Je 17:9 - Sơ̆p Hlabơar Nơ̆r 'Bok Kei-Dei

⁹ Jơhngơ̆m kon bơngai hơlĕnh pơdăr hloh kơ đĭ-đăng, păng kơnê̆ răm tơpă; Bu kĕ băt jơhngơ̆m kon bơngai?

Je 17:9 Iomraidhean Croise

Bl 6:5

Kră Yang 'bôh kon bơngai kơpal teh âu pơm kơnê̆ dêh păng jơhngơ̆m lu sư tơchĕng kơnê̆ ling-lang.

Bl 8:21

Kră Yang 'bâu phu păng tơchĕng khan: “Inh ưh pă hiap teh yua kơ kon bơngai dơ̆ng, yua kơ jơhngơ̆m kon bơngai yoch kơnê̆ tơpă đơ̆ng sơ̆, đơ̆ng oei 'lơ̆p.c Inh kư̆m ưh kơ wă pơrăm lu kon sem arih thoi Inh đei pơm.

II Sam 11:15

Lăm kơthơ sư chih thoi âu: “Dan bĕ Uri yak adrol lăm năr tơblah tih, na lu iĕm kơdŭn ataih đơ̆ng sư, wă kơ sư rơka na lôch.”

Horiso 51:5

Tơpă, tơpŭ kơ inh lăm tơdrong kơnê̆, mĕ inh anăp kơ inh lăm tơdrong yoch.

Horiso 64:7

Mă-lei Kră Yang 'Bok Kei-Dei gô prah lu sư. 'Bôh 'băi lu sư đei rơka đơ̆ng 'brơ̆m.

Tơdrông Pơđơk 28:26

Bơngai bu gơnang kơ akâu kơdih gô jing bơlŭk. Mă-lei đei bu yak kiơ̆ trong gơh hơgei gô đei hiôk hơđơ̆ng.

Bôk Bơthô 9:3

Tơdrong mă sơ'ngon dêh lăm ala teh âu, đĭ-đăng bơngai tă kơ lei-lăi ngăl. Mă loi lu bơngai đei, jơhngơ̆m 'bĕnh kơ tơdrong kơnê̆ păng kơplah lu sư oei arih ưh kơ băt tơchĕng, kiơ̆ kơtul kơwao tuch-luch đĭ-đăng gô lôch ngăl.

Êsai 1:5

Lơliơ lu iĕm wă kơ oei teh hơnơ̆ng? Yua kơ kiơ lu iĕm oei 'maih blah plơ̆ ling-lang? Rim kơ̆l lu iĕm đĭ rơka, jơhngơ̆m lu iĕm đĭ jĭ bơih.

Êsai 1:6

Đơ̆ng tơpang jơ̆ng truh tơ kơpal kơ̆l, ưh kơ đei 'bơ̆t yơ 'lơ̆ng. Tă kơ pơ'ngeh đêl teh păng rơka pham ro, tam mă ôp hăm pơ̆n hơmet păng tam mă pik đak pơgang rơmă ôliwơ mơ̆n.

Êsai 6:10

Pơm bĕ kơ kon pơlei 'nâu jơhngơ̆m lu sư arăng, đon tơngơl, măt lu sư bơbôl, Hli kơ măt lu sư gơh 'bôh đon lu sư kơtơ̆ng jơhngơ̆m lu sư hlôh kơnh lu sư wơ̆t brŏk păng gơh klaih.”

Je 16:12

Gah lu iĕm kư̆m yoch kơnê̆ hloh kơ lu yă 'bok lu iĕm sơ̆, yua kơ rim 'nu lu iĕm yak kiơ̆ trong jơhngơ̆m kơnê̆ păng arăng kơ̆l lu iĕm, ưh pă wă mơ̆ng nơ̆r Inh.

Je 7:24

Mă-lei lu sư ưh kơ wă mơ̆ng nơ̆r Inh kư̆m kuă kơ pơgling đon mơ̆n, lu sư arih kiơ̆ kơdih wă kiơ̆ kơ jơhngơ̆m kơnê̆, arăng kơ̆l, lu sư kơdŭn tơ rŏng ưh kơ năm tơ anăp.

Mathiơ 13:15

Yua kơ đon lu sư kơtul dêh, Mă-lei lu sư oei wă pơchĭt đon sư kơdih khŏm khŏm 'mơ̆i, Păng măt lu sư wă kơ tep ling-lang. Dah lu sư 'nĕ kơ pơm đon thoi noh, lei măt lu sư gơh 'bôh, Đon lu sư gơh kơtơ̆ng nhên, lu sư gơh tơchĕng kơdih băt wih tơ 'Bok Kei-Dei, Na Sư gô pơklaih đĭ dôm tơdrong yoch lu sư.’

Mathiơ 15:19

Yua kơ đơ̆ng jơhngơ̆m đon kon bơngai tơchĕng kơnê̆ na jing yoch: Sư pơlôch đe, kơtrŏ hăm akăn đe, sư pơm pơyô kư̆ kă, sư tơtông, sư oei pơma hơlĕnh, sư pơjăm pơjuă đe.

Markôs 2:17

Yêsu kơtơ̆ng hloi lu sư pơma thoi noh, na Sư khan kơ lu 'bok thây ei: “Lu bơngai liĕm akâu ưh kơ kăl kơ 'bok pơgang ôh, pôm lu bơngai jĭ jăn đĕch kăl kơ 'bok pơgang. Inh năm tơ âu ưh kơ sĭ chă wơ̆n lu bơngai 'lơ̆ng ôh. Inh năm tơ âu wă wơ̆n chă lu bơngai yoch wă kơ sư tơbral kơdih tơdrong yoch sư.”

Rom 1:21

Kon bơngai bơ̆n băt kơ đei 'Bok Kei-Dei, mă-lei kuă bơnê ư-ang kơ Sư, thoi noh kon bơngai bơ̆n tơchĕng rai ưh kơ tơpăt rai kơtul jing măng mu.

Rom 7:11

Inh ngêh kơ tơdrong juăt 'Bok Kei-Dei pơkă noh sơ̆ wă ăn kơ inh arih hiôk, na 'nâu khan rai tơbăt kơ inh bơngai yoch trŏ kơ wă lôch răm. 'Noh yua kơ tơdrong kơnê̆ oei lăm jơhngơ̆m inh pơm kơ inh yoch.

Êphêsô 4:22

Iĕm athei lê̆ tơdrong so, tơdrong mă iĕm juăt kơ pơm sơ̆. Pơm thoi noh sơ̆ rai đunh rai răm yua kơ 'maih pơm lơ tơdrong kơnê̆.

Hêbrơ 3:12

Ơ 'nhŏng oh, iĕm athei kơchăng hli kơ iĕm đei jơhngơ̆m kơnê̆ jing kuă kơ lui, achăng lê̆ 'Bok Kei-Dei Kră Yang mă arih ling-lang.