Je 3:21 - Sơ̆p Hlabơar Nơ̆r 'Bok Kei-Dei

²¹ Đe kơtơ̆ng nơ̆r tơ kơpal kông groi: Noh nơ̆r lu kon pơlei Isơrael nhơ̆m hmoi păng ôr krao, yua kơ lu sư yak kiơ̆ trong glăi, hiong hiơt boih kơ Kră Yang 'Bok Kei-Dei lu sư.

Je 3:21 Iomraidhean Croise

Jop 33:27

Sư hat hơri păng roi tơbăt 'bơ̆t anăp đĭ-đăng bơngai. ‘Inh pơm yoch bơih yak đŏng đĕo weh đơ̆ng trong tơpăt. Mă-lei Kră Yang ưh kơ đei phak kiơ̆ kơ inh yoch.

Tơdrông Pơđơk 10:9

Bơngai bu năm kiơ̆ trong tơpăt băt yak hiôk-hian. Mă-lei bơngai bu yak kiơ̆ trong đŏng gô pơmat.

Tơdrông Pơđơk 19:3

Bơngai kơwao kư̆m gô tơhiong trong sư. Mă-lei đei jơhngơ̆m sư hil kơ Kră Yang.

Êsai 15:2

Lu bơngai Dibôn tŏk tơ groi; lu sư năm tŏk tơ anih kơjung kơkuh kơ yang wă hmoi; kon pơlei Môap nhơ̆m hmoi ơh yua kơ kông Nêbô păng pơlei Mêdêba, lu sư yuă sŏk 'ngôch ngăl, sŏk kang lu sư hơkôih đĭ.

Êsai 17:10

Ih hiơt bơih kơ Kră Yang 'Bok Kei-Dei Tơ'ngla dŏng pơklaih ih; ih ưh kơ 'blŏk bơih hơgơp tơmo Tih mă ih kơ'nơp. Mă đơ̆ng ih pơtăm 'long arih 'lơ̆ng, ih pơtăm adrĕch 'long hơmu plơ̆ng đơ̆ng nai.

Êsai 57:11

Gơneh gơnơm kơ bu iĕm hli yom kơ bu, na iĕm mah pơma hơlĕnh kơ Inh. Ưh pă 'blŏk kơ Inh. Ưh pă 'măn Inh lăm jơhngơ̆m iĕm, hăm trŏ yua kơ Inh oei ngăn đunh dêh, na iĕm ưh kơ hli kơ Inh?

Je 12:12

Lu bơngai wă pơrăm truh boih, tơ jơ̆p-jang kơ groi grôn kơjung tơ lăm tơmăn glă; yua kơ đao gưm Kră Yang oei pơrăm teh đơ̆ng teh âu dĭng tơ to; Ưh kơ đei kon bơngai dah Sem brem kiơ mă oei hiôk hơđơ̆ng.

Je 13:25

'Nâu boih tơdrong Inh 'măn lê̆ kơ iĕm, đei klah asong hơgăt lê̆ pha ăn kơ ih.” Noh Kră Yang khan: Yua kơ iĕm hiơt kơ Inh boih; na gơnang kơ rup yang hơlĕnh pơdăr.

Je 18:15

Mă-lei kon pơlei Inh hiơt kơ Inh; Soh 'long 'bâu phu kơ rup yang kư̆ kă. Sơ̆ lu sư kiơ̆ trong so, mă-lei pơ̆k huŏng yua kơ rup yang, Na weh kiơ̆ trong nai, lu trong tam mă hơmet.

Je 2:32

Kon adruh hăm hiơt kơ tơmam pơguăng sư, mŏ mai hle hăm trŏ kơ sư hiơt kơ hơbĕn ao pơkong sư? Mă-lei kon pơlei Inh hiơt kơ Inh đunh boih pă kĕ jô̆ dang yơ.

Je 3:2

“Ngơk lăng bĕ tơ kơpal groi, hăm đei anih ayơ mă lu iĕm ưh kơ đei pơm pơyô? Iĕm ngôi cheng trong wă răp gô lu pơyô iĕm, thoi bơngai Arâpa chă răp lăm char glă; Iĕm đei pơm pơ'mê̆ boih kơ teh âu hăm tơdrong pơm pơyô krưp dêh.

Je 31:9

Lu sư brŏk hăm nhơ̆m hmoi, păng krao khan, Inh gô pơlung păng chông ba lu sư, Inh gô bơrơng lu sư rok cheng đak glung, rok trong dơhnă, lu sư huay kơtơih pơ̆k, yua kơ Inh boih 'bă kơ lu adrĕch Isơrael, păng Êphraim kon kơdră Inh.

Je 7:29

Hơkôih bĕ sŏk kơ̆l lu iĕm păng klơ̆m lê̆ mă ataih; ôr nhơ̆m hmoi bĕ tơ kơpal groi, yua kơ Kră Yang sơngah hŭt lê̆ boih adrĕch adrung mă Sư hil mĭl 'nâu.’ ”

Êsêkiên 23:35

Na Kră Yang khan: “Yua kơ ih hiơt kơ Inh, hŭt lê̆ Inh tơ rŏng, thoi noh ih chu pŭ tơdrong phak lăm tơdrong ih pơm đi, pơm pơyô kư̆ kă.”

Êsêkiên 7:16

Dôm lu bơngai ayơ klaih oei arih gô oei tơ kơpal kông nhơ̆m hmoi thoi sem kơtơp lăm pŭng-lŭng, đĭ-đăng lu sư nhơ̆m hmoi yua kơ tơdrong yoch kơdih.

Hôsia 13:6

Lăp lu sư sŏng sa phĭ boih, jơhngơ̆m lu sư jing pơang; yua kơ đơ̆ng noh na lu sư hiơt boih kơ inh.

Hôsia 8:14

Lu bơngai Isơrael hiơt boih kơ Tơ'ngla pơjing lu sư, păng đei pơdơ̆ng lu hnam pơtao, Juđa kư̆m đei thim lơ pơlei tih đei dur kơjăp, mă-lei Inh gô ăn ŭnh truh sa tơ pơlei tih, păng ŭnh 'noh soh chhông sa lu kơđông kơjăp lu sư.

Mi 3:9

Ơ lu kơdră hnam Jakôp păng lu bơngai pơgơ̆r hnam Isơrael, mơ̆ng bĕ nơ̆r âu, iĕm areh kơ tơdrong trŏ păng wă pơrăm pơrai tơdrong tơpăt hơnơ̆ng.

Jo 22:32

Linh jang Kră Yang khan: Liơ ih teh aseh ih pêng wơ̆t? 'Nâu inh năm tơ âu wă găn ih, yua kơ inh 'bôh ih wă năm kiơ̆ trong năm tơ tơdrong hiong răm.

II Kor 7:10

Tơdrong sơ'ngon yua kơ bơ̆n băt kơ 'Bok Kei-Dei, na 'Bok Kei-Dei pơm kơ bơ̆n tơbral kơdih tơdrong yoch huay kơ sơ'ngon; mă-lei dah bơ̆n sơ'ngon kơ tơdrong ala teh, bơ̆n gô hiong răm đĕch ưh kơ yua kiơ kơ bơ̆n.