Je 27:6 - Sơ̆p Hlabơar Nơ̆r 'Bok Kei-Dei

⁶ Dang ei, Inh jao đĭ-đăng teh đak iĕm lăm ti Nebukatnessar, pơtao Babilôn, đĭch đam Inh; Inh kư̆m ăn đĭ lu sem bri chu kơ sư.

Je 27:6 Iomraidhean Croise

II Pot 25:28

Pơtao đe Babilôn pơma hăm Jêhôiakin nơ̆r rơngơp hiôk, gơh găt, păng pôk atŏk ăn tang-dŏ sư kơjung hloh sư lu pơtao nai mă oei phak hơdai hăm sư tơ Babilôn.

II Ho 36:23

Sirus pơtao Phersia khan: “Kră Yang 'Bok Kei-Dei kơpal plĕnh đei ăn boih kơ inh pơgơ̆r dêh char lăm teh đak âu, Sư athei wă kơ inh man pơjing Hnam Akŭm tih kơ Sư tơ pơlei Jêrusalem lăm char Juđa. Lăm lu iĕm, bu mă kon pơlei pơla Sư, năm bĕ tơ pơlei Jêrusalem; hơpơi apinh Kră Yang 'Bok Kei-Dei oei hơdai sư, ăn kơ sư tŏk năm!” 11-Nov-2014@18:29, Backup Description=

Êsai 44:28

Kră Yang khan kơ pơtao Sirus: ‘Sư bơngai wei triu Inh, sư gô pơm keh tơdrong inh wă, kư̆m pơma dơ̆ng gah pơlei Jêrusalem khan: “Gô pơjing ming sư dơ̆ng, păng pơma gah hnam akŭm khan: “Jrăng hơnă gô pơdơ̆ng ming.”

Je 21:7

Đơ̆ng rŏng kơ noh, Kră Yang khan: Inh gô jao Sêđekia, pơtao đe Juđa păng yŏng pơgơ̆r, hăm lu, kon pơlei sư mă oei arih lăm pơlei tih âu; oei arih huay kơ lôch rŭng, đơ̆ng đao gưm, hăm klaih đơ̆ng lôch kơ pơngot rơwĕt, Inh gô jao lu sư lăm ti Nebukatnessar pơtao Babilôn, lăm ti lu bơngai ayăt chă wă 'maih pơlôch lu sư. Pơtao Babilôn gô koh lu sư hăm đao gưm, pă đei mơnat, pă 'mêm kư̆m pă lăng lu sư boih.”

Je 22:25

Inh gô pơjao lê̆ ih kơ lu bơngai mă 'maih pơrăm tơdrong arih ih tơ lăm ti lu bơngai mă ih hli dêh, lăm ti Nebukatnessar pơtao đe Babilôn păng lăm ti lu bơngai Kalđê.

Je 24:1

'Noh đơ̆ng rŏng kơ Nebukatnessar, pơtao đe Babilôn rôp Jêkônia, kon drŏ-nglo Jêhôiakim, pơtao đe Juđa, hăm rôp lu kră pơgơ̆r lăm char Juđa, hơdai hăm lu bơngai thơ̆ hơgei, thơ̆ hơjơ̆m hling đơ̆ng pơlei Jêrusalem chông ba tơ char Babilôn pơm bơnă, Kră Yang tơ'bôh ăn kơ inh đei 'bar tŏ bai plei 'long hơra dan 'bơ̆t anăp hnam Kră Yang.

Je 25:9

'nâu, Inh gô krao đĭ adrĕch adrung gah yă-nơ̆m păng đĭch đam Inh Nebukatnessar pơtao Babilôn,’ Kră Yang khan: ‘Inh gô ba lu sư blah iŏk dêh char âu hăm lu kon pơlei oei lăm char âu păng pơm kơ lu kon pơlei oei tăp dăr kơ char âu hai. Inh gô pơrăm đĭ lu sư, pơm kơ lu sư đe lăng 'brơ̆ krưp, đe pơjăm păng hiong răm hlŏng hloi.

Je 28:14

'Nâu Kră Yang Tih Hloh, 'Bok Kei-Dei bơngai Isơrael khan: Inh gô tơ'băk 'long ăt păng bơsei tơ ako rim adrĕch adrung âu, wă kơ lu sư pơm đĭch kơ Nebukatnessar pơtao Babilôn păng chu jang kơ sư, mă lu sem bri Inh kư̆m đei jao boih kơ sư.”

Je 43:10

Na ih tơbăt ăn kơ lu sư: 'Nâu Kră Yang Tih Hloh 'Bok Kei-Dei Isơrael, khan: “'Nâu Inh gô wơh păng krao đĭch đam Inh Nebukatnessar, pơtao Babilôn păng Inh gô pơdơ̆ng tang-dŏ pơtao sư tơ kơpal tơmo 'nâu, mă Inh 'nao 'bŭ; pơtao noh gô dăng bơlang che sư pơm bơsŭn kơpal noh.

Je 49:30

Kră Yang khan: “Ơ lu kon pơlei oei lăm tơring char Hasor, kơdâu ôn bĕ, kơdâu mă ataih: Oei bĕ lăm trôm kông jrŭ. Nebukatnessar pơtao Babilôn hơmet wă tơblah păng iĕm bơih; lu sư pơkă wă pơrăm lu iĕm.”

Êsêkiên 29:12

Lăm puăn-jĭt sơnăm Inh gô pơm kơ char Êyiptơ jing juơ rơhiăng lăm tŏk-bŏk lu char juơ rơhiăng păng lu pơlei sư pơchah răm tŏk-bŏk lăm pơlei mă pơchah răm Inh gô pơm kơ kon pơlei Êyiptơ tơklah tơklang tơ lăm jơ̆p kơ dêh char.

Êsêkiên 30:24

Inh gô ăn kơ ti pơtao Babilôn pran păng ăn đao Inh lăm ti sư; Inh gô gơ̆ lê̆ ti Pharaôn, pơtao Êyiptơ na sư gô hmoi ôr 'bơ̆t anăp pơtao Babilôn thoi minh 'nu bơngai rơka ôr wă jê̆ lôch.

Da 4:12

Hla sư 'lơ̆ng plei sư trem, đĭ-đăng kon sem gơh sa plei sư, lu sem bri ngôi tơ ala yơ̆p sư, lu sem păr kôp tơ dơng sư păng lu kon bơngai sĕch akar oei arih đơ̆ng sư.

Da 4:22

Ơ pơtao, noh jơ̆ ih boih, ih pran kơtang tơdrong ih pơgơ̆r rai kơjung truh tơ plĕnh, tơdrong kĕ ih gom tơ jơ̆p lăm teh đak.