđâu hơdai.