Je 26:11 - Sơ̆p Hlabơar Nơ̆r 'Bok Kei-Dei

¹¹ Lu 'bok soi, lu 'bok khan lê̆ adrol, pơma hăm lu kră pơgơ̆r păng đĭ-đăng kon pơlei pơla khan: Bơngai âu trŏ kơ pơlôch, yua kơ sư đei pơma khan lê̆ adrol wă pơm kơ pơlei âu, đon lu iĕm đei kơtơ̆ng boih.

Je 26:11 Iomraidhean Croise

Je 18:23

Ơ Kră Yang, Ih băt boih, đĭ lu sư chă đon wă pơlôch inh. Apinh Ih 'nĕ pă mơnat ăn tơdrong yoch kơnê̆ lu sư, apinh Ih 'nĕ sut tơdrong yoch lu sư đơ̆ng anăp Ih. Apinh Ih ăn kơ lu sư pơ̆k 'bơ̆t anăp Ih. Apinh Ih phak lu sư lăm năr Ih hil!

Je 26:16

Lu kră pơgơ̆r păng đĭ kon pơlei pơla khan hloi kơ 'bok soi hăm 'bok khan lê̆ adrol: “Ưh kơ gơh pơlôch bơngai âu, yua kơ sư yua anăn Kră Yang, 'Bok Kei-Dei bơ̆n roi tơbăt kơ bơ̆n.”

Je 38:4

Lu yŏng pơgơ̆r khan kơ pơtao: “Pơlôch bĕ bơngai 'nâu, yua kơ sư pơma thoi noh, pơm ăn kơ đon lu linh mă oei oei lăm pơlei âu păng pơm kơ jơhngơ̆m kon pơlei rơdu. Bơngai âu ưh kơ chă trong wă pơklaih kon pơlei ôh, mă-lei chă trong wă pơrăm.”

Mathiơ 26:66

Na iĕm tơchĕng lăng bơ̆n wă pơm kiơ kơ bơngai âu?” Lu bôl sư khan: “Bơngai âu trŏ kơ pơlôch.”

Yo 18:30

Lu sư khan: “Dah Sư ưh kơ đei pơm yoch, nhôn ưh kơ đei năm ba Sư tơ ih ôh.”

Yo 19:7

Lu Juđê drơ̆ng khan: “Nhôn đei tơdrong juăt, kiơ̆ thoi tơdrong juăt 'noh athei pơlôch Sư kơlih kơ Sư khan Sư Yang, Kon 'Bok Kei-Dei.”

Jang 22:22

Lu bơngai Juđê chu mơ̆ng Pôl pơma kơ lu sư tôch 'bơ̆t Yêsu wơh sư năm bơtho pơlei tơmoi. Lu sư kơtơ̆ng tơdrong noh na lu sư ơh, pơma re khan: “Pơlôch Pôl bĕ. Sư bơngai kơnê̆, ưh kơ trŏ ăn kơ sư arih ôh.”

Both 18:20

Tơdah đei bơngai khan lê̆ adrol đei jơhngơ̆m pơang yua anăn Inh pơma dôm tơdrong kiơ mă Inh ưh kơ athei sư pơma, dah yua anăn lu yang nai, na lu bơngai thoi noh trŏ kơ pơlôch.

Lu 6:30

Lu kon pơlei pơla khan kơ Jôas: Ăn kon ih lĕch, sư gô lôch yua kơ sư pơrăm chơnang soi kơkuh kơ yang Baal păng kăl tơpăk lê̆ gơ̆ng rup yang Asêra cheng noh hai.