Je 20:12 - Sơ̆p Hlabơar Nơ̆r 'Bok Kei-Dei

¹² Ơ Kră Yang Tih Hloh! Ih boih Tơ'ngla pơlong lăng lu bơngai tơpăt, lăng 'bôh đĭ lăm jơhngơ̆m klơm klak lăm kơ̆l 'ngok, Ăn bĕ kơ inh 'bôh tơdrong Ih wă pơm 'mong kơ lu sư, Yua kơ inh jao boih tơdrong inh kơ Ih.

Je 20:12 Iomraidhean Croise

II Ho 24:22

Thoi noh, pơtao Jôas đĭ hiơt boih kơ Jêhôiada 'bă Sachari đei pơm 'lơ̆ng kơ sư, mă-lei sư pơlôch lê̆ kon Jêhôiada. 'Bơ̆t Sachari wă jê̆ lôch sư khan. “Hơpơi apinh Kră Yang lăng păng iung kơting.”

Horiso 11:5

Kră Yang pơlong lăng lu bơngai tơpăt; Mă-lei jơhngơ̆ma Sư areh kơ bơngai kơnê̆ păng lu bơngai pơm kư̆ kă.

Horiso 139:23

Ơ Kră Yang 'Bok Kei-Dei, apinh Ih lăng lăng inh păng băt kơ jơhngơ̆m inh. Pơlong lăng inh bĕ păng băt kơ tơdrong tơchĕng inh;

Horiso 17:3

Kră Yang lăng boih jơhngơ̆m inh, năm lăng inh kiơ̆ kơmăng;a Đei pơlong inh, mă-lei ưh kơ đei 'bôh kiơ; Inh đei pơkă 'bơ̆r inh ưh kơ pơm yoch.b

Horiso 54:7

Yua kơ Ih pơklaih inh đơ̆ng dôm tơdrong pơmat-tat; Măt inh 'bôh lu ayăt thuơ kơ inh boih.d

Horiso 58:10

Lu bơngai tơpăt gô chơt hiôk dah lu sư 'bôh tơdrong pơm tơwih, kơ bơngai kơnê̆. Lu sư gô tong jơ̆ng tơ pham lu bơngai kơnê̆.

Horiso 59:10

Kră Yang 'Bok Kei-Dei mă 'mêm kơ inh Sư gô năm tơ'bơ̆p inh. Kră Yang 'Bok Kei-Dei gô tơ'bôh ăn kơ inh tơdrong jei jơnei inh lu ayăt kơ inh.

Horiso 62:8

Ơ kon pơlei, gơnang bĕ đĭ kơ Sư, ling-lang. Tuh bĕ jơhngơ̆m ih kơ Sư Kră Yang 'Bok Kei-Dei Sư boih mă anih bơ̆n kơ'nơp. Sêla

Horiso 7:9

Ơ Kră Yang 'Bok Kei-Dei tơpăt! Ih boih Kră Yang lăng lăm jơhngơ̆m kon bơngai, Apinh Ih pơtôch lê̆ dôm tơdrong kơnê̆ lu bơngai kơnê̆ wă pơm. Mă-lei pơm bĕ kơ lu bơngai tơpăt mă kơjăp.

Horiso 86:4

Apinh ăn bĕ kơ bơhngol lu đĭch đam Ih chơt hiôk. Yua kơ, ơ Kră Yang, bơhngol inh gơnang hơmĕng kơ Ih.

Êsai 37:14

Hesekia đei iŏk kơthơ đơ̆ng ti lu bơngai năm roi păng đŏk lăng, Na sư năm tơ hnam Kră Yang, pơih kơthơ noh 'bơ̆t anăp Kră Yang;

Êsai 38:14

Inh ôr nhen sem kơdŏng, sem pleng, inh tơngưih nhen sem kơtơp si; măt inh lăng tơ kơpal đĭ rơgah. Ơ Kră Yang inh ơh sơ'ngon dêh, apinh ih dŏng iŏk inh bĕ!”

Je 11:20

Ơ Kră Yang Tih Hloh, Tơ'ngla sek tơlang tơpăt, Tơ'ngla mă băt, lăm jơhngơ̆m păng lăm kơ̆l 'ngok tơchĕng, Ăn kơ inh 'bôh tơdrong Ih iung kơting kơ lu sư. Yua kơ inh jao boih tơdrong inh kơ Ih.

Je 12:8

Kon pơlei Inh pơm kơ Inh, thoi dăm-brang lăm bri. Sư hơrum wă pơm kơ Inh, thoi noh Inh areh achăng lê̆ lu sư.

Je 17:10

Inh boih Kră Yang, Inh lăng 'bôh lăm jơhngơ̆m, pơlong lăng jơhngơ̆m đon tơchĕng, wă pơm tơwih kơ rim 'nu kiơ̆ thoi trong lu sư arih, kiơ̆ 'blep thoi đêl tơdrong lu sư pơm.

Je 17:18

Apinh Ih pơm kơ lu bơngai rôp pơmat inh mơlâu, mă-lei 'nĕ ăn kơ inh mơlâu; ăn kơ lu sư hli tơrơ, mă-lei 'nĕ ăn kơ inh hli tơrơ! Ăn kơ năr gleh pơmat truh kơ lu sư; apinh Ih pơrăm lu sư hloh kơ 'bar wơ̆t.”

I Pet 2:23

Đe pơma kơnê̆ kơ Sư, Sư ưh kơ pơma kơnê̆ kơ đe; đe pơm pơmat Sư, mă-lei Sư ưh kơ pơma tơwih kơ đe. Sư gô mơ̆ng kơ 'Bok Kei-Dei đĕch, yua kơ Sư băt kơ 'Bok Kei-Dei sek tơlang tơpăt.

I Pet 4:19

Mă 'Bok Kei-Dei ăn tơdrong gleh truh kơ bơ̆n, bơ̆n athei pơm 'lơ̆ng hơnơ̆ng păng pơjao kơ Sư tơdrong arih bơ̆n; yua kơ Sư pơjing bơ̆n, Sư ưh kơ lê̆ bơ̆n ôh.

Tơdrông Tơ'bôh 18:20

Đơ̆ng noh inh kơtơ̆ng 'bơ̆r nai dơ̆ng khan thoi âu: “Ơ lu đe mă oei tơ plĕnh, ơ lu kon 'Bok Kei-Dei, lu jơ̆ng 'bang Yêsu, lu bơngai pơtruh nơ̆r 'Bok Kei-Dei, hiôk bĕ lu iĕm yua kơ 'Bok Kei-Dei phak pơrăm boih pơlei noh mă pơm kơnê̆ kơ iĕm.”

Tơdrông Tơ'bôh 2:23

Păng lu bơngai mă pơm jơ̆ng 'bang sư mă lăng dang kon sư kơdih noh, Inh kư̆m pơlôch mơ̆n. Tơdrong noh wă tơbăt kơ đĭ-đăng lu bơngai lui wă lu bơngai lui băt kơ Inh sek tơlang lăm jơhngơ̆m đon lu sư tơpăt noh na inh gô apah lu sư kiơ̆ thoi lu sư đêl pơm.

Tơdrông Tơ'bôh 6:10

Đĭ dôm lu sư pơma pơret khan: “Ơ 'Bok Kei-Dei, Ih Kră Yang 'lơ̆ng tơpăt. Layơ Ih wă sek tơlang phak lu bơngai mă oei tơ ala teh pơlôch nhôn sơ̆?”

I Sam 1:15

Hana tơl, ưh, ơ yŏng tơ'ngla inh, inh minh 'nu bơngai drŏ-kăn ơh sơ'ngon dêh. Inh ưh kơ đei et sik ôh, kư̆m ưh kơ đei suai mơ̆n, yua kơ inh tơ'bôh đĭ jơhngơ̆m inh kơ Kră Yang.