Je 2:8 - Sơ̆p Hlabơar Nơ̆r 'Bok Kei-Dei

⁸ Lu 'bok soi ưh pă jet: ‘Tơ yơ Kră Yang?’ Lu 'bok bơtho khôi juăt ưh pă băt kơ Inh dơ̆ng. Lu bơngai pơgơ̆r blah Inh. Lu 'bok khan lê̆ adrol yua anăn yang Baal na khan lê̆ adrol, kiơ̆ lu yang nai ưh kơ đei yua kiơ.

Je 2:8 Iomraidhean Croise

I Pot 18:22

Na Êli khan kơ lu kon pơlei pơla: “Inh, lăp minh 'nu inh đĕch bơngai khan lê̆ adrol mă Kră Yang yua mă oei oei, lu bơngai khan lê̆ adrol gah yang Baal đei puăn-hrĕng pơđăm-jĭt 'nu.

I Pot 18:29

Lăp 'năr kơsơ̆ glơh bơih lu sư krao ôr 'bơ̆r re păng truh jơ pơyơ̆r tơmam soi phe 'ba ăn kơ yang Baal 'bơ̆t jơ kơsơ̆ ei bơih, mă-lei ưh kơ kơtơ̆ng nơ̆r kiơ, kư̆m ưh kơ đei bu tơl păng ưh kơ đei bu mă hiơ̆k ăn.

I Pot 18:40

Êli khan kơ lu sư: “Rôp bĕ đĭ lu bơngai khan lê̆ adrol gah yang Baal, 'nĕ kơ ăn minh 'nu bơngai ayơ klaih.” Lu sư rôp hloi lu bơngai 'noh. Êli chông ba lu sư jur tơ thong đak Kisôn păng pơlôch đĭ lu sư tơ noh.

Jop 35:10

Mă-lei ưh kơ đei bơngai bu jet: “Kră Yang 'Bok Kei-Dei mă Tơ'ngla pơjing inh, tơ yơ?” Kră Yang pơm ăn kơ đe hơri hiôk chơt lăm kơmăng,

Êsai 28:7

Mă-lei lu đe noh kư̆m wing măt yua kơ sik hơmu pơm. Nơnăm 'ma 'ngiĕo yua kơ suai kơ tơdrô 'lơ̆ng! 'Bok soi păng 'bok khan lê̆ adrol wing măt yua kơ suai kơ tơdrô 'lơ̆ng, tơdrô pơrăm đĭ đon tơchĕng lu sư, tơdrô pơm kơ lu sư yak năm we-wo 'ma 'ngiĕo oei mơngưt mơngat kơplah lu sư đei tơdrong tơ'bôh. Lu sư glăi lăm tơdrong sek tơlang.

Êsai 29:10

Kră Yang đei pơm bơih kơ lu iĕm tep blêk, chĭt lê̆ măt lu iĕm, jơ̆ lu bơngai khan lê̆ adrol, Kră Yang gom kơ̆l lu iĕm bơngai mă đei tơdrong tơ'bôh.

Êsai 30:5

Đĭ-đăng lu sư gô mơlâu yua kơ minh adrĕch adrung, ưh kơ đei yua kiơ kơ lu sư, ưh kơ đei tơgŭm kư̆m ưh kơ đei lơi yua mă-lei pơm kơ lu sư mơlâu păng đe pơjăm.

Je 10:21

Lu bơngai yŏng kơhlôh. Ưh kơ đei apinh Kră Yang ôh na lu sư răm đĭ, Na kon pơlei lu sư tơklah tơklang.

Je 12:10

Lu bơngai wei triu pơrăm boih mir hơmu Inh; Pơjuă gơhlơ̆r teh Inh jang sa; lu sư pơm kơ teh 'lơ̆ng Inh jing bri juơ.

Je 16:19

Ơ Kră Yang, Ih boih ăn kơ inh jơhngơ̆m pran kơtang, kơđông kơjăp inh. Anih mă inh kơ'nơp lăm năr pơmat-tat. Lu kon bơngai đơ̆ng tôch kơ teh đak gô năm kơkuh kơ Ih păng khan: “'Bok yă lu nhôn kơkuh kơ yang chă pơm, ưh kơ đei yua kiơ, ưh kơ đei tơgŭm kiơ.

Je 18:18

Na lu sư khan: “Năm bĕ, chă đon blah Jêrêmi. Yua kơ bơ̆n oei đei 'bok soi bơtho khôi juăt oei đei lu bơngai hơgei, chă pơđâu, oei đei lu bơngai khan lê̆ adrol bơtho nơ̆r Kră Yang kơ lu bơ̆n. Bĕ bơ̆n chă sư pơma glăi păng 'nĕ pă mơ̆ng nơ̆r sư pơma kiơ kiơ.”

Je 2:11

Hăm đei teh đak ayơ tơplih boih yang lu sư, mă khan yang noh ưh kơ trŏ kơ yang tơpă? Mă-lei kon pơlei Inh tơplih boih tơdrong ư-ang Inh hăm tơdrong ưh kơ yua kiơ!

Je 2:6

Lu sư ưh pă jet khan: ‘Tơ yơ Kră Yang Sư boih mă pơklaih tơlĕch bơ̆n đơ̆ng dêh char Êyiptơ păng chông ba bơ̆n rok lăm char glă, 'bĕnh-'bang kơ sơlŭng, lăm char teh hrĕng kro păng măng mu tơdrong lôch, lăm teh đak mă ưh kơ đei bu rok păng ưh kơ đei bu oei.’

Je 4:22

“Tơpă kon pơlei Inh bơlŭk, lu sư ưh kơ băt kơ Inh. Lu sư oei 'lơ̆p nge kơhlôh, lu sư ưh kơ wao, lu sư nŏng kơ pơm kơnê̆, mă ưh kơ băt pơm minh tơdrong 'lơ̆ng.

Je 5:31

Lu bơngai khan lê̆ adrol pơma hơlĕnh, lu 'bok soi pơgơ̆r kiơ̆ thoi lu sư gơh kơdih, lu kon pơlei Inh lăp dêh kơ tơdrong thoi noh. Mă-lei truh năr tôch kơnh lu iĕm gô pơm thoi yơ?”

Je 7:8

Mă-lei, lu iĕm oei lui gơnang kơ nơ̆r hơlĕnh ưh kơ đei yua ôh.

Je 9:14

Mă-lei lu sư yak kiơ̆ jơhngơ̆m arăng lu sư kơdih, na kiơ̆ lu yang Baal, kiơ̆ thoi 'bok yă lu sư bơtho ăn boih kơ lu sư.”

Êsêkiên 22:26

Lu 'bok soi pơm glăi kơ khôi juăt Inh, pơm 'mê̆-'mach kơ tơmam rơgoh Inh. Lu sư ưh kơ băt lăng ayơ rơgoh, ayơ hmă, ưh kơ băt bơtho tơ'bôh ayơ 'mê̆-'mach, ayơ rơgoh. Lu sư tep măt ưh kơ kiơ̆ lu năr Sa'bat Inh, lei na pơm pơ'mê̆ kơ Inh boih lăm lu sư.

Êsêkiên 34:2

Ơ kon bơngai, khan lê̆ adrol wă blah plơ̆ lu bơngai wei triu, lu bơngai wei rong Isơrael; khan lê̆ adrol pơma kơ lu sư, athei khan lê̆ kơ bơngai wei triu: Kră Yang khan thoi âu: Răm-'băm tơpă, ơ lu bơngai wei rong Isơrael, lăp hiơ̆k kơ wei rong kơdih akâu đĕch, hăm trŏ kơ lu bơngai wei triu noh wei rong khŭl triu dah kiơ?

Hôsia 4:6

Kon pơlei Inh răm boih yua kơ lu sư ưh kơ hlôh wao. Yua kơ ih sơngah boih kơ tơdrong băt hlôh, Inh kư̆m lei-lăi gô sơngah kơ ih na ih ưh pă jing bơngai khan lê̆ adrol dơ̆ng. Yua kơ ih hiơt boih tơdrong juăt Inh Kră Yang 'Bok Kei-Dei ih, kư̆m lei-lăi thoi noh mơ̆n Inh kư̆m gô hiơt kơ kon sâu ih.

Habakuk 2:18

Rup hling man mă thơ̆ đei hling pơm, hăm đei lơi kiơ kơ sư? Man rup pơm yang, noh thoi 'bok thây bơtho hơlĕnh, đei yua kiơ? Mă lu thơ̆ man rup yang ưh kơ gơh pơma na kư̆m lui gơnang gơnăi đơ̆ng tơpang bơ̆n pơm kơdih?

Mathiơ 16:26

Mă bu mơdrŏng đei tôm mŭk tơmam tơ teh âu, dah sư ưh kơ arih ling-lang, lei truh sư lôch ưh pă đei yua kiơ boih. Mă sư mơdrŏng kư̆m ưh kơ gơh răt tơdrong arih sư ôh.

Luka 11:52

“Ơ lu thây bơtho đe Juđê, ning-mônh iĕm pơmat-tat dêh, yua kơ dang ei iĕm ưh kơ wă ăn kơ đe băt tơdrong 'Bok Kei-Dei mă 'blep. Iĕm dang lĕ đei khuă gơh mơ̆t tơ hnam 'Bok Kei-Dei pơhrăm tơdrong Sư, mă-lei iĕm ưh kơ wă pơih 'măng mơ̆t kơdih păng kư̆m kuă ăn đe mơ̆t mơ̆n.”

Yo 16:3

Lu sư gô pơm kơ iĕm thoi noh kơlih kơ lu sư ưh kơ băt kơ 'Bă Inh păng ưh kơ băt kơ Inh mơ̆n.

Yo 8:55

mă-lei iĕm ưh kơ băt kơ Sư ôh. Inh băt kơ Sư tơpă. Dah Inh khan Inh ưh kơ băt kơ Sư, lei Inh bơngai hơlĕnh thoi iĕm mơ̆n. Inh băt kơ Sư tơpă, na Inh băt kơ răk nơ̆r Sư.

II Kor 4:2

Nhôn jang ưh kơ đei ôn tơdrong kơnê̆ hrĕp thoi lu bơngai nai ôh. Nhôn ưh kơ hơlĕnh pơdăr thoi đe, nhôn ưh kơ ming tơplih nơ̆r 'Bok Kei-Dei pơma. Nhôn wă pơma kiơ, nhôn pơma hơdah hloi. Nhôn pơma tơpăt wă kơ đĭ-đăng bơngai băt kơ nhôn bơngai tơpăt 'bơ̆t anăp 'Bok Kei-Dei ling-lang.

Both 33:10

Sư bơtho nơ̆r tơtă Kră Yang ăn kơ adrĕch Jakôp. Păng khôi juăt Kră Yang ăn kơ bơngai Isơrael Sư soh pơyơ̆r 'long 'bâu phu 'bơ̆t anăp Kră Yang. Pơyơ̆r tơmam soi 'buh tơ kơpal chơnang soi.

I Sam 12:21

'Nĕ kơ achăng Kră Yang chă kơkuh kơ rup yang hiong răm đĕch, ưh kơ đei yua kiơ, ưh kơ băt pơklaih; yua kơ rup yang jơ̆ hiong răm đĕch.

I Sam 2:12

'Bar 'nu kon drŏ-nglo Hêli jing bơngai kơnê̆ tơpă, bre sư ưh kơ băt hli yom kơ Kră Yang.