Je 18:12 - Sơ̆p Hlabơar Nơ̆r 'Bok Kei-Dei

¹² Mă-lei lu sư oei khan: ‘Măk ai kơ nhôn. Lu nhôn oei kiơ̆ kơ đon nhôn kơdih, rim 'nu kư̆ kiơ̆ kơ jơhngơ̆m đon arăng kơnê̆ kơdih.’ ”

Je 18:12 Iomraidhean Croise

Bl 6:5

Kră Yang 'bôh kon bơngai kơpal teh âu pơm kơnê̆ dêh păng jơhngơ̆m lu sư tơchĕng kơnê̆ ling-lang.

Bl 8:21

Kră Yang 'bâu phu păng tơchĕng khan: “Inh ưh pă hiap teh yua kơ kon bơngai dơ̆ng, yua kơ jơhngơ̆m kon bơngai yoch kơnê̆ tơpă đơ̆ng sơ̆, đơ̆ng oei 'lơ̆p.c Inh kư̆m ưh kơ wă pơrăm lu kon sem arih thoi Inh đei pơm.

II Pot 6:33

Tŏk-bŏk sư oei pơma thoi ei na lu sư 'bôh blư bơngai mă pơtao wơh ei truh, kư̆m blu pơtao truh mơ̆n, pơtao khan kơ 'bok Êlisê thoi âu: “Đei tơdrong răm truh 'nâu lĕch đơ̆ng Kră Yang. Lei inh wă gơnang kơ kiơ kơ Kră Yang dơ̆ng.”

Êsai 57:10

Iĕm gleh lap bơih yua kơ trong ataih; mă-lei lu iĕm ưh kơ đei khan, noh jơ̆ tơdrong kơ đei. Lu iĕm chă 'bôh bơih jơhngơ̆m pran kơ iĕm kơdih, na iĕm ưh kơ đei rơdu tơrăn.

Êsai 65:2

Inh yơ̆r ti Inh prăt năr tơ gah minh adrĕch kon pơlei mă arăng kơ̆l. Lu bơngai mă năm lăm trong ưh kơ 'lơ̆ng, kiơ̆ kơ đon kơdih tơchĕng.

Je 11:8

Mă-lei lu sư ưh kơ chu ôh, kư̆m ưh kơ wă mơ̆ng, lu sư yak kiơ̆ kơ jơhngơ̆m kơnê̆ arăng lu sư kơdih. Yua kơ thoi noh na Inh đei phak lu sư kiơ̆ kơ nơ̆r pơgơ̆p âu, nơ̆r pơgơ̆p mă Inh đei tơtă boih kơ lu sư wă kơ pơm kiơ̆ mă-lei lu sư ưh kơ pơm kiơ̆ ôh.’ ”

Je 16:12

Gah lu iĕm kư̆m yoch kơnê̆ hloh kơ lu yă 'bok lu iĕm sơ̆, yua kơ rim 'nu lu iĕm yak kiơ̆ trong jơhngơ̆m kơnê̆ păng arăng kơ̆l lu iĕm, ưh pă wă mơ̆ng nơ̆r Inh.

Je 2:25

'Nĕ kơ pơlap jơ̆ng gleh păng dĭng hơlŏng iĕm rơhing! Mă-lei iĕm khan. ‘Măk ai kiơ̆ boih; nhôn hơyuh wă kơ yang nai păng nhôn gô kiơ̆ lu sư?’

Je 23:17

Lu sư hrăn pơma roi kơ lu bơngai areh kơ Inh: ‘Kră Yang khan: Lu iĕm gô đei hiôk-hian.’ Lu sư pơma roi kơ đĭ lu bơngai arăng kơ̆l kiơ̆ thoi lu sư wă kơdih. ‘Ưh kơ đei tơdrong răm kiơ truh kơ iĕm ôh.’

Je 3:17

Kơplah lăm năr noh đe gô krao pơlei Jêrusalem jơ̆ tăng dŏ pơtao Kră Yang păng rim kơ adrĕch adrung gô akŭm tơ pơlei Jêrusalem, lăm anăn Kră Yang. Ưh pă đei bu arăng kơ̆l kiơ̆ kơ jơhngơ̆m kơnê̆ lu sư dơ̆ng.

Je 44:17

Mă-lei lu nhôn gô pơm keh dôm nơ̆r lu nhôn pơkă boih, lu nhôn gô soh nhang 'bâu phu kơ Pơtao Drŏ-kăn kơpal Plĕnh păng tuh sik pơyơ̆r ăn kơ sư, thoi lu nhôn đei pơm boih, lu 'bok yă lu nhôn, lu pơtao nhôn, lu yŏng pơgơ̆r lu nhôn lăm lu pơlei lăm dêh char Juđa păng tơ rok trong lăm pơlei tih Jêrusalem; kơplah noh lu nhôn đei tơmam sa phĭ rơkah rơkai, jang sa hiôk-hian ưh kơ đei tơdrong kiơ truh.

Je 6:17

Inh 'măn boih lu bơngai gak wei-lăng tăp dăr kơ iĕm păng khan; ‘Pơgling đon lu iĕm mơ̆ng bĕ keng re.’ Mă-lei lu sư khan: “Lu nhôn ưh kơ wă mơ̆ng ôh.”

Je 7:24

Mă-lei lu sư ưh kơ wă mơ̆ng nơ̆r Inh kư̆m kuă kơ pơgling đon mơ̆n, lu sư arih kiơ̆ kơdih wă kiơ̆ kơ jơhngơ̆m kơnê̆, arăng kơ̆l, lu sư kơdŭn tơ rŏng ưh kơ năm tơ anăp.

Êsêkiên 37:11

Kră Yang khan kơ inh: “Ơ kon bơngai, lu kơting âu boih đĭ kơ adrĕch Isơrael. To, lu sư khan: ‘Kơting lu bơ̆n kro boih, tơdrong hơmĕng lu bơ̆n hiong đĭ boih, lu bơ̆n lôch răm đĭ boih!’

Malachi 3:14

Lu iĕm đei khan: “Đe mă bơ̆jang kơ Kră Yang 'Bok Kei-Dei noh tơdrong ưh kơ đei; lu bơ̆n wei nơ̆r Sư bơtho pơkă, athei bơwei păng yak nơnăm lăm tơdrong ơh sơ'ngon 'bơ̆t anăp Kră Yang Tih Hloh, na lơi kiơ?

Luka 1:51

Sư yua tơdrong mơsêh mơyang Sư wă blah pơpuh tŭk lê̆ lu bơngai mă pơang akâu kơdih hăm pơm kơnê̆ kơ đe.

Both 29:19

Bơngai bu kơtơ̆ng dôm nơ̆r pơkă pơkăm lăm tơdrong pơgơ̆p 'nâu, 'nĕ sơkat pŭn hiôk kơdih 'nâu, 'nĕ kơ đei lăm jơhngơ̆m tơchĕng khan: Inh gô oei arih sa kiơ̆ tơdrong inh kơdih kư̆m bưh, huay kơ đei kiơ. Pơm thoi noh pơrăm iĕm kư̆m thoi teh hơiuh hăm teh hrĕng kro.