Je 3:19 - Sơ̆p Hlabơar Nơ̆r 'Bok Kei-Dei

¹⁹ Gah Inh hơpơi: “Rŏ kơ Inh lăng iĕm thoi kon drŏ-nglo Inh, Inh ăn kơ lu iĕm dêh char 'lơ̆ng, teh jang sa 'lơ̆ng hloh kơ đĭ-đăng lu char nai! Inh hơpơi wă kơ iĕm krao Inh ‘'Bă’ Păng ưh pă weh achăng lê̆ Inh.

Je 3:19 Iomraidhean Croise

Horiso 106:24

Lu sư lăng hơi đĕch dêh char 'lơ̆ng rŏ. Ưh kơ lui kơ nơ̆r Kră Yang pơkă.

Horiso 16:6

Pŭn dêh kơ inh đei teh yua lăm anih 'lơ̆ng, Tơpă, inh đei tơmam yua 'măn kơ inh 'lơ̆ng tơpă.

Horiso 89:26

Sư gô krao Inh: Ih boih 'Bă Inh. Kră Yang 'Bok Kei-Dei inh păng Tơmo Tih tơdrong dŏng pơklaih inh.

Tơdrông Pơđơk 3:35

Bơngai gơh hơgei gô đei tơdrong ư-ang; Mă-lei bơngai kơwao gô mơlâu.

Êsai 63:16

Mă-lei Ih bơih 'Bă lu nhôn mă khan Abraham ưh kơ băt kơ lu nhôn Isơrael kư̆m ưh kơ jô̆ lu nhôn; Ơ Kră Yang Ih jơ̆ 'Bă lu nhôn. Anăn Ih jơ̆ Tơ'ngla dŏng pơklaih lu nhôn ling-lang đơ̆ng sơ̆.

Êsai 64:8

Ơ Kră Yang, mă khan thoi noh, Ih oei 'Bă lu nhôn, lu nhôn jơ̆ teh lơ̆n, Ih jơ̆ thơ̆ man lu nhôn; đĭ-đăng lu nhôn jơ̆ tơdrong jang đơ̆ng ti Ih.

Je 12:10

Lu bơngai wei triu pơrăm boih mir hơmu Inh; Pơjuă gơhlơ̆r teh Inh jang sa; lu sư pơm kơ teh 'lơ̆ng Inh jing bri juơ.

Je 3:17

Kơplah lăm năr noh đe gô krao pơlei Jêrusalem jơ̆ tăng dŏ pơtao Kră Yang păng rim kơ adrĕch adrung gô akŭm tơ pơlei Jêrusalem, lăm anăn Kră Yang. Ưh pă đei bu arăng kơ̆l kiơ̆ kơ jơhngơ̆m kơnê̆ lu sư dơ̆ng.

Je 3:4

Hăm trŏ iĕm oei krao Inh: ‘Ơ 'Bă nhôn, Ih boih buăl nhôn đơ̆ng nhôn oei 'lơ̆p sơ̆.

Je 31:20

“Hăm trŏ Êphraim kon Inh mă 'mêm? Kon inh kơeng? Mă khan dôm wơ̆t boih inh hil kơ sư; inh oei 'blŏk 'brơ̆k mơnat, Tơpă Inh gô mơnat kơ sư.” Noh Kră Yang khan.

Je 31:9

Lu sư brŏk hăm nhơ̆m hmoi, păng krao khan, Inh gô pơlung păng chông ba lu sư, Inh gô bơrơng lu sư rok cheng đak glung, rok trong dơhnă, lu sư huay kơtơih pơ̆k, yua kơ Inh boih 'bă kơ lu adrĕch Isơrael, păng Êphraim kon kơdră Inh.

Je 33:9

Pơlei âu gô ba anăn Inh đei ư-ang hiôk chơt, tơdrong bơnê, 'bơ̆t anăp đĭ adrĕch adrung kon bơngai lăm teh đak; lu sư gô kơtơ̆ng tơdrong 'lơ̆ng mă Inh ăn pŭn hiôk kơ lu bơngai Juđa păng bơngai Isơrael. Lu dêh noh gô tơrơ lăng krưp kơ tơdrong pŭn hiôk păng tơdrong hiôk-hian Inh ăn kơ pơlei âu.”

Je 5:7

Liơ Inh gơh mơnat lĕ? Kon sâu iĕm achăng lê̆ Inh boih, Lu sư pao anăn lu yang nai, na pơkă mă ưh kơ trŏ kơ yang tơpă. Mă khan Inh 'me rong lu sư phĭ jơnap, mă lu sư rai pơm pơyô kư̆ ka, akŭm băl 'bĕnh lăm hnam bơngai đi.

Êsêkiên 20:6

Lăm năr noh Inh yơ̆r ti pơkă hăm lu sư, inh gô chông anhăk lu sư lĕch đơ̆ng char Êyiptơ năm tơ anih mă Inh đei chơchă ăn kơ lu sư bơih, teh đei đak toh păng đak sut lơ, noh teh ư-ang hloh kơ đĭ-đăng char.

Da 11:16

Mă-lei lu linh mă năm blah lu sư pơm kiơ̆ mơ̆ng kơ lu sư wă păng ưh kơ đei bu kĕ blah lu sư dơ̆ng, sư gô oei hloi lăm teh đak noh ling-lang, pơgơ̆r tơdrong chă pơrăm đe.

Da 11:41

Sư gô mơ̆t truh tơ teh đak ư-ang păng đei lơ dêh char gô pơchah. Mă-lei lu bơngai Eđôm, lu bơngai Môap păng lu bơngai pơgơ̆r lăm lu kon pơlei Ammôn gô klaih đơ̆ng ti sư.

Da 11:45

Sư gô pơjing anih kơđông pơtao sư tơ tŏk-bŏk đak dơsĭ păng kông rơgoh ư-ang. Mă-lei sư gô truh năr tôch kơ sư kơdih păng ưh kơ đei bu mă tơgŭm sư.

Da 8:9

Yua kơ đei minh lăm lu hơke noh, chăt dơ̆ng minh pôm hơke iĕ, rai tih, rai tih jing kơjăp, gah gơal gah hơlĕch, tơklă tơ gah teh đak ư-ang.

Hôsia 11:8

Ơ Êphraim, liơ Inh gơh achăng ih, Ơ Isơrael, liơ Inh gơh jao lê̆ lu iĕm kơ đe? Liơ Inh gơh ăn pơm kơ lu iĕm jing thoi pơlei Atma, dah liơ Inh gơh pơm kơ lu iĕm thoi pơlei Sêbôim? Jơhngơ̆m Inh sơngah ưh kơ wă pơm tơdrong noh păng jơhngơ̆m Inh 'mêm kơeng đĭ tơtŏ dêh boih.

Galati 3:26

Dang ei đĭ-đăng kơ bơ̆n jing kon 'Bok Kei-Dei boih yua kơ bơ̆n lui kơ Yêsu.

Êphêsô 1:5

Sư 'mêm kơ bơ̆n đơ̆ng blŭng-a sơ̆ boih, Sư khan lu bơ̆n gô jing kon Sư yua kơ Sư ăn Yêsu lôch tang bơ̆n tơ 'long pơglang.

Both 14:1

Lu iĕm jing kon Kră Yang 'Bok Kei-Dei lu iĕm, dah đei bơngai lôch 'nĕ kơ 'bet akâu kơdih, dah hơkôih sŏk klĕng;

Hêbrơ 10:39

Mă-lei bơ̆n ưh kơ sĭ kơ bơngai mă lêl kơdŭn tơ rŏng wă kơ hiong tơdrong arih ôh, bơ̆n bơngai nuih, bơngai lui kơjăp wă dŏng akâu kơdih gơh arih ling-lang.

I Pet 1:17

Bơ̆n krao khan kơ Sư yua kơ Sư 'Bă bơ̆n, bơ̆n athei chu kơ Sư yua kơ Sư wă sek tơlang mă tơpăt đĭ-đăng kon bơngai kiơ̆ tơdrong lu sư đêl pơm. Thoi noh na bơ̆n athei kơchăng hli kơ pơm yoch kơplah bơ̆n oei arih tơ ala teh âu. Bơ̆n oei arih tơ ala teh âu thoi bơngai tơmoi đĕch, ưh kơ sĭ teh đak bơ̆n kơdih ôh.