Je 28:4 - Sơ̆p Hlabơar Nơ̆r 'Bok Kei-Dei

⁴ Kră Yang khan: “Inh gô ba brŏk Jêkônia kon drŏ-nglo Jêhôiakim pơtao đe Juđa păng đĭ-đăng lu bơngai Juđa mă đe rôp pơm bơnă tơ Babilôn, kư̆m brŏk tơ anih âu dơ̆ng; yua kơ Inh gơ̆ lê̆ boih 'long ăt pơtao Babilôn.”

Je 28:4 Iomraidhean Croise

Bl 27:40

E gô arih đơ̆ng đao, Păng gô jing đĭch kơ lu oh e. Đơ̆ng rŏng kơnh e gô arih thông mang, năr 'nâu tơ âu, dơning tơ nai, E gô hrĕch lê̆ 'long ăt sư đơ̆ng hơko e.

II Pot 24:14

Pơtao chông ba đĭ-đăng lu bơngai gơh hơgei lăm Pơlei Jêrusalem, sư kư̆m rôp đĭ-đăng lu thơ̆ hơgei gơh hơjơ̆m đĭ-đăng lu 'bok tih păng lu linh tơblah nuih kơtang, đĭ-đăng lu sư mơjĭt-rơbâu 'nu. Lê̆ lăi lu kon pơlei dơnuh hin đĕch.

Êsai 9:4

Đĭ-đăng chơkhŏ đêl lu bơngai 'bot năm tơblah, hăm ao mam đêl pham klep gô soh rŭk tơ ŭnh pơđĭ.

Je 13:19

Đĭ-đăng pơlei lăm tơring Negewơ đe gô wang tăp, ưh kơ đei bu pơih gơh lĕch. Đĭ-đăng adrĕch Juđa đe gô rôp pơđĭ ưh pă đei bu klaih.

Je 2:20

“Sơ̆ đunh boih iĕm gơ̆ lê̆ 'long ăt păng hrĕch lê̆ tơlei đơ̆ng chô̆ iĕm, Iĕm khan: ‘Nhôn ưh kơ wă chu kiơ̆ Ih.’ Tơpă, tơ rim groi kơjung, tơ ala tơm 'long iĕm drap kơkuh kơ rup yang thoi ngôi pơyô kư̆ kă.

Je 22:10

'Nĕ hmoi kơ pơtao lôch păng kư̆m 'nĕ pă nhơ̆m hmach kơ sư, jah nhơ̆m hmoi bĕ kơ pơtao mă đe rôp pơm bơnă đơ̆ng iĕm, yua kơ sư ưh pă wih brŏk tơ iĕm dơ̆ng. Ưh pă wă 'bôh dêh char sư âu dơ̆ng.

Je 22:24

Kră Yang khan: “Sĭt thoi Inh arih, mă khan Jêhôiachin kon drŏ-nglo Jêhôiakim pơtao đe Juđa, thoi tơkhiĕn tơdra 'bot 'bơ̆t hơnglâu ti 'ma Inh, tơpă Inh kư̆m oei plôh lê̆.

Je 24:1

'Noh đơ̆ng rŏng kơ Nebukatnessar, pơtao đe Babilôn rôp Jêkônia, kon drŏ-nglo Jêhôiakim, pơtao đe Juđa, hăm rôp lu kră pơgơ̆r lăm char Juđa, hơdai hăm lu bơngai thơ̆ hơgei, thơ̆ hơjơ̆m hling đơ̆ng pơlei Jêrusalem chông ba tơ char Babilôn pơm bơnă, Kră Yang tơ'bôh ăn kơ inh đei 'bar tŏ bai plei 'long hơra dan 'bơ̆t anăp hnam Kră Yang.

Je 24:5

“Kră Yang 'Bok Kei-Dei Isơrael khan: ‘Thoi plei hơra 'lơ̆ng 'nâu mơ̆n Inh gô jô̆ lu bơngai bơnă đơ̆ng dêh char Juđa mă Inh puh lu sư năm tơ char Kalđê.

Je 27:8

“Tơdah khŭl bơngai ayơ, dêh char ayơ ưh kơ chu bơ̆jang kơ Nebukatnessar, pơtao Babilôn păng ưh kơ wă 'băk 'long ăt pơtao Babilôn tơ ako sư,” Kră Yang 'Bok Kei-Dei khan: “Na Inh gô yua đao gưm, pơngot rơwĕt, jĭ hơbuh, pơmat bơngai noh dĭng mă Inh ăn dêh char noh lăm ti pơtao Nebukatnessar pơrăm.

Je 28:10

Hanania 'bok khan lê̆ adrol plôh iŏk 'long ăt đơ̆ng ako Jêrêmi 'bok khan lê̆ adrol păng gơ̆ lê̆.

Je 28:2

Kră Yang Tih Hloh, 'Bok Kei-Dei bơngai Isơrael khan: “Inh gơ̆ lê̆ boih 'long ăt pơtao Babilôn.

Je 29:1

'Nâu nơ̆r Jêrêmi đơ̆ng pơlei Jêrusalem chih gơih kơ lu đe kră mă oei arih, lu đe 'bok soi, lu 'bok khan lê̆ adrol păng đĭ-đăng kon pơlei mă pơtao Nebukatnessar rôp đơ̆ng pơlei Jêrusalem ba tơ char Babilôn pơm bơnă.

Je 29:2

Đơ̆ng rŏng kơ pơtao Jêkônia, mĕ pơtao, lu bơngai jang lăm hnam pơtao, lu kră pơgơ̆r đơ̆ng Juđa păng Jêrusalem, lu thơ̆ hơgei gơh pơm lĕch đơ̆ng pơlei Jêrusalem boih,

Je 30:8

Kră Yang Tih Hloh khan: “Lăm năr noh Inh gô gơ̆ lê̆ 'long ăt đơ̆ng ako lu sư; păng hrĕch lê̆ tơlei đêl đe chô̆ lu sư, ưh pă pơm đĭch kơ dêh tơmoi dơ̆ng;

Lêwi 26:13

Inh jing Kră Yang, 'Bok Kei-Dei lu iĕm, Tơ'ngla mă chông anhăk iĕm lĕch jăk đơ̆ng char Êyiptơ, wă kơ iĕm klaih đơ̆ng pơm đĭch đam đe; Inh hlôi gơ̆ lê̆ 'long ăt đơ̆ng lu iĕm păng ăn kơ lu iĕm yak ngơk tơpăt.

Na 1:13

Dang ei Inh gô gơ̆ 'long ăt pơm đĭch sư đơ̆ng lu iĕm păng hrĕch lê̆ tơlei glang đơ̆ng iĕm.