Je 26:23 - Sơ̆p Hlabơar Nơ̆r 'Bok Kei-Dei

²³ Lu sư rôp anhăk Uri đơ̆ng Êyiptơ ba tơ pơtao Jêhôiakim. Pơtao pơlôch sư hăm đao gưm klơ̆m lê̆ atâu sư tơ bơsat kon pơlei hmă.

Je 26:23 Iomraidhean Croise

II Pot 23:37

Sư pơm tơdrong kơnê̆ 'bơ̆t anăp Kră Yang, pơm lei-lăi tôm tơdrong thoi đêl lu 'bok sư pơm boih sơ̆.

Je 2:30

“Inh đei teh bơtho boih kon sâu lu iĕm ưh kơ yua kiơ. Lu sư kư̆m ưh kơ wă chu Inh bơtho hơmet. Đao lu iĕm kơdih đei pơlôch boih lu bơngai khan lê̆ adrol iĕm thoi dăm-brang oei kăp sa.”

Je 22:17

Mă-lei măt păng jơhngơ̆m ih 'maih chă lơi, pơlôch lu bơngai ưh kơ đei yoch, păng 'maih chă rôp pơgŏ pơjuă pơđep pơm kơnê̆ dêh.

Je 22:19

Đe gô 'bŭ sư thoi đe 'bŭ aseh iĕ, đe gô hor sư tơ 'nguaih, păng klơ̆m lê̆ sư tơ ataih kơ 'măng jang pơlei Jêrusalem.

Je 26:15

Iĕm athei băt mă tơpă dah lu iĕm pơlôch inh lu iĕm, pơlei tih âu, đĭ kon pơlei pơla oei lăm pơlei tih âu gô pŭ pham inh mă ưh kơ đei yoch âu. Yua kơ Kră Yang tơpă mă đei wơh inh năm tơ iĕm, ăn kơ inh roi tơbăt dôm lu nơ̆r âu tơ lăm đon iĕm kơtơ̆ng.”

Je 36:30

Thoi noh na 'nâu nơ̆r Kră Yang khan gah Jêhôiakim, pơtao đe Juđa: Kon sâu sư ưh kơ đei bu hơ-oei 'bơ̆t tang-dŏ pơtao Đawit; akâu atâu sư lôch đe gô klơ̆m lê̆ tơ 'nguaih sơ̆k tơtŏ kơ'năr păng lê̆ tơtŭk tơngiĕt kơmăng.

Êsêkiên 19:6

Sư chă yak năm hơdai hăm lu dăm-brang jing dăm-brang mơlôh, pơjuăt chă rôp kon sem păng sa bơngai.

I Tes 2:15

Lu bơngai Juđê pơlôch Kră Yang Yêsu Krist păng pơlôch lu 'bok khan lê̆ hơdrol, wă khan lu 'bok mă pơtruh nơ̆r 'Bok Kei-Dei sơ̆. Lu sư kư̆m pơm kơnê̆ kơ bơ̆n mơ̆n. Lu sư areh kơ kon bơngai ling-lang. Lu sư pơm thoi noh 'Bok Kei-Dei ưh kơ lăp đon kơ lu sư ôh.

Hêbrơ 11:37

Lu mơ'nah đe klơ̆m sư păng tơmo, mơ'nah đe ot kơtĕch akâu sư păng juơ, mơ'nah đe koh pơlôch păng đao. Lu mơ'nah jơ̆l kơ dơnuh hin chă hrŭk hrăi ao pơm păng akar triu, akar bơbe. Lu sư dơnuh tơpă mă-lei đe oei areh kơ lu sư, pơm kơnê̆ kơ lu sư 'mơ̆i.

Tơdrông Tơ'bôh 11:7

Lăp bre sư năm chă pơtruh kơ đe tơdrong 'Bok Kei-Dei tôm boih, na đei minh pôm sem brem kơnê̆ pơplŏng lĕch đơ̆ng sơlŭng jrŭ blah pơlôch bre sư, lôch hloi.