Je 18:8 - Sơ̆p Hlabơar Nơ̆r 'Bok Kei-Dei

⁸ Mă-lei tơdah adrĕch adrung mă Inh roi noh achăng lê̆ tơdrong yoch lu sư kơdih, lei Inh gô tơplih đon Inh mă wă pơrăm lu sư noh.

Je 18:8 Iomraidhean Croise

II Ho 12:6

Kră pơgơ̆r bơngai Isơrael păng pơtao lu sư tơjur akâu tơbral păng khan: “Kră Yang 'lơ̆ng tơpăt.”

Horiso 106:45

'Blŏk dơ̆ng kơ lu sư, yua đơ̆ng nơ̆r Sư pơgơ̆p. Yua kơ đơ̆ng tơdrong 'mêm mơnat tih Sư 'mêm mơnat kơ lu sư.

Horiso 135:14

Yua kơ Kră Yang gô sek tơlang tơpăt kơ kon pơlei pơla Sư. Păng đei jơhngơ̆m mơnat kơ lu đĭch đam Sư.

Horiso 90:13

Ơ Kră Yang! Apinh Ih hơlơ̆k dơ̆ng. Ih wă hil dĭng dang yơ? Tơplih jơhngơ̆m Ih mơnat kơ đĭch đam Ih

Le 32:12

Liơ Ih wă lê̆ lu bơngai Êyiptơ khan: ‘Kră Yang chông tơlĕch lu sư đơ̆ng char bơ̆n wă pơrăm lê̆, pơlôch lê̆ lu sư tơ lăm kông, hăm pơrăm pơtôch lê̆ lu sư đơ̆ng lăm teh đak âu?’ Lê̆ bĕ tơdrong Ih blĕk tơtŏ păng tơplih tơdrong tơchĕng Ih wă pơm kơnê̆ kơ kon pơlei pơla Ih.

Le 32:14

Đơ̆ng noh Kră Yang tơplih tơdrong Sư tơchĕng wă pơm kơnê̆ lu kon pơlei pơla Sư.

Je 12:16

Tơdah lu sư pơnam hŏk pơhrăm iŏk kiơ̆ trong kon pơlei pơla Inh păng pơkă pơkăm hăm anăn Inh. ‘Tơpă Kră Yang arih,’ thoi sơ̆ lu sư kư̆m bơtho kon pơlei Inh pơkă hăm yang Baal, kơplah noh lu sư gô oei kơjăp lăm kon pơlei pơla Inh.

Je 15:6

Kră Yang khan: “Ih sơngah achăng lê̆ Inh boih. Ih kư̆m oei kơdŭn tơ rŏng, Na Inh gô yơ̆r ti pơrăm ih; Inh ưh pă đei mơnat boih kơ ih.

Je 26:13

Na dang ei iĕm athei tơplih tơdrong arih iĕm păng tơdrong jang iĕm, mơ̆ng kiơ̆ bĕ nơ̆r Kră Yang 'Bok Kei-Dei lu iĕm, na Kră Yang gô tơplih đon tơdrong wă pơm kơ lu iĕm. Sư đei khan lê̆ adrol kơ lu iĕm băt.

Je 26:19

‘Hesekia, pơtao đe Juđa păng đĭ kon pơlei Juđa wă pơlôch Mika mơ̆n hă? Ưh kơ trŏ yua kơ pơtao hli yom kơ Kră Yang, na krao apinh Kră Yang mơnat ăn; na Kră Yang tơplih đon huay kơ pơrăm lu sư thoi Kră Yang pơkă wă pơrăm lu sư. Bĕ lu bơ̆n 'nâu pă 'biơ̆ wă pŭ iŏk tơdrong pơrăm kơ lu bơ̆n kơdih.’ ”

Je 26:3

Băt lu sư gô mơ̆ng ih, na rim 'nu gô weh đơ̆ng tơdrong kơnê̆ wih tơ Inh, na Inh gô tơplih đon tơdrong Inh wă pơrăm lu sư, yua kơ tơdrong yoch kơnê̆ lu sư pơm.

Je 36:3

Mưh lu bơngai Juđa kơtơ̆ng đĭ-đăng tơdrong răm Inh wă pơm kơ lu sư, rŏ lăng lu sư gô tơbral achăng lê̆ tơdrong kơnê̆ lu sư kơdih, na Inh huay jô̆ yo tơdrong yoch kơnê̆ lu sư.”

Je 42:10

Tơdah lu iĕm kư̆ oei tơ lăm teh đak âu, Inh gô tơiung lu iĕm ưh kơ pơrăm lu iĕm ôh, gô bơ̆ pơpôi pơtăm ưh kơ buch lê̆ ôh; Inh ưh kơ hiôk kơ tơdrong Inh pơrăm lu iĕm boih.

Êsêkiên 18:21

Tơdah lu bơngai pơm kơnê̆ băt tơbral đĭ-đăng tơdrong yoch sư hlôi pơm, na wei răk dôm khôi juăt Inh păng pơm tơdrong 'lơ̆ng tơpăt, tơpă sư gô đei tơdrong arih, ưh kơ lôch ôh.

Êsêkiên 33:11

Khan bĕ kơ lu sư, Thoi Inh mă arih Kră Yang khan: Inh ưh kơ hiôk ôh kơ tơdrong lu bơngai yoch lôch, Inh hiôk dah sư achăng lê̆ trong tơdrong yoch sư na đei tơdrong arih; wih bĕ, wih bĕ, weh đơ̆ng trong tơdrong yoch iĕm, ơ hnam Isơrael. Yua kơ kiơ iĕm wă lôch?.

Êsêkiên 33:12

Gah ih, ơ kon bơngai, khan bĕ kơ pơlei pơla ih, Tơdrong tơpăt lu bơngai tơpăt ưh kơ gơh pơklaih sư ôh lăm năr sư pơm yoch; tơdrong kơnê̆ lu bơngai pơm yoch ưh kơ gơh tơpơ̆k sư lăm năr sư weh achăng đơ̆ng tơdrong yoch sư. Bơngai tơpăt ưh kơ đei arih yua đơ̆ng tơdrong tơpăt sư lăm năr sư pơm yoch,

Êsêkiên 33:13

Tơdah Inh khan kơ bơngai tơpăt. Tơpă ih gô arih mă-lei tơdah sư gơnang kơ tơdrong tơpăt sư kơdih na pơm yoch, Inh ưh pă đei 'blŏk dơ̆ng kơ tơdrong tơpăt mă sư pơm boih, na sư gô lôch lăm tơdrong yoch sư đêl pơm.

Êsêkiên 33:14

Kŭm thoi noh mơ̆n tơdah Inh khan kơ bơngai pơm yoch, Tơpă ih gô lôch mă-lei tơdah sư achăng lê̆ tơdrong yoch na pơm tơdrong tơpăt pơm 'lơ̆ng;

Hôsia 11:8

Ơ Êphraim, liơ Inh gơh achăng ih, Ơ Isơrael, liơ Inh gơh jao lê̆ lu iĕm kơ đe? Liơ Inh gơh ăn pơm kơ lu iĕm jing thoi pơlei Atma, dah liơ Inh gơh pơm kơ lu iĕm thoi pơlei Sêbôim? Jơhngơ̆m Inh sơngah ưh kơ wă pơm tơdrong noh păng jơhngơ̆m Inh 'mêm kơeng đĭ tơtŏ dêh boih.

Am 5:15

Areh bĕ kơ tơdrong kơnê̆, na 'mêm bĕ kơ tơdrong 'lơ̆ng; pơm pơjing bĕ tơdrong 'lơ̆ng tơpăt 'bơ̆t 'măng jang pơlei. Rŏ lăng Kră Yang 'Bok Kei-Dei Tih hloh gô mơnat ăn kơ dôm lu bơngai Jôsep mă oei arih.

Jôna 4:2

Sư krao khan kơ Kră Yang thoi âu: Ơ Kră Yang, noh hăm trŏ inh đei băt boih kơplah inh oei lăm dêh char nhôn sơ̆? Yua kơ noh na inh hăt hot kơdâu klĕnh tơ pơlei Tarisi. Yua kơ inh băt boih Ih jơ̆ Kră Yang 'Bok Kei-Dei iơ̆m dim, băt mơnat, hiơ̆ kơ hil, 'bĕnh hăm tơdrong 'mêm mơnat, ưh kơ wă pơrăm.

Both 32:36

Trŏ boih Kră Yang gô sek tơlang kơ kon pơlei Sư. 'Mêm mơnat kơ đĭch đam Sư. Kơplah Kră Yang 'bôh jơhngơ̆m lu sư gleh lap đĭ boih, ưh pă đei bu oei đĭch dah yŏng tơ'ngla lu sư.

Lu 2:18

Kơplah Kră Yang rơih lu 'bok sek tơlang ăn kơ lu bơngai Isơrael, Sư oei hơdai hăm lu 'bok sek tơlang noh păng yua lu sư pơklaih lu bơngai Isơrael đơ̆ng ti lu bơngai mă ayăt kơ lu sư Kră Yang mơnat kơ lu sư ôr krao yua kơ ayăt lu bơngai pơm kơnê̆ pơjuă pơđep lu sư.