Je 20:10 - Sơ̆p Hlabơar Nơ̆r 'Bok Kei-Dei

¹⁰ Inh kơtơ̆ng đei nơ̆r đơ̆ng lơ bơngai pơma mơmơnh, “Tơdrong tơhli tăp tang. Roi tơbăt bĕ lu bơ̆n athei roi tơbăt tơdrong glăi sư!” Đĭ-đăng buăl juăt inh chang rŏ kơ inh jah pơ̆k huŏng, na khan: “Rŏ lăng đe gô pơhlŭ sư, lu bơ̆n gơh pơm kơ sư, na gô jei bơ̆n.

Je 20:10 Iomraidhean Croise

I Pot 19:2

Na yă Jêsebel athei đe năm khan kơ Êli: “Năr dơning lăm jơ 'nâu, tơdah inh ưh kơ pơrăm tơdrong arih ih, thoi ih pơrăm tơdrong arih minh 'nu lăm lu sư, lei apinh lu yang phak inh mă trăp.”

I Pot 21:20

Ahap khan kơ Êli: “Ơ bơngai ayăt kơ inh, ih rôp tơm măt hă?” Êli tơl: “Inh rôp ih tơm măt boih,” yua kơ ih tĕch akâu ih kơdih wă pơm tơdrong yoch kơnê̆ 'bơ̆t anăp Kră Yang. Na Sư khan:

I Pot 22:27

khan: “Pơtao khan thoi âu: Rôp chĭt bơngai 'nâu lăm hnam bơnă, iŏk 'bĕng păng đak tŏ sĕt, rong pơmat sư dĭng truh năr inh brŏk hiôk-hian.”

I Pot 22:8

Pơtao Isơrael tơl Jêhôsaphat khan: “Đei oei pă minh 'nu anăn sư Mikai kon drŏ-nglo Imla; đơ̆ng sư 'noh bơ̆n gơh krao apinh jet Kră Yang; mă-lei inh areh kơ sư dêh, yua kơ sư ưh kơ khan lê̆ adrol tơdrong 'lơ̆ng gah inh, tă tơdrong kơnê̆ ngăl.” Jêhôsaphat tơl: “Pơtao ih 'nĕ kơ pơma thoi noh.”

Jop 19:19

Đĭ-đăng lu buăl inh juăt dêh 'brơ̆ kơ inh; Lu bơngai mă inh 'mêm kư̆m pơm plơ̆ kơ inh mơ̆n.

Horiso 31:13

Inh kơtơ̆ng boih lơ nơ̆r lu sư chă pơm tơdrong.e Hli krưp tăp kơ inh. Thoi lu sư pơđâu wă blah inh, Wă tơhiong lê̆ tơdrong arih inh.

Horiso 31:14

Mă-lei, ơ Kră Yang! Inh gơnang kơ Ih. Inh khan: “Ih boih Kră Yang 'Bok Kei-Dei inh.”

Horiso 41:10

Ơ Kră Yang 'Bok Kei-Dei! Apinh mơnat kơ inh păng tơgŭm dŏng inh, Wă kơ inh gơh pơm tơwih kơ lu sư.

Horiso 41:9

Truh tơ buăl inh juăt, d Mă inh gơnang bơngai mă sa boih 'bĕng inh, Kŭm hiŏng kơnơl wă 'lơ̆r inh.

Horiso 57:4

Bơhngol inh oei tŏk-bŏk dăm-brang Inh 'bĭch tŏk-bŏk lu sem bri sa bơngai. Mă đei hơnĕnh thoi tơju păng thoi 'brơ̆m, Hơpiĕt lu sư nhen đao suĕng han.

Tơdrông Pơđơk 10:18

Bơngai bu ôn tơdrong hil areh gô lĕch nơ̆r 'bơ̆r pơma hơlĕnh. Păng bơngai bu chă roi sa jing bơngai kơtul.

Êsai 29:21

Lu bơngai chă yua 'bơ̆r pơma sơlam hơlĕnh pơm kơ đe yoch, chă pơma sơlam hơlĕnh kơ lu kră sek tơlang. Chă roi pơma sơlam hơlĕnh kơ lu bơngai 'lơ̆ng tơpăt mă ưh kơ đei yoch gô lôch đĭ.

Je 1:19

Lu sư gô tơblah hăm ih; mă-lei lu sư ưh kơ kĕ kơ ih ôh, yua kơ Inh oei hơdai ih, dŏng pơklaih ih, Kră Yang khan.a

Je 11:19

Gah inh, thoi minh pôm kon triu rơmơ̆n đe ba wă pơlôch, inh ưh kơ băt lu sư pơđâu wă pơlôch inh, khan: “Pơrăm bĕ đơ̆ng tơm truh tơ plei sư. Kăl klơ̆m hŭt lê̆ sư đơ̆ng teh đak lu bơngai arih, Wă kơ huay pă đei bu 'blŏk kơ anăn sư dơ̆ng.”

Je 11:21

“Thoi noh Kră Yang khan gah kon pơlei Anathôt lu bơngai chơchă wă pơlôch ih khan: ‘Ih 'nĕ pă khan lê̆ adrol hăm anăn Kră Yang, dah ưh kơ chu ih gô lôch kơ ti nhôn.’

Je 18:18

Na lu sư khan: “Năm bĕ, chă đon blah Jêrêmi. Yua kơ bơ̆n oei đei 'bok soi bơtho khôi juăt oei đei lu bơngai hơgei, chă pơđâu, oei đei lu bơngai khan lê̆ adrol bơtho nơ̆r Kră Yang kơ lu bơ̆n. Bĕ bơ̆n chă sư pơma glăi păng 'nĕ pă mơ̆ng nơ̆r sư pơma kiơ kiơ.”

Je 20:3

Pơgê năr đơ̆ng rŏng Phashur plôh Jêrêmi đơ̆ng sư hơnuh, Jêrêmi khan kơ sư: “Kră Yang ưh pă krao ih Phashur dơ̆ng, gô krao anăn ih Magor Misabip.a

Je 37:13

Mă-lei lăp sư truh tơ 'Măng Jang Bênjamin đei minh 'nu yŏng lu linh bơngai gak anăn sư Irijah, kon drŏ-nglo Sêlemia, sâu Hanania, oei gak tơ noh; rôp Jêrêmi bơngai khan lê̆ adrol khan: “Ih kơdâu lê̆ bơngai Juđa mơ̆t kiơ̆ lu bơngai Kalđê.”

Je 6:25

“'Nĕ kơ lĕch năm tơ mir chŭn, kư̆m 'nĕ kơ yak rok trong tih, yua kơ lu bơngai ayăt chĕp đao, tơdrong hli krưp tơ jơ̆p puăn pah.

Êsêkiên 22:9

Lăm ih đei bơngai chă đon hơlĕnh chă pơlôch tuh pham, sa tơmam đe soi kơ yang tơ kơpal kông; arih sa pơm pơyô kư̆ kă.

Da 6:4

Bre kơiĕng pơtao păng lu yŏng pơgơ̆r tơring chă đon wă 'maih pơrăm, kêng Đaniel lăm tơdrong pơgơ̆r teh đak. Mă-lei lu sư chă ưh kơ đei tơdrong kiơ wă kơ gơh kêng, kư̆m ưh kơ đei minh tơdrong kơnê̆ kiơ sư pơm, yua kơ sư jing minh 'nu bơngai tơnăp tơpăt ưh kơ đei tơdrong hơlĕnh păng kư̆m ưh kơ đei minh tơdrong kơnê̆ kiơ.

Luka 20:20

Lu sư lăng tông Yêsu ling-lang wă chă tơdrong gơh rôp Sư. Lu sư wơh bôl sư năm tơ Yêsu pơm thoi bơngai tơpăt na sư jet pơlong Yêsu. Dah Yêsu pơma khă gah tơdrong juăt teh đak, lu sư wă rôp anhăk pơjao ăn kơ 'bok tih sek tơlang.

Jang 24:13

Lu sư jâu inh, mă-lei lu sư ưh kơ đei 'bôh inh pơm kơnê̆ tơdrong kiơ ôh.

Jang 5:33

Lu kră sek tơlang kơtơ̆ng thoi noh, sư hil mơmĭl tơpă wă pơlôch lu jơ̆ng 'bang Yêsu.

Jang 7:54

Êtien pơma kơ lu 'bok sek tơlang ei 'lơ̆ng ră mơ̆n, mă lu 'bok sek tơlang ei tơkăp sơnĕnh hil mơmĭl areh kơ Êtien.