Je 20:9 - Sơ̆p Hlabơar Nơ̆r 'Bok Kei-Dei

⁹ Tơdah inh khan: “Inh ưh pă pơma roi gah nơ̆r Sư boih, inh ưh pă đei yua anăn Sư na pơma roi dơ̆ng,” nơ̆r Sư lăm jơhngơ̆m inh thoi ŭnh soh chhông, Nơ̆r Sư chĭt lê̆ lăm kơting inh, na jơhngơ̆m inh rơmơ̆n lap, ưh pă kĕ ĕnh boih.’

Je 20:9 Iomraidhean Croise

Horiso 39:3

Lăm, jơhngơ̆m klơm klak tŏ hang, kơplah inh oei tơchĕng, ŭnh sa hloi. Kơplah noh hơpiĕt inh đei nơ̆r pơma:

Je 23:29

Nơ̆r Inh hăm trŏ thoi ŭnh? Thoi mut teh tơmo pơchah? Noh Kră Yang khan.

Je 23:9

Gah lu bơngai khan lê̆ adrol: Jơhngơ̆m inh pơchah boih lăm inh, kơting inh đĭ tơtơ̆, inh thoi bơngai suai kơ sik, thoi bơngai wing măt yua kơ sik pơm kơ sư, đơ̆ng Kră Yang hăm đơ̆ng nơ̆r 'lơ̆ng rơgoh Sư.

Je 4:19

Ô! Răm, inh chhŭr nuih, inh jĭ lăm jơhngơ̆m, jơhngơ̆m inh rŭng răng, ô plei nuih inh 'bôm dĕnh, inh ưh pă kĕ chơ̆n boih. Inh kơtơ̆ng đe hlôm keng roi tơbăt, tơdrong ôr tơblah wă truh.

Je 6:11

Gah inh, Kră Yang hil 'bĕnh kơ inh, inh ưh kơ kĕ kơ dơ̆ng ôh. “Tuh bĕ tơdrong noh tơ lu bơngai hơ'lơ̆p tơ rok trong pơlei, Tơ lu bơngai tơdăm oei akŭm băl; tơ klo hăm akăn, tơ lu kră păng lu kră jơnei.

Êsêkiên 3:14

Yang Bơhngol hơtŏk inh tơ kơpal păng anhăk inh năm, inh năm hăm jơhngơ̆m chhŭr nuih blĕk dêh tơpang ti Kră Yang kơtĭt kơpal inh trăp dêh.

Êsêkiên 3:3

Na Sư khan kơ inh: “Ơ kon bơngai, iŏk sa bĕ sơnôm hla bơar Inh ăn kơ ih sa mă phĭ 'bĕnh kơ klak.” Thoi noh inh sa, 'băt 'ngam thoi đak sut lăm 'bơ̆r inh.

Am 3:8

Kơplah dăm-brang ôr grĕnh, hăm đei bu mă ưh kơ hli? Dah Kră Yang bơtho khan boih hăm đei bu ưh kơ khan lê̆ adrol?

Jôna 1:2

Ih iung bĕ! Năm tơ pơlei tih Niniwe, pơma khă lu sư, yua kơ tơdrong yoch lu sư tih kơtơ̆ng truh tơ Inh.

Jôna 1:3

Mă-lei Jôna kơdâu năm tơ pơlei Tarisi, wă klĕnh đơ̆ng anăp Kră Yang. Sư jur truh tơ pơlei Jôpa, tơ'bơ̆p duk năm tơ pơlei Tarisi, wă klĕnh đơ̆ng anăp Kră Yang.

Luka 9:62

Na Yêsu khan kơ sư: “Bơngai bu wă rơuơ mir sư wă kơ tơpăt, sư 'noh ưh kơ hue-huo 'ma 'ngiĕo ôh. Na bơngai bu wă kiơ̆ Inh kư̆m athei adrin thoi noh mơ̆n. Tơ̆ng sư hue-huo 'ma 'ngiĕo lei sư ưh kơ trŏ kơ bơtho tơdrong 'Bok Kei-Dei pơgơ̆r kon bơngai ôh.”

Jang 17:16

Hơtai Pôl oei chang gô bre Silas păng Timôthê tơ Pơlei Aten ei, sư sơ'ngon dêh yua kơ sư 'bôh Pơlei Aten ei lơ pơm rup yang tơpă.

Jang 18:5

Lăp bre Silas păng Timôthê truh tơ Pơlei Kôrintô đơ̆ng dêh char Masêđôn, na Pôl lê̆ tơdrong pơm hnam tua-la-tăng iŏk gah tơdrong bơtho sư dơ̆ng, bơtho lu bơngai Juđê khan Yêsu boih 'Bok Krist mă 'Bok Kei-Dei ăn wă pơgơ̆r bơ̆n.

Jang 4:20

Nhi athei roi đĭ tơdrong nhi 'bôh Yêsu pơm păng đĭ tơdrong Sư pơma đĕch.”