Je 22:3 - Sơ̆p Hlabơar Nơ̆r 'Bok Kei-Dei

³ 'Nâu nơ̆r Kră Yang khan: Pơm bĕ dôm tơdrong tơpăt hơnơ̆ng tơdrong trŏ; pơklaih bĕ lu bơngai mă đe rôp đơ̆ng ti lu bơngai pơjuă pơđep. Lê̆ kơ rôp pơgŏ păng kư̆m 'nĕ pơm kơnê̆ kơ lu bơngai tơmoi, lu kon mơti 'bă păng lu yă adro 'Nĕ kơ pơlôch tuh pham kơ lu bơngai ưh kơ yoch tơ anih âu.

Je 22:3 Iomraidhean Croise

II Sam 23:3

Kră Yang 'Bok Kei-Dei kon pơlei Isơrael bơtho tơ'bôh. Tơmo tih kon pơlei Isơrael pơma hăm inh: “Bơngai ayơ pơgơ̆r kon bơngai mă 'lơ̆ng tơpăt, bơngai ayơ pơgơ̆r hăm jơhngơ̆m hli yom kơ Kră Yang 'Bok Kei-Dei.

II Pot 24:4

Păng yua kơ sư pơlôch pham lĕch đơ̆ng lu bơngai ưh kơ đei yoch; yua kơ sư hlôi pơm kơ Pơlei Jêrusalem 'bĕnh kơ pham lu bơngai ưh kơ đei yoch, lei na Kră Yang ưh kơ mơnat kơ sư ôh.

Jop 22:9

Ih pơpuh bơngai adro brŏk tơpang ti hoh. Lu bơngai mơti ih pơjuă lê̆ anih sư gơnang.

Jop 24:9

Lu bơngai pơm kơnê̆ tơgar iŏk kon mơti kơ 'bă oei mŏm; Rôp pơkơ̆ng kon hơ'lơ̆p lu bơngai dơnuh hin;

Horiso 68:5

Kră Yang 'Bok Kei-Dei oei tơ anih rơgoh. Sư jing 'Bă kơ lu mơti, Păng jing Tơ'ngla wei lu drŏ-kăn adro.

Horiso 82:4

Pơklaih bĕ lu bơngai rơdu tơrăn păng lu dơnuh hin pơmat-tat, Pơklaih lu sư đơ̆ng ti lu bơngai kơnê̆.”

Horiso 94:21

Lu sư pơđâu băl wă pơm kơnê̆ kơ lu bơngai tơpăt. Păng sek pơlôch lu bơngai ưh kơ đei yoch.

Horiso 94:6

Lu sư pơlôch bơngai drŏ-kăn adro; Lu bơngai tơmoi. Păng kư̆m pơlôch lu bơngai mơti.

Le 22:21

Ih 'nĕ kơ pơm kơnê̆ kơ lu bơngai tơmoi păng kư̆m 'nĕ kơ pơjuă lu sư, yua kơ lu iĕm kư̆m đêl jing bơngai tơmoi oei lăm dêh Êyiptơ.

Le 22:22

Lu iĕm 'nĕ kơ pơjuă yă adro dah bơngai mơti.

Tơdrông Pơđơk 23:10

'Nĕ kơ rĭ 'long pơ̆ng hơdral so, Na pơ̆ng pơtăm lăm chŭn mir lu bơngai mơti;

Tơdrông Pơđơk 6:17

Măt lăng pơang, Hơpiĕt hơlĕnh pơdăr; Ti 'bet pơlôch bơngai ưh kơ đei yoch;

Êsai 1:23

Lu yŏng pơgơ̆r iĕm tă kơ blơ̆ blĕch ngăl, pơm buăl hăm lu bơngai tơtông, rim 'nu lu sư tă kơ 'maih chă pơgâm sa tơmam, 'maih druh kiơ̆ mŭk tơmam đe ăn, ưh kơ dŏng tơgŭm lu bơngai mơti, pă 'maih lăng dŏng tơgŭm lu drŏ-kăn adro.

Êsai 58:6

Noh hăm trŏ ưh kơ trŏ ơ̆t kơ sŏng sa mă Inh lăp đon hrĕch lê̆ tơlei glang tơdrong kơnê̆, plôh lê̆ đêl đe chô̆ đơ̆ng 'long ăt. Tơlĕch achăng lu bơngai đe pơjuă pơđep gơh hơgei, gơ̆ lê̆ rim 'long ăt dah kiơ?

Êsai 58:7

Hăm trŏ kơ ih athei asong tơmam sa kơ lu bơngai pơngot rơwĕt, chông ba lu bơngai dơnuh hin ưh kơ đei hnam wih tơ lăm hnam iĕm kơdih, lăp iĕm 'bôh bơngai akâu hoh athei pơhrŭk ăn, păng 'nĕ kơ weh muh măt ưh kơ lăng lu 'nhŏng oh minh sĕch akar lu iĕm kơdih, dah kiơ?

Je 19:4

Yua kơ lu sư achăng lê̆ Inh boih, pơm ăn kơ anih 'nâu jing 'mê̆-'mach, hăm tơdrong lu sư soh nhang pơyơ̆r tơmam soi 'buh kơ lu yang nai, mă lu sư, đe yă 'bok lu sư, lu pơtao đe Juđa tam lah băt, pơm kơ anih 'nâu 'bĕnh kơ pham lu bơngai ưh kơ yoch.

Je 21:12

Kră Yang khan: “Ơ adrĕch Đawit, Pơm bĕ tơdrong 'lơ̆ng tơpăt hơnơ̆ng rim pơgê hrôih, Dŏng pơklaih bĕ lu bơngai đe sa pơgâm, đơ̆ng ti lu bơngai pơjuă pơđep, Kơnh hli kơ Inh hil khơ̆ng thoi ŭnh, ưh kơ đei bu kĕ pĭt, Yua kơ đơ̆ng tơdrong lu iĕm đei pơm yoch kơnê̆.”

Je 22:17

Mă-lei măt păng jơhngơ̆m ih 'maih chă lơi, pơlôch lu bơngai ưh kơ đei yoch, păng 'maih chă rôp pơgŏ pơjuă pơđep pơm kơnê̆ dêh.

Je 26:16

Lu kră pơgơ̆r păng đĭ kon pơlei pơla khan hloi kơ 'bok soi hăm 'bok khan lê̆ adrol: “Ưh kơ gơh pơlôch bơngai âu, yua kơ sư yua anăn Kră Yang, 'Bok Kei-Dei bơ̆n roi tơbăt kơ bơ̆n.”

Je 5:28

Lu sư bek plên, bơbling bơblang. Lu sư pơm kơnê̆ dêh ưh kơ tôch ôh; lu sư sek tơlang ưh kơ dŏng lu kon mơti, lu sư ưh kơ sek tơpăt ôh kơ lu bơngai dơnuh hin.”

Je 7:23

Mă-lei 'nâu tơdrong Inh tơtă kơ lu sư. ‘Chu bĕ kơ nơ̆r Inh, Inh gô jing Kră Yang 'Bok Kei-Dei lu iĕm, iĕm jing kon pơlei pơla Inh. Arih yak kiơ̆ bĕ lăm rim trong Inh đei tơtă, wă kơ lu iĕm đei tơdrong pŭn hiôk.’

Je 9:24

Mă-lei bơngai bu wă pơang, pơang bĕ kơ kơdih tơdrong 'nâu, pơang kơ tơdrong sư đei đon hơgei băt kơ Inh. Băt Inh boih Kră Yang, Tơ'ngla 'mêm mơnat ưh kơ tơplih, Tơ'ngla mă pơm tơdrong tơpăt, tơdrong trŏ lăm teh đak âu; na Inh hiôk lăm tơdrong noh,” noh Kră Yang khan.

Nhom 3:36

Wă sek tơlang pơgâm kơ minh 'nu bơngai tơpăt, năr Kră Yang sek tơlang, na Kră Yang ưh kơ lăp ôh.

Êsêkiên 18:12

pơjuă pơđep bơngai dơnuh hin tơtông tơmam đe păng ưh kơ pơdrâu đêl tơmam đe, lăng tơ rup yang, pơm dôm tơdrong yoch kơnê̆ krưp,

Êsêkiên 18:7

Ưh kơ pơjuă pơđep bu, pơdrâu tơmam kơ lu bơngai đêl iŏk hre, ưh kơ tơtông tơmam đe, ăn 'bĕng sa kơ lu bơngai pơngot, ăn ao hrŭk kơ lu bơngai koh hoh.

Êsêkiên 22:7

Tơ lăm ih đei bơngai, pơjăm mĕ 'bă; pơgŏ pơđep lu tơmoi; pơjuă lu kon mơti pơm kơnê̆ kơ lu bơngai adro.

Êsêkiên 45:9

Kră Yang khan thoi âu: Ơ lu yŏng pơgơ̆r Isơrael, noh tôm boih! 'Nĕ pă pơm kơnê̆ păng pơjuă pơđep; pơm bĕ tơdrong 'lơ̆ng tơdrong tơpăt; 'nĕ pă pơpuh kon pơlei Inh dơ̆ng, Kră Yang khan.

Jôel 3:19

Dêh Êyiptơ gô jing bri juơ, Eđôm kư̆m gô jing bri rơwơ̆ng, yua kơ lu sư pơm kơnê̆ kơ lu kon sâu Juđa, păng đei pơlôch tơlĕch pham lu bơngai tơpăt lăm teh đak Juđa.

Lêwi 19:15

Lăm iĕm sek tơlang 'nĕ kơ pơm glăi tơdrong tơpăt. 'Nĕ kơ mơ̆t bơngai dơnuh hin dah bơngai pơm yŏng tih ôh, na athei sek tơlang tơpăt kơ bơngai rông 'bôt bơ̆n.

Am 5:15

Areh bĕ kơ tơdrong kơnê̆, na 'mêm bĕ kơ tơdrong 'lơ̆ng; pơm pơjing bĕ tơdrong 'lơ̆ng tơpăt 'bơ̆t 'măng jang pơlei. Rŏ lăng Kră Yang 'Bok Kei-Dei Tih hloh gô mơnat ăn kơ dôm lu bơngai Jôsep mă oei arih.

Am 5:24

Kơtrơ̆m jah lê̆ lu tơdrong 'lơ̆ng tơpăt sĭt ro thoi đak păng tơdrong tơpăt kơkhŭr thoi đak glung ro ling-lang.

Mi 3:11

Lu bơngai sek tơlang sek pơgâm, lu 'bok soi bơtho tơ'bôh yua kơ jên đe apah, bê̆ gah lu bơngai khan lê̆ adrol pơma tơ'bôh kư̆m yua kơ jên. Mă-lei lu sư pơm gơnang kơ Kră Yang na khan: Kră Yang ưh kơ oei lăm lu bơ̆n hă? Tơdrong răm huay kơ truh tơ lu bơ̆n ôh!

Mi 6:8

Ơ kon bơngai: Tơdrong mă Kră Yang wă kơ ih pơm 'lơ̆ng tơpăt, wă kơ đei tơdrong 'mêm mơnat păng yak năm hăm jơhngơ̆m iơ̆m dim, pơyom kơ 'Bok Kei-Dei ưh?

Malachi 3:5

“Inh gô năm jê̆ lu iĕm wă kơ sek tơlang păng Inh gô pơm tơ'bôh wă blơ̆ lu bơngai pơm kơnê̆, lu bơngai pơm pơyô kư̆ kă, lu bơngai hơlĕnh pơdăr, lu bơngai pơgâm sa jên lu bơngai jang mưng, pơjuă lu bơngai hơdro-po păng lu bơngai mơti, lu bơngai mă pơrăm lu bơngai tơmoi păng lu bơngai mă kuă kơkuh păng hli yom kơ Inh,” mă Kră Yang Tih Hloh khan thoi noh.

Mathiơ 23:23

“Ơ lu thây bơtho đe Juđê păng lu bơngai kiơ̆ tơdrong Pharisi, ning-mônh iĕm pơmat-tat dêh, yua kơ iĕm bơngai 'bơ̆r đak klak ŭnh. Iĕm pơm hăt hot tĕch lu tơmam hơi thoi lĕ kơ hla lŭng-hŭng, hla gơsơ̆m, hla ĕch, hla hla-kat, iŏk jên noh pơm pơyơ̆r kơ 'Bok Kei-Dei minh lăm mơjĭt. Mă-lei dôm tơdrong juăt 'Bok Kei-Dei mă kăl hloh thoi lĕ kơ pơm 'lơ̆ng kơ đe, athei 'mêm kơ 'Bok Kei-Dei hăm bôl buăl, tơdrong lui kơ 'Bok Kei-Dei, dôm tơdrong noh iĕm pơhơi ưh kơ wă pơm. Mă tơdrong iĕm pơyơ̆r tơmam hơi noh kư̆m trŏ mơ̆n, mă-lei ưh kơ dang bơ̆n kiơ̆ tơdrong juăt noh hei.

Both 10:18

Sư tơgŭm lu bơngai mơti păng bơngai adro po, 'mêm mơnat kơ bơngai tơmoi, ăn tơmam sa păng hơbĕn ao kơ lu sư.

Both 24:17

'Nĕ kơ pơm ưh kơ tơpăt hơnơ̆ng kơ lu bơngai tơmoi dah lu bơngai mơti; kư̆m 'nĕ kơ iŏk ao tai lu yă adro pơm tơmam pơkơ̆ng.

Both 24:7

Tơdah đei bơngai bu rôp tơtông iŏk lu 'nhŏng oh iĕm bơngai Isơrael păng rôp pơm đĭch, dah rôp tĕch, lei bơngai tơtông noh athei pơlôch. Lu iĕm athei hơpuih pơgoh lê̆ tơdrong kơnê̆ đơ̆ng lăm lu iĕm.

Both 25:1

Tơdah đei tơdrong pơjah băl, 'bar pah athei năm apinh truh tơ anih sek tơlang, lu kră sek tơlang, sek tơpăt kơ bơngai 'lơ̆ng tơpăt păng sek phak lu bơngai mă đei yoch noh.

Both 27:19

Hiap pơtê̆ bĕ kơ bơngai bu sek ưh kơ tơpăt kơ lu bơngai tơmoi, lu bơngai mơti păng lu yă adro! Đĭ-đăng kon pơlei gô khan: A-men!

Ya 1:27

Bơngai lui bu băt kơ năm ngôi tơ lu kon mơti, lu bơngai adro apo pơmat-tat kơ'bah kơ'bôch păng sư ưh kơ kiơ̆ thoi lu bơngai tơ ala teh ưh kơ lui, bơngai noh boih 'Bă tơm bơ̆n 'Bok Kei-Dei jô̆ sư lui kơjăp hăm pơm tơpăt.