Je 21:8 - Sơ̆p Hlabơar Nơ̆r 'Bok Kei-Dei

⁸ Ih athei khan dơ̆ng kơ kon pơlei âu: Kră Yang khan: Âu, Inh dan lê̆ boih trong tơdrong arih păng trong ba tơdrong lôch 'bơ̆t anăp lu iĕm.

Je 21:8 Iomraidhean Croise

Tơdrông Pơđơk 12:28

Tơdrong arih oei 'bih tơdrong tơpăt; Lăm trong gơlong sư ưh kơ đei lôch.

Je 38:17

Jêrêmi tơl pơtao: “'Nâu Kră Yang 'Bok Kei-Dei bơngai Isơrael khan: ‘Tơdah ih lĕch yơ̆r ti kơ lu bơngai pơgơ̆r Babilôn lei ih gô arih păng pơlei tih âu đe huay kơ soh pơrăm; ih păng hnam ih gô arih.

Both 11:26

Dang ei Inh ăn 'bơ̆t anăp lu iĕm rơih iŏk tơdrong pŭn hiôk păng tơdrong hiap pơtê̆.

Both 30:15

Âu, năr 'nâu inh apinh iĕm rơih iŏk tơdrong arih pŭn hiôk, dah tơdrong pơmat-tat lôch răm.

Both 30:19

Năr 'nâu, inh krao plĕnh păng teh pơm kơdranh ăn kơ inh, inh dan tơ'bôh 'bơ̆t anăp iĕm rơih iŏk tơdrong arih păng tơdrong lôch, tơdrong pŭn hiôk păng tơdrong hiap pơtê̆. Thoi noh, rơih bĕ tơdrong arih, wă kơ iĕm păng lu kon sâu iĕm gơh arih.