Je 21:4 - Sơ̆p Hlabơar Nơ̆r 'Bok Kei-Dei

⁴ ‘'Nâu nơ̆r Kră Yang 'Bok Kei-Dei lu bơngai Isơrael khan: Âu Inh gô tơwih plơ̆, dôm lu đao kơtuang iĕm oei chĕp lăm ti wă blah puh pơtao Babilôn păng bơngai Kalđê dang ei oei wang tăp tơ đaih kơ dur pơlei, Inh gô akŭm lu sư lăm tŏk-bŏk pơlei tih âu.

Je 21:4 Iomraidhean Croise

Êsai 10:4

Ưh pă đei kiơ oei oei. Lăp kŭp kơ̆l drap lăm lu bơngai bơnă păng pơ̆k hơdai hăm lu bơngai lôch đĕch. Mă-lei ră, Kră Yang oei hil mĭl kơ lu sư 'mơ̆i, ti Kră Yang oei yơ̆r tơ kơpal wă pơm kơ lu sư.

Êsai 13:4

Mơ̆ng bĕ, đei nơ̆r ơ-ôs ơ-as tơ kơpal lu kông noh, thoi đei nơ̆r kon pơlei lơlap! Mơ̆ng bĕ, đei ôr krao re đơ̆ng lu dêh char, thoi lu dêh char akŭm băl! Kră Yang Tih Hloh akŭm lu linh Sư wă năm tơblah.

Êsai 5:5

'Nâu, Inh roi kơ lu iĕm. Tơdrong Inh wă pơm kơ pơgar hơmu Inh. Inh gô yuih lê̆ dur war, na đe gô phĕ sa plei sư đĭ, Inh gô tơlơ̆ lê̆ dur noh na đe gô pơjuă pơrăm sư.

Je 20:4

Yua kơ Kră Yang khan: “'Nâu Inh gô pơm ăn kơ ih đei tơdrong hli tơrơ ih kơdih păng kơ bôl buăl ih hai. Lu sư gô lôch kơ đao gưm lu bơngai ayăt tơm măt ih. Inh gô jao lu kon pơlei Juđa lăm ti pơtao char Babilôn, pơtao gô rôp anhăk lu sư pơm đĭch tơ char Babilôn dah yua đao gưm pơlôch hloi lu sư.”

Je 21:3

Jêrêmi tơl: “Lu iĕm athei năm khan kơ pơtao Sêđekia:

Je 32:24

To lu linh Kalđê wang blah pơlei; lu sư oei bơ̆ teh wă tŏk blah iŏk pơlei. Pơlei âu gô huŏng lăm ti lu sư, kơplah oei tơblah, đei tơdrong pơngot rơwĕt, tơdrong jĭ apoh. Tơdrong Ih khan truh boih, 'nâu âu, Ih 'bôh boih.

Je 32:3

Sêđekia, pơtao đe Juđa, rôp chĭt Jêrêmi, pơtao jet: “Liơ ih khan lê̆ adrol khan:” Kră Yang khan: “Inh gô jao pơlei tih 'nâu lăm ti pơtao Babilôn, sư gô blah iŏk.

Je 32:5

Pơtao Babilôn gô rôp anhăk ba pơtao Sêđekia tơ Babilôn, sư gô oei tơ noh truh tơ Inh hơmet sư, tơdah Lu iĕm tơblah hăm bơngai Kalđê, ưh kơ đei jei iĕm ôh?”

Je 33:5

Tơblah hăm lu bơngai Kalđê, lu hnam 'nâu 'bĕnh kơ atâu akâu bơngai Inh pơlôch lăm năr Inh hil, lăm năr Inh mĭl. Yua kơ lu kon pơlei âu pơm yoch na Inh ôn boih muh măt Inh đơ̆ng pơlei âu.

Je 35:17

Thoi noh na Kră Yang mơsêh mơyang Tih Hloh. 'Bok Kei-Dei bơngai Isơrael khan: ‘'Nâu, Inh gô ăn đĭ lu tơdrong răm truh kơ Juđa păng lu kon pơlei Jêrusalem mă Inh khan lê̆ adrol, Inh đei bơtho tơ'bôh boih kơ lu sư; mă-lei lu sư ưh kơ wă mơ̆ng, Inh krao lu sư boih mă-lei lu sư kuă kơ tơl.’ ”

Je 39:3

Kơplah pơlei Jêrusalem đe blah iŏk đĭ-đăng lu yŏng pơgơ̆r kiơ̆ gah pơtao Babilôn mơ̆t hơ-oei 'bơ̆t 'măng jang Tŏk-Bŏk, đei Nergal Sareser, đơ̆ng Samgar, Nêbô Sarsêkim yŏng pơgơ̆r linh, Nergal Sareser yŏng pơgơ̆r tih păng đĭ-đăng lu yŏng nai gah pơtao Babilôn.

Je 52:18

Lu gŏ, gơ'bênh, săng kep, pơnhan, mong pham chơ'mŏng păng lu tơmam yua nai pơm păng kong yua lăm hnam Kră Yang lu sư kư̆m tung ba đĭ.

Nhom 2:3

Lăm năr Sư hil, Sư ret đĭ hơke Isơrael Sư dui lê̆ ti 'ma Sư boih 'bơ̆t anăp lu ayăt.

Nhom 2:5

Kră Yang jing thoi bơngai ayăt, pơrăm boih Isơrael. Pơrăm đĭ hnam pơtao, pơrăm đĭ kơđông pơm ăn kơ kon adruh Juđa ơh sơ'ngon nhơ̆m hmoi.

Nhom 2:7

Kră Yang hŭt lê̆ boih gơ'bang soi păng kư̆m achăng lê̆ anih rơgoh Sư. Sư jao boih hnam pơtao kơ lu ayăt, Lu sư ôr tơkĕch tơjrông tơjrang lăm hnam Kră Yang, Thoi năr đe et sa tih.

Êsêkiên 39:3

Inh gô gơ̆ lê̆ hră đơ̆ng ti 'ngiĕo ih păng tơhuŏng lê̆ 'brơ̆m đơ̆ng ti gah 'ma ih.

Hôsia 9:12

Mă khan lu sư 'me rong lu kon hơ'lơ̆p, Inh gô pơlôch lê̆ đĭ-đăng pă đei bu oei arih dơ̆ng. Răm-'băm dêh kơ lu sư. Mưh inh achăng lê̆ lu sư!

Sa 14:2

Thoi noh Inh gô akŭm đĭ-đăng dêh char gô tơblah hăm Jêrusalem păng pơlei tih đe gô iŏk, hnam akŭm đe gô tơgar iŏk, đe gô rôp pơgŏ, lăm minh puăt kon pơlei đe rôp pơm bơnă, mă-lei kon pơlei mă oei đei noh đe huay kơ pơrăm đơ̆ng lăm pơlei tih.

Mathiơ 22:7

Thoi noh na 'bok pơtao ơh tơpă, sư wơh lu linh sư năm pơlôch đĭ-đăng lu bơngai mă pơlôch lu bơngai jang kơ sư ei păng soh rông chhông hnam kon pơlei pơla lu sư.