Je 26:19 - Sơ̆p Hlabơar Nơ̆r 'Bok Kei-Dei

¹⁹ ‘Hesekia, pơtao đe Juđa păng đĭ kon pơlei Juđa wă pơlôch Mika mơ̆n hă? Ưh kơ trŏ yua kơ pơtao hli yom kơ Kră Yang, na krao apinh Kră Yang mơnat ăn; na Kră Yang tơplih đon huay kơ pơrăm lu sư thoi Kră Yang pơkă wă pơrăm lu sư. Bĕ lu bơ̆n 'nâu pă 'biơ̆ wă pŭ iŏk tơdrong pơrăm kơ lu bơ̆n kơdih.’ ”

Je 26:19 Iomraidhean Croise

II Sam 24:16

Linh jang 'lơ̆ng chro ti sư tơ gah pơlei Jêrusalem wă pơrăm lê̆ pơlei, mă-lei Kră Yang ưh pă wă pơmat lu sư dơ̆ng, na Sư khan kơ linh jang 'lơ̆ng mă oei pơrăm kon pơlei pơla: “Tôm boih! Dui ti ih brŏk bĕ!” Kơplah noh linh jang 'lơ̆ng Kră Yang oei 'bơ̆t dơnih pơjuă 'ba, Arauna, bơngai Jêbus.

II Ho 32:20

Pơtao Hesekia păng Êsai 'bok khan lê̆ adrol kon drŏ-nglo Amôt, krao khan kơ tơdrong 'nâu, krao khan ôr tŏk truh tơ plĕnh.

II Ho 34:21

“Năm krao apinh bĕ Kră Yang kơ inh kơ lu bơngai Isơrael oei arih hlot păng lu bơngai Juđa gah dôm nơ̆r mă đei chih lăm sơ̆p hla bơar mă 'nao 'bôh âu khan; kơ tơdrong Kră Yang hil mĭl mă truh tơ lu bơ̆n tih tơpă, yua kơ lu 'bok bơ̆n sơ̆ ưh kơ wă mơ̆ng păng ưh kơ chu kiơ̆ nơ̆r Kră Yang, kư̆m kuă kơ pơm kiơ̆ nơ̆r mă đei chih lăm sơ̆p hla bơar âu.”

Le 32:14

Đơ̆ng noh Kră Yang tơplih tơdrong Sư tơchĕng wă pơm kơnê̆ lu kon pơlei pơla Sư.

Êsai 26:21

Lăng to, Kră Yang lĕch đơ̆ng anih Sư jur wă phak kon bơngai oei kơpal teh âu, yua kơ tơdrong yoch lu sư. Kơplah noh kơnh teh gô pơdah tơ'bôh pham đêl lu đe pơlôch păng ưh kơ gơh ôn dơ̆ng lu bơngai đêl đe pơlôch.

Êsai 37:1

Kơtơ̆ng tơdrong noh, pơtao Hesekia hek hloi ao sư kơdih, hrŭk 'bi năm mơ̆t tơ lăm hnam akŭm kơkuh Kră Yang.

Êsai 37:4

Rŏ lăng Kră Yang 'Bok Kei-Dei ih gô kơtơ̆ng dôm nơ̆r Rapsaka pơma, bơngai đơ̆ng pơtao Asiri wơh sư năm tơ âu wă pơma pơjăm Kră Yang 'Bok Kei-Dei arih ling-lang păng Kră Yang gô phak sư kiơ̆ thoi dôm nơ̆r mă Kră Yang 'Bok Kei-Dei kơtơ̆ng bơih, noh bơih ih krao khan bĕ kơ lu bơngai mă oei oei tơ âu!”

Je 26:15

Iĕm athei băt mă tơpă dah lu iĕm pơlôch inh lu iĕm, pơlei tih âu, đĭ kon pơlei pơla oei lăm pơlei tih âu gô pŭ pham inh mă ưh kơ đei yoch âu. Yua kơ Kră Yang tơpă mă đei wơh inh năm tơ iĕm, ăn kơ inh roi tơbăt dôm lu nơ̆r âu tơ lăm đon iĕm kơtơ̆ng.”

Je 26:3

Băt lu sư gô mơ̆ng ih, na rim 'nu gô weh đơ̆ng tơdrong kơnê̆ wih tơ Inh, na Inh gô tơplih đon tơdrong Inh wă pơrăm lu sư, yua kơ tơdrong yoch kơnê̆ lu sư pơm.

Je 44:7

Dang ei, 'nâu nơ̆r Kră Yang Tih Hloh, 'Bok Kei-Dei Isơrael, khan: “Liơ lu iĕm pơm wă pơrăm chăl arih akâu kơdih, wă tơhiong đĭ-đăng lu drŏ-nglo, drŏ-kăn, hơ'lơ̆p, nge oei mŏm, đơ̆ng lăm dêh Juđa, dĭng mah kon pơlei goh 'biao pă đei bu oei arih?

Am 7:3

Kră Yang tơplih đon tơchĕng. Kră Yang khan thoi âu: Tơdrong noh huay pă đei truh dơ̆ng.

Habakuk 2:10

Ih chă pơm mơlâu kơ hnam dơnŏ ih kơdih păng pơlôch lơ kon pơlei pơla, ih đei pơrăm Bơhngol ih.

Sa 7:2

Lu kon pơlei Bethel đei wơh bre Sareser hăm Rêgêmalek hăm lu bơngai kiơ̆ wă apinh tơdrong mơnat đơ̆ng Kră Yang,

Jo 16:38

gah lu gŏl đơ̆ng lu bơngai pơm yoch tah pơgang 'bâu phu păng soh pơyơ̆r boih jô̆ dĭng đĭ chăl arih lu sư, ih athei iŏk tơtang mă hơtăng na gom chơnang soi. Yua kơ lu gŏl noh pơyơ̆r boih 'bơ̆t anăp Kră Yang jing tơmam rơgoh; lu gĕl tơtang sư hơtăng noh wă pơm tơdra tơ'blŏk ăn kơ bơngai Isơrael.

Mathiơ 23:35

Lu bơngai 'lơ̆ng lôch yua kơ lu bơngai thoi iĕm âu lơ boih tơpă, đơ̆ng Kain pơlôch Abel blŭng-a sơ̆ truh tơ iĕm pơlôch Sachari kon 'bok Barachi tơ hnam 'Bok Kei-Dei tơm.

Jang 5:39

Mă-lei dah tơdrong sư 'noh lĕch đơ̆ng 'Bok Kei-Dei, iĕm ưh kơ layơ gơh pơrăm lu sư. Iĕm pơm kơnê̆ kơ lu sư, noh dang iĕm wă blah 'Bok Kei-Dei.”

Tơdrông Tơ'bôh 16:6

yua kơ lu sư pơlôch tuh pham lu kon Ih, păng lu bơngai pơtruh nơ̆r Ih, na dang ei Ih pơkăl ăn kơ lu sư huch pham 'noh trŏ tơpă.”