Je 2:15 - Sơ̆p Hlabơar Nơ̆r 'Bok Kei-Dei

¹⁵ Dăm-brang ôr grĕnh, hơnganh bruh tơ sư. Pơm ăn kơ teh đak sư jing juơ. Lu pơlei tih sư đe soh pơrăm ưh pă đei bơngai oei.

Je 2:15 Iomraidhean Croise

Jop 4:10

Mă khan bơngai kơnê̆ grĕnh arum thoi dăm-brang, hơnĕnh dăm-brang yŏng Kră Yang gơ̆ lê̆ bơih.

Horiso 57:4

Bơhngol inh oei tŏk-bŏk dăm-brang Inh 'bĭch tŏk-bŏk lu sem bri sa bơngai. Mă đei hơnĕnh thoi tơju păng thoi 'brơ̆m, Hơpiĕt lu sư nhen đao suĕng han.

Êsai 1:7

Dêh char lu iĕm jing juơ, lu pơlei tih iĕm ŭnh sa đĭ, lu bơngai tơmoi tơgar iŏk teh choh iĕm 'bơ̆t anăp lu iĕm, teh lu iĕm jing juơ rơhiăng thoi lĕ bơngai tơmoi pơrăm tơgar iŏk bơih.

Êsai 24:1

'Nâu Kră Yang gô pơrăm teh, pơm kơ teh jing juơ rơhiăng, sư gô blơ̆ pơrăm lê̆ teh đak păng pơm kơ kon pơlei tơklah tơklang.

Êsai 5:29

Lu sư ôr jơwa thoi dăm-brang akăn, gơhuh nhen dăm-brang mơlôh, lu sư grĕnh chă rôp sa sem bri păng hor ba, ưh kơ đei bu kĕ dŏng pơklaih ôh.

Êsai 5:9

Kră Yang Tih Hloh khan 'bơ̆t đon inh: “Sĭt tơpă gô đei lơ hnam gô lê̆ jing juơ, lu hnam tih kơjung păng 'lơ̆ng mă-lei ưh kơ đei bu oei lăm noh!

Êsai 6:11

Na inh jet: “Ơ Kră Yang dĭng truh tơ layơ?” Na Kră Yang tơl: “Gô dĭng lu pơlei noh jing juơ, ưh kơ đei kon pơlei oei lăm noh, hnam ưh kơ đei bơngai oei, teh mir đĭ răm jing bri đĭ;

Je 10:22

Mơ̆ng bĕ, đei tơdrong 'nao truh! Đei tơdrong rŭng răng đơ̆ng char gah yă-nơ̆m, Wă pơm ăn kơ pơlei tih Juđa jing juơ, Jing anih kŏ bri oei.

Je 25:30

“Gah ih, roi tơbăt lê̆ bĕ dôm nơ̆r wă blah lu sư âu păng khan: ‘Kră Yang gô ôr tơkĕch đơ̆ng anih tơ kơpal; đơ̆ng anih 'lơ̆ng rơgoh Sư, sư gô ôr kơtang wă pơm kơ teh Sư, ôr jreo tơkĕch thoi đe pơjuă plei hơmu, Sư blah pơm kơ đĭ-đăng kon bơngai oei kơpal teh đak âu.

Je 25:9

'nâu, Inh gô krao đĭ adrĕch adrung gah yă-nơ̆m păng đĭch đam Inh Nebukatnessar pơtao Babilôn,’ Kră Yang khan: ‘Inh gô ba lu sư blah iŏk dêh char âu hăm lu kon pơlei oei lăm char âu păng pơm kơ lu kon pơlei oei tăp dăr kơ char âu hai. Inh gô pơrăm đĭ lu sư, pơm kơ lu sư đe lăng 'brơ̆ krưp, đe pơjăm păng hiong răm hlŏng hloi.

Je 26:9

“Liơ ih pơ̆n yua anăn Kră Yang pơma lê̆ adrol khan: Hnam akŭm âu gô thoi Silô, pơlei âu gô juơ ưh kơ đei bơngai oei?” Na đĭ-đăng kon pơlei akŭm wang Jêrêmi lăm hnam Kră Yang.

Je 33:10

'Nâu Kră Yang khan: “Ih khan gah anih 'nâu: ‘Anih noh juơ ưh kơ đei bơngai oei, kư̆m ưh kơ đei kon sem bri.’ Lăm đĭ-đăng pơlei tih char Juđa păng trong tih pơlei Jêrusalem, dang ei jing anih rơ̆m rĕk, ưh kơ đei bơngai oei păng kư̆m ưh kơ đei sem brem trŏ tơpă.

Je 34:22

Kră Yang khan: “'Nâu Inh gô chông lu sư brŏk hơlơ̆k blah pơlei âu; lu sư gô soh pơlei 'nâu, Inh gô ăn đĭ-đăng lu pơlei lăm char Juđa jing juơ, ưh kơ đei bơngai oei.”

Je 4:7

Dăm-brang lĕch boih đơ̆ng anih sư, lu bơngai chă pơrăm dêh char đe, pơtơm lĕch đơ̆ng anih lu sư boih wă pơrăm pơm ăn kơ teh âu jing bri brah, Lu pơlei tih iĕm jing juơ, pă đei bơngai oei.

Je 44:22

Kră Yang ưh kơ kĕ ĕnh boih tơdrong kơnê̆ lu iĕm, tơdrong 'mê̆ krưp lu iĕm pơm, na teh đak lu iĕm jing juơ, pŭ hơngiap, blei hiap, ưh kơ đei bu oei truh tơ năr 'nâu.

Je 5:6

Lei na dăm-brang lĕch đơ̆ng bri năm châu sa lu sư, kŏ-so đơ̆ng char glă gô kăp pơlôch lu sư, djrang oei răp tơ 'nguaih kơ pơlei ti wă châu hek sa lu đe bu mă lĕch tơ 'nguaih pơlei, yua kơ tơdrong yoch lu sư lơ dêh, tơdrong kơnê̆ lu sư lơlap.

Je 50:17

Isơrael boih khŭl triu jrok, Đei dăm-brang druh rôp. Adrol sơ̆ pơtao Asiri hek sa lu sư boih; Đơ̆ng rŏng Nebukatnessar, pơtao Babilôn, kăp rĕn kơting sư.”

Je 51:38

Lu kon pơlei ôr hơdai thoi dăm-brang, grĕnh thoi dăm-brang kon.”

Je 6:8

Ơ pơlei Jêrusalem mơ̆ng bĕ nơ̆r chrih bơtho, kơnh Inh achăng lê̆ iĕm, Kơnh pơm ăn kơ iĕm jing bri juơ, ưh kơ đei bu oei.

Je 9:10

“Inh gô nhơ̆m hmoi kơ kông, nhơ̆m hmoi kơ tơmăn 'nhĕt lăm char glă, đe pơrăm lê̆ lu sư boih: ‘Ô dĭng mah pă đei bơngai yak găn rok noh. Tơ noh kư̆m pă đei kơtơ̆ng lu kon rơmo hmoi, Mă lu sem păr kư̆m pă kơtơ̆ng asi, lu sem bri kư̆m kơdâu đĭ tơ nai.’

Je 9:11

Inh gô pơm kơ pơlei Jêrusalem jing anih rơ̆m rĕk. Jing anih kơ lu kŏ bri oei; păng kơ char Juđa jing juơ, ưh kơ đei bơngai bu gơh oei.”

Êsêkiên 36:3

Yua kơ thoi noh khan lê̆ adrol thoi âu: ‘Kră Yang khan thoi âu: Yua kơ lu sư pơm kơ ih jing juơ rơhiăng pă đei, blah ih đơ̆ng gah puăn pah, pơm kơ ih jing tơmam lu adrĕch adrung oei đei yua iŏk păng jing nơ̆r đe pơma roi sa, pơjăm,

Êsêkiên 5:14

Inh gô pơm kơ ih pơchah pơchek păng đe che bơle lăm teh đak jum dăr păng 'bơ̆t anăp lu bơngai chă yak brih găn.

Hôsia 11:10

Sư gô grĕnh thoi dăm-brang, na lu bơngai Isơrael gô kiơ̆ rŏng Kră Yang, mưh Sư arum, na kon sâu Sư đơ̆ng gah bơmơ̆t gô truh hli tơtơ̆.

Hôsia 5:14

Inh gô jing thoi dăm-brang kơ lu bơngai Êphraim, thoi kon dăm-brang kơ bơngai Juđa. Inh boih gô kăp hek lu sư, na yak hloi tơ nai. Inh gô chông ba, ưh kơ đei bu gơh plah dŏng lu sư ôh.

Am 3:12

Kră Yang khan: Thoi lu bơngai wei triu dui pơdŭng iŏk 'bar pah jơ̆ng dah minh pah đon đơ̆ng 'bơ̆r dăm-brang, na lu kon sâu Isơrael kư̆m lei-lăi, lu bơngai mă hơ-oei tơ kơpal giơng tơ dêh Samari păng kơpal 'bi lơ̆k tơ pơlei Đamas, kư̆m gô gơh dŏng pơklaih thoi noh.

Am 3:4

Hăm trŏ dăm-brang ôr lăm bri, tơdah sư ưh kơ đei rôp sa sem kiơ? Dah dăm-brang ưh kơ đei rôp sa kiơ hăm trŏ sư ôr đơ̆ng lăm trôm anih sư.

Am 3:8

Kơplah dăm-brang ôr grĕnh, hăm đei bu mă ưh kơ hli? Dah Kră Yang bơtho khan boih hăm đei bu ưh kơ khan lê̆ adrol?

Na 2:11

Tơ yơ trôm sơlŭng dăm-brang oei păng anih mă sư rong kon sư, anih dăm-brang tơno, dăm-brang akăn păng lu kon sư, mơ̆t lĕch mă ưh pă đei hli kơ bu,

Jêphania 1:18

Mă hu dah maih lu sư kư̆m ưh kơ gơh pơklaih lu sư đơ̆ng tơdrong Kră Yang hil mĭl; đĭ-đăng kơ teh gô răm đĭ lăm ŭnh mă Kră Yang hil mĭl, yua kơ Sư pơlôch pơđĭ kon bơngai kơpal teh âu ưh kơ tam kơ băt.”

Jêphania 2:5

Răm-'băm tơpă kơ pơlei mă oei jê̆ đak dơsĭ, wă khan lu adrĕch Kêrêthit! Ơ Kanaan jơ̆ teh đak Philistin, nơ̆r Kră Yang kư̆m pơma blah lu iĕm; “Inh gô pơlôch pơgoh đĭ lu iĕm dĭng pă đei.”

Jêphania 3:6

“Inh đei pơlôch boih lu adrĕch adrung, hnam thôt 'bơ̆t mum pơlei tih lu sư jing juơ tơtŭng. Inh pơm ăn kơchơ lu sư jing juơ rơhiăng, dĭng mah pă đei bu yak năm trong 'nei, pơlei sư pơrăm pơlôch đĭ, ưh pă đei minh 'nu bu păng kư̆m pă đei oei tơ noh.

Sa 11:3

Đei nơ̆r ôr nhơ̆m hmoi lu bơngai wei triu! Yua kơ pơrăm đĭ boih tơdrong ư-ang lu sư; đei lu kon dăm-brang grĕnh ôr! Yua kơ tơdrong 'lơ̆ng rŏ Jôrđăn răm đĭ boih.

Lu 14:5

Samsơn jur năm tơ pơlei Timna hơdai hăm mĕ 'bă sư. Lăp lu sư truh 'bơ̆t pơgar hơmu pơlei Timna 'bôh đei minh pơm kon dăm-brang grĕnh bruh châu Samsơn.