Je 2:17 - Sơ̆p Hlabơar Nơ̆r 'Bok Kei-Dei

¹⁷ Hăm trŏ lu iĕm pŭ iŏk kơdih dôm tơdrong noh, yua kơ iĕm achăng Kră Yang 'Bok Kei-Dei iĕm kơplah Sư oei chông iĕm rok trong sơ̆?

Je 2:17 Iomraidhean Croise

Je 4:18

“Tơdrong iĕm oei arih sa păng iĕm đei pơm; ba tơdrong noh. 'Nâu đei truh kơ ih pơmat tơpă. Đơ̆ng tơdrong yoch kơnê̆ ih pơm! Tơdrong noh 'bet jĭ jơhngơ̆m iĕm.”

Je 2:19

Tơdrong yoch iĕm gô phak bơtho iĕm, tơdrong ih achăng Kră Yang gô chrih kơ iĕm. Athei băt nhen. Achăng lê̆ Kră Yang 'Bok Kei-Dei ih păng ưh pă băt hli yom kơ Inh, noh boih minh tơdrong kơnê̆ tơpă păng răm dêh.” Kră Yang Tih Hloh khan thoi noh.

Je 2:13

“Kon pơlei Inh đei pơm boih 'bar tơdrong yoch kơnê̆. Lu sư achăng lê̆ Inh, jơ̆ tu đak tơdrong arih păng chă sir sơlŭng mong đak kơdih, tơpă sơlŭng noh hơđang, ưh kơ gơh mong đak.

Hôsia 13:9

Ơ lu bơngai Isơrael, Inh gô pơrăm iĕm, yua kơ lu iĕm sơngah păng blah Inh, Tơ'ngla mă dŏng tơgŭm iĕm.

Horiso 107:7

Dui ba lu sư rok trong tơpăt. Lu sư năm truh tơ pơlei tih mă gơh oei.

Horiso 77:20

Ih yua ti Môis păng Arôn chông anhăk kon pơlei pơla Ih thoi khŭl triu.

Êsai 1:4

Ô dêh char yoch kơnê̆ dêh, kon pơlei pơla pơm yoch kơnê̆ trăp dêh tơpă, Adrĕch adrung pơm kơnê̆ dêh, lu kon hơ'lơ̆p pơm kư̆ kă, lu sư achăng hŭt Kră Yang. Lu sư Pơjăm Kră Yang 'Lơ̆ng tơpăt Isơrael, lu sư weh tơklah ataih bơih.

Horiso 136:16

Sư chông kon pơlei Sư rok char 'blach. Tơdrong 'mêm Sư oei oei ling-lang.

Jop 4:8

Kiơ̆ thoi inh 'bôh bơngai mă choh hăm tơdrong kơnê̆, lu bơngai rei tơdrong pơmat-tat đĕch, gô kĕch iŏk tơdrong noh.

I Ho 28:9

Bĕ ih, ơ! Sôlômôn, kon drŏ-nglo inh, athei băt kơ Sư Kră Yang 'Bok Kei-Dei inh 'bă ih, athei đĭ jơhngơ̆m đĭ bơhngol bơ̆jang kơ Kră Yang yua kơ Kră Yang băt hlôh 'bôh nhen lăm jơhngơ̆m klơm klak, păng băt dôm đon tơchĕng. Tơdah ih chă Kră Yang, kon gô tơ'bơ̆p; mă-lei tơdah ih achăng lê̆ Kră Yang, sĭt Kră Yang gô achăng lê̆ ih ling-lang.

Both 32:19

Kră Yang 'bôh đĭ, na Sư hil. Na achăng hŭt lê̆ kon drŏ-nglo păng kon drŏ-kăn.

Both 32:10

Kră Yang chă 'bôh lu kon pơlei Sư tơ lăm char glă. Tơ lăm bri brah đei nơ̆r ôr krao Kră Yang wei rong lu sư, bơwei lu sư wei thoi kon-ngai lăm măt Sư.

Jo 32:23

Tơdah iĕm ưh kơ pơm kiơ̆ thoi noh, lu iĕm gô pơm yoch 'bơ̆t anăp Kră Yang, iĕm athei băt tơdrong yoch noh gô tuh tơ kơpal kơ̆l lu iĕm.

Je 5:25

Tơdrong kơnê̆ lu iĕm pơm boih kơ lu iĕm pă đei tơdrong âu; Tơdrong yoch lu iĕm găn boih tơdrong pŭn hiôk 'mi prăng truh tơ lu iĕm.

Je 13:22

Păng tơdah ih khan lăm jơhngơ̆m ih. “Yua kơ kiơ tơdrong 'nâu truh kơ inh?” Noh yua kơ tơdrong yoch kơnê̆ ih tih tơpă. Dĭng mah đe tưk hơbĕn ih, păng đe gô tơrôp pơm kơnê̆ kơ ih.

Je 19:4

Yua kơ lu sư achăng lê̆ Inh boih, pơm ăn kơ anih 'nâu jing 'mê̆-'mach, hăm tơdrong lu sư soh nhang pơyơ̆r tơmam soi 'buh kơ lu yang nai, mă lu sư, đe yă 'bok lu sư, lu pơtao đe Juđa tam lah băt, pơm kơ anih 'nâu 'bĕnh kơ pham lu bơngai ưh kơ yoch.

Je 44:3

yua kơ đơ̆ng tơdrong yoch kon pơlei pơm wă tơblĕk Inh. Lu sư soh nhang păng kơkuh kơ lu rup yang nai, mă lu sư dah ih dah lu 'bok yă iĕm ưh tam băt ôh.

Êsêkiên 39:24

Inh đei pơm kơ lu sư kiơ̆ kơ tơdrong yoch kơnê̆ 'mê̆-'mach păng tơdrong yoch lu sư pơm păng Inh ôn muh măt kơ lu sư.

II Ho 15:2

Sư năm tơ'bơ̆p Asa păng khan: “Ơ Asa, păng đĭ bơngai Juđa hăm bơngai Bênjamin, mơ̆ng bĕ nơ̆r inh; lu iĕm oei hơdai hăm Kră Yang dang yơ, Kră Yang oei hơdai iĕm dang noh. Tơdah lu iĕm chă Sư lu iĕm gô tơ'bơ̆p, mă-lei tơdah lu iĕm achăng lê̆ Sư, na Sư kư̆m gô achăng lê̆ lu iĕm.

Jop 34:27

Yua kơ lu sư weh achăng lê̆ Kră Yang, Ưh kơ wă lăng ôh trong gơlong Kră Yang.

Tơdrông Pơđơk 15:10

Phak kơtang tơpă bơngai bu kuă kơ kiơ̆ trong tơpăt; Bơngai areh kơ tơdrong teh bơtho gô lôch.

Êsai 59:13

Lu nhôn yoch bơih, blah plơ̆ Kră Yang, păng tơwih rŏng ưh kơ wă kiơ̆ Kră Yang 'Bok Kei-Dei lu nhôn. Lu nhôn pơma tơdrong kơnê̆ blơ̆ blĕch păng blah. Tơchĕng lĕch nơ̆r pơma hơlĕnh đơ̆ng lăm jơhngơ̆m.

Mi 1:5

Đĭ-đăng tơdrong noh yua kơ đơ̆ng Jakôp pơm yoch păng yua kơ tơdrong yoch adrĕch bơngai Isơrael. Jakôp pơm tơdrong yoch glăi kiơ? Hăm trŏ kơ pơlei Samari? Lu anih kơjung Juđa noh kiơ? Hăm trŏ noh pơlei Jêrusalem?